ປະທານາທິບໍດີ ໂຄລໍາເບຍ ທ່ານ Juan Manuel Santos
ໄດ້ສັ່ງໃຫ້ຖະຫານອອກໄປປະຈໍາການຢູ່ຕາມຖະໜົນຫົນທາງ
ຂອງນະຄອນຫລວງ Bogota ຫລັງຈາກການປະທ້ວງສະໜັບ
ສະໜຸນການຢຸດງານຂອງພວກຊາວສວນ ໄດ້ປ່ຽນເປັນຄວາມ
ຮຸນແຮງ ແລະເຮັດໃຫ້ສອງຄົນເສຍຊີວິດ.
ປະທານາທິບໍດີ Santos ກ່າວໃນວັນສຸກວານນີ້ວ່າ ບໍ່ມີການ
ປະທ້ວງໃດໆ ທີ່ຈະໃຊ້ເປັນຂໍ້ອ້າງສໍາລັບການເສຍຊີວິດໄດ້.
ຄວາມຮຸນແຮງໄດ້ເກີດຂື້ນໃນວັນພະຫັດ ເວລາຫລາຍພັນຄົນ
ພາກັນເດີນຂະບວນປະທ້ວງ ເພື່ອສະໜັບສະໜຸນພວກຊາວ
ສວນທີ່ພາກັນຢຸງານ ຊຶ່ງໄດ້ພາໃຫ້ຕໍາຫລວດຍິງລະເບີດນໍ້າ
ຕາ.ບໍ່ເປັນທີ່ແຈ່ມແຈ້ງເທື່ອວ່າ ການເສຍຊີວິດຂອງສອງຄົນ
ນັ້ນ ເກີດຂື້ນຢ່າງໃດ.
ການປະທະກັນດັ່ງກ່າວໄດ້ເກີດຂື້ນ ຫລັງຈາກເວລາເກືອບ
ສອງອາທິດຂອງການຕັນຖະໜົນ ຫົນທາງ ແລະການປະທ້ວງ
ຂອງຊາວສວນ ທີ່ໄດ້ແຜ່ລາມຈາກບ້ານນອກ ເຂົ້າສູ່ຫລາຍໆຫົວເມືອງຂອງໂຄລໍາເບຍ.
ຢູ່ໃນເຫດການນຶ່ງທີ່ເກີດຂື້ນໃນວັນສຸກວານນີ້ ບັນດາຜູ້ນໍາພາປະທ້ວງ ກ່າວວ່າ ເຂົາເຈົ້າ
ຈະຍົກເລີກການກີດຂວາງຖະໜົນທີ່ສໍາຄັນ ຫລັງຈາກໄດ້ບັນລຸ “ຂໍ້ຕົກລົງເປັນບາງສ່ວນ”
ກັບລັດຖະບານ. ໂຄສົກຜູ້ນຶ່ງທີ່ຕາງໜ້າຊາວສວນ ທ່ານ Richard Fuelantala ກ່າວ
ວ່າ ເຂົາເຈົ້າ ຈະສືບຕໍ່ທໍາການປະທ້ວງໂດຍການຖືປ້າຍ ຢູ່ຂ້າງຖະໜົນ ແລະຈະປ່ອຍໃຫ້
ລົດແລ່ນຜ່ານໄປມາໄດ້. ທ່ານບໍ່ໄດ້ໃຫ້ລາຍລະອຽດເພີ້ມຕື່ມກ່ຽວກັບຂໍ້ຕົກລົງກັບລັດຖະບານ.
ເບິ່ງວີດິໂອ ການປະທ້ວງຂອງພວກຊາວສວນໂຄລໍາເບຍ ເມື່ອຕົ້ນອາທິດນີ້:
ໄດ້ສັ່ງໃຫ້ຖະຫານອອກໄປປະຈໍາການຢູ່ຕາມຖະໜົນຫົນທາງ
ຂອງນະຄອນຫລວງ Bogota ຫລັງຈາກການປະທ້ວງສະໜັບ
ສະໜຸນການຢຸດງານຂອງພວກຊາວສວນ ໄດ້ປ່ຽນເປັນຄວາມ
ຮຸນແຮງ ແລະເຮັດໃຫ້ສອງຄົນເສຍຊີວິດ.
ປະທານາທິບໍດີ Santos ກ່າວໃນວັນສຸກວານນີ້ວ່າ ບໍ່ມີການ
ປະທ້ວງໃດໆ ທີ່ຈະໃຊ້ເປັນຂໍ້ອ້າງສໍາລັບການເສຍຊີວິດໄດ້.
ຄວາມຮຸນແຮງໄດ້ເກີດຂື້ນໃນວັນພະຫັດ ເວລາຫລາຍພັນຄົນ
ພາກັນເດີນຂະບວນປະທ້ວງ ເພື່ອສະໜັບສະໜຸນພວກຊາວ
ສວນທີ່ພາກັນຢຸງານ ຊຶ່ງໄດ້ພາໃຫ້ຕໍາຫລວດຍິງລະເບີດນໍ້າ
ຕາ.ບໍ່ເປັນທີ່ແຈ່ມແຈ້ງເທື່ອວ່າ ການເສຍຊີວິດຂອງສອງຄົນ
ນັ້ນ ເກີດຂື້ນຢ່າງໃດ.
ການປະທະກັນດັ່ງກ່າວໄດ້ເກີດຂື້ນ ຫລັງຈາກເວລາເກືອບ
ສອງອາທິດຂອງການຕັນຖະໜົນ ຫົນທາງ ແລະການປະທ້ວງ
ຂອງຊາວສວນ ທີ່ໄດ້ແຜ່ລາມຈາກບ້ານນອກ ເຂົ້າສູ່ຫລາຍໆຫົວເມືອງຂອງໂຄລໍາເບຍ.
ຢູ່ໃນເຫດການນຶ່ງທີ່ເກີດຂື້ນໃນວັນສຸກວານນີ້ ບັນດາຜູ້ນໍາພາປະທ້ວງ ກ່າວວ່າ ເຂົາເຈົ້າ
ຈະຍົກເລີກການກີດຂວາງຖະໜົນທີ່ສໍາຄັນ ຫລັງຈາກໄດ້ບັນລຸ “ຂໍ້ຕົກລົງເປັນບາງສ່ວນ”
ກັບລັດຖະບານ. ໂຄສົກຜູ້ນຶ່ງທີ່ຕາງໜ້າຊາວສວນ ທ່ານ Richard Fuelantala ກ່າວ
ວ່າ ເຂົາເຈົ້າ ຈະສືບຕໍ່ທໍາການປະທ້ວງໂດຍການຖືປ້າຍ ຢູ່ຂ້າງຖະໜົນ ແລະຈະປ່ອຍໃຫ້
ລົດແລ່ນຜ່ານໄປມາໄດ້. ທ່ານບໍ່ໄດ້ໃຫ້ລາຍລະອຽດເພີ້ມຕື່ມກ່ຽວກັບຂໍ້ຕົກລົງກັບລັດຖະບານ.
ເບິ່ງວີດິໂອ ການປະທ້ວງຂອງພວກຊາວສວນໂຄລໍາເບຍ ເມື່ອຕົ້ນອາທິດນີ້:
