ສື່ມວນຊົນຂອງທາງການຈີນລາຍງານວ່າ ສານແຫ່ງນຶ່ງ ໃນ
ພາກຕາເວັນຕົກສຽງໃຕ້ຂອງປະເທດ ໄດ້ຕັດສິນລົງໂທດ
ປະຫານຊີວິດຜູ້ຊາຍ 3 ຄົນ ແລະຈຳຄຸກຕະຫຼອດຊີວິດແມ່ຍິງ
ຄົນນຶ່ງ ທີ່ໄດ້ສັງຫານ 31 ຄົນ ໂດຍໃຊ້ມີດແທງຜູ້ຄົນ ຢູ່ນອກ
ສະຖານີລົດໄຟໃນເມືອງ Kunming.
ໂທລະພາບຂອງທາງການຈີນລາຍງານວ່າ ສານປະຊາຊົນ
ຊັ້ນກາງຂອງເມືອງ Kunming ໄດ້ອອກຄຳພິພາກສາໃນວັນ
ສຸກມື້ນີ້. ບຸກຄົນທັງ 4 ໄດ້ຖືກພົບເຫັນມີຄວາມຜິດ ໃນການ
ສັງຫານຜູ້ຄົນ ແລະ ເປັນສະມາຊິກຂອງກຸ່ມກໍ່ການຮ້າຍ.
ປັກກິ່ງໄດ້ຖິ້ມໂທດໃສ່ພວກມຸສລິມຫົວຮຸນແຮງ ຈາກເຂດຊິນຈຽງ ທາງ ພາກຕາເວັນຕົກ
ສຽງເໜືອ ຂອງປະເທດນັ້ນວ່າ ເປັນຜູ້ຮັບຜິດຊອບ ໃນການໂຈມຕີເມື່ອວັນທີ 1 ມີນາ
ຜ່ານມາ ຊຶ່ງນອກນັ້ນ ຍັງເຮັດໃຫ້ມີຜູ້ໄດ້ ຮັບບາດເຈັບອີກ 141 ຄົນ.
ເຈົ້າໜ້າທີ່ຈີນ ໄດ້ຍິງສັງຫານອີກສີ່ຄົນທີ່ສົງໄສວ່າເປັນພວກຄົນຮ້າຍທີ່ ຮ່ວມໃນການ
ໂຈມຕີດັ່ງກ່າວ.
ຊາວມຸສລິມຊົນເຜົ່າວີເກີ້ສ່ວນໃຫຍ່ ພາກັນຈົ່ມວ່າ ພວກຕົນໄດ້ຖືກປະ ຫັດປະຫານໂດຍ
ເຈົ້າໜ້າທີ່ຈີນ.
