ບໍລິສັດລົດຍົນໂຕໂຢຕ້າຂອງຍີ່ປຸ່ນ ໄດ້ບັນລຸຂໍ້ຕົກລົງໃນວົງເງິນ ນຶ່ງພັນ ນຶ່ງຮ້ອຍລ້ານໂດລາ ເພື່ອຊໍາລະການຟ້ອງຮ້ອງໂດຍບັນດາເຈົ້າຂອງລົດໃນສະຫະລັດ ທີ່ລົດໂຕໂຢຕ້າຂອງພວກເຂົາເຈົ້າ ເລັ່ງຄວາມໄວຂຶ້ນເອງໃນທັນທີ ແລະຢ່າງບໍ່ໄດ້ບັງຄັບ ເວລາທີ່ເຂົາເຈົ້າຂັບໄປ.
ໂຄສົກບໍລິສັດໂຕໂຢຕ້າກ່າວເມື່ອວັນພຸດວານນີ້ວ່າ ຂໍ້ຕົກລົງກັນທີ່ວ່ານີ້ມີໂຮມທັງການຈ່າຍເງິນໃຫ້ພວກລູກຄ້າໂດຍກົງ ພ້ອມທັງຄ່າໃຊ້ຈ່າຍຂອງ ການປ່ຽນເຄຶ່ອງອາໄຫຼ່ໃໝ່ຂອງລົດລຸ້ນເກົ່າ ຫຼາຍກວ່າສາມລ້ານຄັນ ແລະຕິດຕັ້ງລະບົບເບຣກໃໝ່. ນອກນີ້ ຍັງໂຮມທັງເງິນຊົດເຊີຍຈໍານວນ 250 ລ້ານໂດລາ ໃຫ້ແກ່ພວກອະດີດເຈົ້າຂອງລົດໂຕໂຢຕ້າທີ່ໄດ້ຂາຍລົດຂອງພວກຕົນໄປ ໃນລາຄາຕໍ່າໃນໄລຍະບໍ່ເທົ່າໃດປີຜ່ານມາ ຍ້ອນຂ່າວບໍ່ດີກ່ຽວກັບລົດໂຕໂຢຕ້ານັ້ນ.
ເງື່ອນໄຂຕ່າງໆຂອງຂໍ້ຕົກລົງດັ່ງກ່າວ ຍັງຕ້ອງໄດ້ຮັບການອະນຸມັດຈາກ ສານລັດຖະບານກາງສະຫະລັດ.
ໂຕໂຢຕ້າ ໄດ້ເອີ້ນເອົາລົດຄືນມາກວດແລະແກ້ໄຂ ຫຼາຍກວ່າ 12 ລ້ານຄັນໃນທົ່ວໂລກນັບຕັ້ງແຕ່ປີ 2009 ເປັນຕົ້ນມາ ຫຼັງຈາກມີລາຍງານກ່ຽວກັບຄັນເລັ່ງຜິດປົກກະຕິ ເທື່ອທໍາອິດເມື່ອນຶ່ງປີກ່ອນໜ້ານີ້.
ການສືບສວນຂອງສະພາຄອງແກຣສບັ້ນນຶ່ງ ໃນປີ 2010 ໄດ້ຍັງຜົນໃຫ້ ມີການຂໍຂະມາໂທດຕໍ່ມະຫາຊົນ ຈາກປະທານບໍລິສັດໂຕໂຢຕ້າ ສໍາລັບບັນຫາຄັນເລັ່ງ ເບຣກລົດ ແລະລະບົບໄຟ ນັ້ນ.
ໂຄສົກບໍລິສັດໂຕໂຢຕ້າກ່າວເມື່ອວັນພຸດວານນີ້ວ່າ ຂໍ້ຕົກລົງກັນທີ່ວ່ານີ້ມີໂຮມທັງການຈ່າຍເງິນໃຫ້ພວກລູກຄ້າໂດຍກົງ ພ້ອມທັງຄ່າໃຊ້ຈ່າຍຂອງ ການປ່ຽນເຄຶ່ອງອາໄຫຼ່ໃໝ່ຂອງລົດລຸ້ນເກົ່າ ຫຼາຍກວ່າສາມລ້ານຄັນ ແລະຕິດຕັ້ງລະບົບເບຣກໃໝ່. ນອກນີ້ ຍັງໂຮມທັງເງິນຊົດເຊີຍຈໍານວນ 250 ລ້ານໂດລາ ໃຫ້ແກ່ພວກອະດີດເຈົ້າຂອງລົດໂຕໂຢຕ້າທີ່ໄດ້ຂາຍລົດຂອງພວກຕົນໄປ ໃນລາຄາຕໍ່າໃນໄລຍະບໍ່ເທົ່າໃດປີຜ່ານມາ ຍ້ອນຂ່າວບໍ່ດີກ່ຽວກັບລົດໂຕໂຢຕ້ານັ້ນ.
ເງື່ອນໄຂຕ່າງໆຂອງຂໍ້ຕົກລົງດັ່ງກ່າວ ຍັງຕ້ອງໄດ້ຮັບການອະນຸມັດຈາກ ສານລັດຖະບານກາງສະຫະລັດ.
ໂຕໂຢຕ້າ ໄດ້ເອີ້ນເອົາລົດຄືນມາກວດແລະແກ້ໄຂ ຫຼາຍກວ່າ 12 ລ້ານຄັນໃນທົ່ວໂລກນັບຕັ້ງແຕ່ປີ 2009 ເປັນຕົ້ນມາ ຫຼັງຈາກມີລາຍງານກ່ຽວກັບຄັນເລັ່ງຜິດປົກກະຕິ ເທື່ອທໍາອິດເມື່ອນຶ່ງປີກ່ອນໜ້ານີ້.
ການສືບສວນຂອງສະພາຄອງແກຣສບັ້ນນຶ່ງ ໃນປີ 2010 ໄດ້ຍັງຜົນໃຫ້ ມີການຂໍຂະມາໂທດຕໍ່ມະຫາຊົນ ຈາກປະທານບໍລິສັດໂຕໂຢຕ້າ ສໍາລັບບັນຫາຄັນເລັ່ງ ເບຣກລົດ ແລະລະບົບໄຟ ນັ້ນ.
