ປະຊາຊົນ 7 ຄົນເສຍຊີວິດ ຫຼັງຈາກລົດໄຟຂົນສົ່ງມວນຊົນທີ່ແອ
ອັດໄປດ້ວຍຜູ້ຄົນຂະບວນນຶ່ງ ທີ່ແລ່ນຈາກນະຄອນນີວຢອກ
ໄດ້ແລ່ນຕຳລົດນ້ອຍຄັນນຶ່ງ ທີ່ກຳລັງຕິດຄາຢູ່ໃນລາງລົດໄຟນັ້ນ.
ອຸບັດເຫດດັ່ງກ່າວໄດ້ເກີດຂຶ້ນໃນແລງວັນອັງຄານວານນີ້ ຢູ່ຫ່າງ
ຈາກນະຄອນນີວຢອກ ໄປທາງທິດເໜືອປະມານ 20 ຫຼັກກິໂລ
ແມັດ ໃນຂະນະທີ່ລົດໄຟສາຍເໜືອ ໃນເຂດເທດສະບານຫຼື
Metro-North Railroad ແລ່ນມຸ້ງໜ້າໄປຍັງເມືອງນ້ອຍ Was
saic ນັ້ນ.
ບັນດາເຈົ້າໜ້າທີ່ກ່າວວ່າ ລົດ SUV ຄັນນີ້ ໄດ້ຕິດຄາຢູ່ໃນລາງລົດໄຟ ຫຼັງຈາກແລ່ນຂ້າມ
ທາງລົດໄຟ . ຂະບວນລົດໄຟດັ່ງກ່າວໄດ້ແລ່ນຕຳລົດ ແລະໄດ້ຍູ້ລົດຄັນນີ້ ໄປໄກປະມານ
10 ຕູ້ລົດໄຟກ່ອນລົດທັງສອງຄັນເກີດໄຟໄໝ້ຂຶ້ນ.
ທ່ານ Andrew Cuomo ຜູ້ປົກຄອງລັດນີວຢອກ ກ່າວຕໍ່ບັນດານັກຂ່າວວ່າ ຄົນຂັບລົດ SUV ພ້ອມດ້ວຍຄົນນັ່ງຢູ່ໃນລົດ 6 ຄົນເສຍຊີວິດໃນອຸບັດເຫດຄັ້ງນີ້. ຢ່າງນ້ອຍພວກຄົນໂດຍສານຈຳນວນ 10 ກວ່າຄົນໃນລົດໄຟໄດ້ຮັບບາດເຈັບ.
ສາຍລົດໄຟ Metro-North Railroad ໄດ້ປະສົບກັບອຸບັດເຫດຕຳກັນມາຫຼາຍຄັ້ງໃນຫວ່າງບໍ່ເທົ່າໃດປີຜ່ານມາ ຮວມທັງແລ່ນຕົກລາງໃນປີ 2013 ທີ່ເຮັດໃຫ້ພວກຄົນໂດຍ
ສານ 4 ຄົນເສຍຊີວິດ. ລາຍງານສະບັບນຶ່ງໂດຍອົງການວ່າດ້ວຍຄວາມປອດໄພໃນການຂົນສົ່ງແຫ່ງຊາດໃນປີແລ້ວນີ້ ໄດ້ຕຳໜິຕິຕຽນຢ່າງໜັກສາຍລົດໄຟດັ່ງກ່າວ ຊຶ່ງໄດ້ບັນທຸກຄົນໂດຍສານຫຼາຍແສນຄົນໃນແຕ່ລະມື້ ລະຫວ່າງນະຄອນນີວຢອກໄປຫາລັດ Con-
necticut ນັ້ນ.
