ນະຄອນ ນິວຢອກ ໄດ້ບັນລຸເຫດການອັນສຳຄັນອີກຄັ້ງໜຶ່ງ ໃນ ຄວາມ ພະຍາຍາມທີ່ຈະບູລະນະສ້າງຄືນ ບໍລິເວນຕຶກສູນກາງການ ຄ້າໂລກ ຫຼື World Trade Center ຫຼັງຈາກການໂຈມຕີກໍ່ການ ຮ້າຍໃນວັນທີ 11 ກັນຍາ ປີ 2001 ດ້ວຍການເປີດສູນກາງການ ຄົມມະນາຄົມທີ່ມີມູນຄ່າ 4 ພັນລ້ານໂດລາ.
ນັກສະຖາປະນິກຄົນ ສເປນ ທ່ານ Santiago Calatrava ໄດ້ ອອກແບບສະຖານທີ່ດ້ວຍເຫຼັກສີຂາວເປັນດິ້ວ ແລະ ແກ້ວໂດ່ງຂຶ້ນ ຈາກພື້ນດິນ ໃກ້ກັບບ່ອນທີ່ມີຕຶກແຝດເຄີຍຕັ້ງຢູ່.
ມັນປະສົມປະສານດ້ວຍຫ້າງຂາຍເຄື່ອງ ພ້ອມກັບ ສະຖານີລົດໄຟ ໂດຍສານທີ່ລວມມີສະຖາລົດໄຟທີ່ເຊື່ອມຕໍ່ໄປກັບລົດໄຟໃຕ້ດິນ 11 ສາຍ.
ສູນກາງດັ່ງກ່າວໄດ້ກາຍກຳນົດການກໍ່ສ້າງມາດົນ ແລະ ເກີນງົບປະມານ, ດ້ວຍແຜນການຂອງ ທ່ານ Calatrava ທຳອິດທີ່ໄດ້ປະກາດ ອອກມາໃນ ປີ 2004 ແລະ ຄາດວ່າຈະສຳເລັດໃນປີ 2009 ພ້ອມ ລາຄາການກໍ່ສ້າງ 2 ພັນລ້ານໂດລາ. ມູນຄ່າການກໍ່ສ້າງສຸດທ້າຍແມ່ນເທົ່າທຽມ ກັບລາຄາຂອງຕຶກ One World Trade Center, ເປັນສູນກາງທີ່ຄົດຄ້ຽວມີລວງສູງ 540 ແມັດ ເຊິ່ງຕອນນີ້ຕັ້ງຢູ່ສະ ຖານທີ່ດັ່ງກ່າວ.
ຂັ້ນຕອນການກໍ່ສ້າງໄດ້ຊັກຊ້າຍ້ອນສິ່ງທ້າທາຍຕ່າງໆຂອງການເຮັດວຽກໃນ ສະຖານທີ່ ທີ່ ອ້ອມຮອບໂດຍໂຄງການກໍ່ສ້າງອື່ນໆ, ລວມທັງຕຶກ One World Trade Center, ອານຸສາ ວະລີ 11 ກັນຍາ ແລະ ຫໍພິພິດທະພັນ ແລະ ອີກ 3 ຕຶກອື່ນໆທີ່ປະຊາຊົນຈະສາມາດເຂົ້າຫາໄດ້ ຈາກສູນກາງຄົມມະນາຄົມນີ້.