ລິ້ງ ສຳຫລັບເຂົ້າຫາ

ວັນພະຫັດ, ໑໘ ເມສາ ໒໐໒໔

ພາຍຸເຂດຮ້ອນ ເຮັດໃຫ້ຢ່າງໜ້ອຍ 53 ຄົນ ເສຍຊີວິດ ໃນ ຟິລິບປີນ


ຊາວບ້ານຄົນນຶ່ງ ກຳລັງກວາດຂີ້ຕົມ ແລະນຳ້ ອອກຈາກໜ້າຮ້ານຂອງລາວ ທີ່ເມືອງ Alcantara ແຂວງ Cebu ໃນພາກກາງຟີລິບປິນ (30 ທັນວາ 2014)
ຊາວບ້ານຄົນນຶ່ງ ກຳລັງກວາດຂີ້ຕົມ ແລະນຳ້ ອອກຈາກໜ້າຮ້ານຂອງລາວ ທີ່ເມືອງ Alcantara ແຂວງ Cebu ໃນພາກກາງຟີລິບປິນ (30 ທັນວາ 2014)

ບັນດາ​ເຈົ້າ​ໜ້າ​ທີ່​ຟິບລິບປີນ ກ່າວ​ວ່າ ຈຳນວນ​ຜູ້​ເສຍ​ຊີວິດ​ໄດ້​
ເພີ້​ມຂື້ນ​ເປັນ 53 ຄົນ ຍ້ອນລົມ​ພາຍຸເຂດຮ້ອນ Jangmi ທີ່​
ເຮັດໃຫ້​ເກີດ​ດິນ​ເຈື່ອນ ​ແລະ​ນຳ້ຖ້ວມ​ຢູ່​ພາກ​ກາງ ​ແລະ​ພາກ
​ໃຕ້​ຂອງ​ປະ​ເທດ.

ການ​ເສຍຊີວິດ​ສ່ວນ​ຫລາຍ ​ມີຂື້ນໃນ​ວັນ​ອັງຄານ​ວານ​ນີ້ ​ໃນ
​ຂະນະ​ທີ່​ພາຍຸດັ່ງກ່າວ ​ເຄື່ອນຍ້າຍອອກ​ຈາກ​ເກາະ Minda-
nao ໃນພາກ​ໃຕ້​ຂອງປະເທດ ບ່ອນ​ທີ່ນຶ່ງມື້ກ່ອນນີ້ ​ຝົນ​ຕົກ​
ໜັກໄດ້ເຮັດໃຫ້ມີການປິດທາງຫຼວງທີ່ສຳຄັນໆແລະ​ຂົວ​ຕ່າງໆ.

ປະຊາຊົນ​ ​ແລະ​ພວກ​ເຈົ້າ​ໜ້າ​ທີ່ທ້ອງຖິ່ນ ຢູ່ໃນຫລາຍໆເຂດ ​
ພາກັນ​ຕື່ນຕົກ​ໃຈ ໃນເຫດ​ດິນ​ເຈື່ອນຮ້າຍ​ແຮງ ທີ່ກ້ອນ​ຫີນແລະ​ຂີ້ຕົມໄດ້ຖົມ​ເອົາ​ເຮືອນ​
ຊານ ​ແລະ​ລົດ. ພວກ​ເຈົ້າ​ໜ້າ​ທີ່ກ່າວ​ວ່າ ​ບ້ານ​ເຮືອນ​ຫລາຍ​ສິບ​ຫລັງ​ໄດ້​ຖືກ​ທຳລາຍ.

ບ່ອນ​ທີ່​ໄດ້​ຮັບ​ຜົນ​ກະທົບ​ຫລາຍ​ແຫ່ງ ຍັງ​ບໍ່​ທັນ​ໄດ້​ຟື້ນ​ໂຕຄືນ ຈາກພາຍຸ​ຍັກ​ໃຫຍ່ Haiyan
​ໃນ​ປີ​ກາຍ​ນີ້ ຊຶ່ງ​ເປັນ​ພາຍຸທີ່​ແຮງ​ສຸດ ເທົ່າທີ່​ເຄີຍໄດ້ຖະຫຼົ່ມ​ປະ​ເທດດັ່ງ ກ່າວມາ.

ພາຍຸ Hayan ​ໄດ້​ເຮັດ​ໃຫ້​ມີ​ຜູ້​ເສຍ​ຊີວິດ​ຫລາຍກວ່າ 7,300 ຄົນ ​ແລະ​ໄດ້​ນຳ​ເອົາ​ລົມ​ແຮງ​
ສຸດ ທີ່ບໍ່​ເຄີຍ​ມີ​ ໃນ​ບັນທຶກ​ປະຫວັດ​ສາດ ພັດ​ຖະຫລົ່ມ​ເຂົ້າ​ໜ້າ​ດິນ. ຫລາຍພັນ​ຄົນ​ຍັງ​ພາ
ກັນ​ອາໄສຢູ່​ໃນ​ຕູບ ນຶ່ງ​ປີ​ຫລັງ​ຈາກ​ພາຍຸຫົວນີ້ ​ໄດ້ພັດເຂົ້າ​ຖະຫລົ່ມ​.

ປະ​ເທດເອ​ເຊຍ​ອາຄະ​ເນແຫ່ງນີ້ ​ໄດ້​ປະ​ເຊີນ​ໜ້າ​ກັບ ລົມໄຕ້ຝຸ່ນ​ຮ້າຍ​ແຮງ​ຜິດປົກກະຕິ ​ໃນ
ໄລຍະ​ສອງ​ສາມປີ​ທີ່​ຜ່ານ​ມາ ຮວມທັງໄຕ້​ຝຸ່ນ Bopha ​ໃນ​ປີ 2012 ທີ່​ເຮັດ​ໃຫ້ 1,900 ຄົນ​
ເສຍ​ຊີວິດ ຫລືບໍ່ກໍ​ຫາຍ​ສາບ​ສູນ.

PHILIPPINES TROPICAL STORM VO
please wait

No media source currently available

0:00 0:01:11 0:00

XS
SM
MD
LG