ລິ້ງ ສຳຫລັບເຂົ້າຫາ

ວັນພຸດ, ໒໔ ເມສາ ໒໐໒໔

ກອງກໍາລັງທະຫານ ໂຈມຕີຄ້າຍພັກ ຂອງພວກປະທ້ວງ ຢູ່ສຣີລັງກາ


ກອງທັບທະຫານ ພາກັນເຄື່ອນຍ້າຍປ້າຍຄໍາຂັວນຕໍ່ຕ້ານລັດຖະບານ ຈາກສະຖານທີ່ພັກຊົ່ວຄາວຂອງພວກປະທ້ວງ ຢູ່ດ້ານນອກທໍານຽບປະທານາທິບໍດີໃນນະຄອນຫຼວງໂຄລອມໂບ, ປະເທດສຣີລັງກາ, ເມື່ອວັນທີ 22 ກໍລະກົດ 2022.
ກອງທັບທະຫານ ພາກັນເຄື່ອນຍ້າຍປ້າຍຄໍາຂັວນຕໍ່ຕ້ານລັດຖະບານ ຈາກສະຖານທີ່ພັກຊົ່ວຄາວຂອງພວກປະທ້ວງ ຢູ່ດ້ານນອກທໍານຽບປະທານາທິບໍດີໃນນະຄອນຫຼວງໂຄລອມໂບ, ປະເທດສຣີລັງກາ, ເມື່ອວັນທີ 22 ກໍລະກົດ 2022.

ກອງກໍາລັງທະຫານຂອງ ສຣິລັງກາ ໄດ້​ທັບ​ມ້າງສະຖານທີ່ປະທ້ວງຫຼັກຢູ່ໃນນະຄອນ​ຫຼວງໂຄລອມໂບ, ເຊິ່ງເປັນສູນກາງໃຫຍ່ຂອງຜູ້ປະທ້ວງທີ່ໄດ້ມີການໂຄສະນາຕໍ່ຕ້ານລັດຖະບານມາເປັນເວລາຍາວນານຫຼາຍເດືອນ. ການເຄື່ອນ ໄຫວດັ່ງກ່າວນີ້ແມ່ນ​ໃຫ້ສັນຍານວ່າ ປະທານາທິບໍດີ​ທີ່​ໄດ້​ຮັບ​ເລືອກໃໝ່ ທ່ານ ຣານີລ ວິກເກຣມາຊິງເກ ຈະປາບປາມຕໍ່ຜູ້ທີ່ໂຄສະນາທີ່ຂັບໄລ່ຜູ້ນໍາຄົນກ່ອນນັ້ນ.

ກອງກໍາລັງທະຫານ ແລະໜ່ວຍກ້າ​ຕາຍ​ຂອງ​ຕຳ​ຫຼວດຈໍານວນຫຼາຍຮ້ອຍຄົນ ພ້ອມດວ້ຍອາວຸດປືນຍາວ ແລະໄມ້ກະບອງຂອງຕໍາຫຼວດ ໄດ້ໄປຮວມໂຕກັນຢູ່ນອກທໍານຽບປະທານາທິບໍດີໃນຕອນເຊົ້າຂອງວັນສຸກນີ້ ເພື່ອຂັບໄລ່ພວກປະທ້ວງທັງຫຼາຍ ໂດຍການຈີກເຕັ້ນຂອງພວກ​ເຂົາ ແລະຍ້າຍປ້າຍຄໍາຂັວນຕ່າງໆຂອງພວກເຂົາເຈົ້າອອກ​ໄປ ເຊິ່ງຕັ້ງຢູ່ທາງເຂົ້າຫຼັກຂອງທໍານຽບປະທານາທິບໍດີ.

ການປະຕິບັດງານຂອງເຈົ້າໜ້າທີ່ຕໍາຫຼວດ ມີຂຶ້ນພຽງນຶ່ງມື້ ລຸນຫຼັງການສາບານຕົນເຂົ້າຮັບຕໍາແໜ່ງຂອງທ່ານວິກເກຣມາຊິງເກ, ໂດຍເປັນຜູ້ນຶ່ງທີ່ພວກປະທ້ວງພາກັນຕໍ່ຕ້ານຂັດຂວາງເຊັ່ນດຽວກັນ.

ທ່ານຊາເບຍ ໂມຮໍາເມັດ (Shabeer Mohamed), ນັກຂ່າວອິດສະຫຼະບອກກັບ VOA ວ່າ ເມື່ອລາວໄດ້ເດີນທາງໄປຮອດສະຖານທີ່ດັ່ງກ່າວ ໃນເວລາ 1:30 ຕອນເຊົ້າ, ລາວເອງໄດ້ຖືກຂັດຂວາງ ບໍ່ໃຫ້ຜ່ານເຂົ້າໄປໃນສະຖານທີ່ນັ້ນ.

ກອງທັບທະຫານພາກັນຢືນຍາມ ລຸນຫຼັງທີ່ໄດ້ຂັບໄລ່ຜູ້ປະທ້ວງອອກໄປຈາກທໍານຽບປະທານາທິບໍດີໃນນະຄອນຫຼວງໂຄລອມໂບ, ເມື່ອວັນທີ 22 ກໍລະກົດ 2022.
ກອງທັບທະຫານພາກັນຢືນຍາມ ລຸນຫຼັງທີ່ໄດ້ຂັບໄລ່ຜູ້ປະທ້ວງອອກໄປຈາກທໍານຽບປະທານາທິບໍດີໃນນະຄອນຫຼວງໂຄລອມໂບ, ເມື່ອວັນທີ 22 ກໍລະກົດ 2022.

ລາວກ່າວວ່າ “ທາງເຂົ້າແຕ່ລະບ່ອນ ແມ່ນໄດ້ຖືກປິດໝົດໂດຍກອງກໍາລັງທະຫານ, ທະຫານຄົນນຶ່ງຕີຫຼັງຂ້າພະເຈົ້າ ແລ້ວກໍດຶກໂທລະສັບຂອງຂ້າພະເຈົ້າລົງພື້ນ, ເຊິ່ງພວກເຂົາໄດ້ຍ້າຍເຕັ້ນ ອອກໄປແລ້ວເຊັ່ນກັນ.”

ມີລາຍງານວ່າ ຫຼາຍຄົນຖືກຈັບໃນລະຫວ່າງມີການໂຈມຕີ, ໃນຂະນະອີກຫຼາຍໆຄົນແມ່ນໄດ້ຮັບບາດເຈັບ.

ສະມາຄົມທະນາຍຄວາມຂອງສຣີລັງກາ ກ່າວຕ້ອງຕິຕໍ່ການກະທໍາດັ່ງກ່າວຂອງພວກທະຫານຢູ່ໃນຖະແຫຼງການວ່າ ການໃຊ້ອາວຸດຕ່າງໆເພື່ອປາບປາມຜູ້ປະທ້ວງພົນລະເຮືອນໃນມື້ທໍາອິດຂອງການເຂົ້າຮັບຕໍາແໜ່ງ ເປັນປະທານາທິບໍດີ “ຈະເປັນຜົນກະທົບທີ່ຮ້າຍແຮງຕໍ່ສັງຄົມ, ເສດຖະກິດ, ສະເຖຍລະພາບ ແລະຄວາມໝັ້ນຄົງຂອງປະເທດ.” ສະມາຄົມກ່າວວ່າ ນັກກົດໝາຍສອງຄົນຂອງສະມາຄົມ ທີ່ເຂົ້າໄປໃນສະຖານທີ່ທໍາການປະທ້ວງດັ່ງກ່າວ ກໍ່ໄດ້ຖືກໂຈມຕີເຊັ່ນກັນ.

ອ່ານຂ່າວນີ້ເປັນພາສາອັງກິດ

XS
SM
MD
LG