ຫລາຍຮ້ອຍຄອບຄົວໃນເຂດພາກໃຕ້ ແລະພາກກາງຂ້ອນໄປ
ທາງຕາເວັນຕົກຂອງສະຫະລັດຈະພາກັນສະເຫລີມສະຫລອງ
ວັນຄຣິສມັສ ຢູ່ບ່ອນພັກອາໄສຊົ່ວຄາວ ຫລັງຈາກ ໄດ້ສູນເສຍ
ເຮືອນຊານບ້ານຊ່ອງຂອງພວກເຂົາເຈົ້າຍ້ອນລົມພາຍຸທໍເນໂດ
ທີ່ເກີດໃນເດືອນທັນວາ ຊຶ່ງບໍ່ຄ່ອຍໄດ້ເຫັນກັນນັ້ນ.
ລົມພາຍຸຮ້າຍແຮງດັ່ງກ່າວ ໄດ້ສັງຫານຢ່າງໜ້ອຍ 14 ຄົນເລີ້ມ
ແຕ່ມື້ວັນພຸດ ເປັນຕົ້ນມາຊຶ່ງຜູ້ປົກຄອງລັດ Mississippi ທ່ານ
Phil Bryant ໄດ້ປະກາດພາວະສຸກເສີນຢູ່ໃນຫລາຍໆເຂດ.
ລົມພາຍຸທໍເນໂດສິບກວ່າຫົວໄດ້ພັດຖະຫຼົ່ມເໜືອຂຶ້ນໄປຈົນເຖິງ
ລັດ Michigan ໂດຍໄດ້ທຳລາຍຫຼືບໍ່ກໍສ້າງຄວາມເສຍຫາຍໃຫ້ແກ່ເຮືອນຊານແລະທຸລະ
ກິດຈຳນວນນຶ່ງ.
ມີລາຍງານວ່າ ຜູ້ເສຍຊີວິດ 7 ຄົນ ຢູ່ທີ່ລັດ Mississippi 6 ຄົນທີ່ລັດ Tennessee ແລະ
ຜູ້ນຶ່ງທີ່ລັດ Arkansas.
ສ່ວນຢູ່ໃນພາກຕາເວັນອອກຂອງປະເທດ ກໍໄດ້ເກີດຝົນຕົກແລະອຸນຫະພູມທີ່ສູງເປັນປະ
ຫວັດການ ເຖິງ 22 ອົງສາແຊລເຊີສ ຢູ່ຕາມຫົວເມືອງໃຫຍ່ໆ ເຊັ່ນນະຄອນນິວຢອກ ວໍຊິງ
ຕັນ ຟີລາແດລເຟຍ ເຮັດໃຫ້ວັນກ່ອນມື້ບຸນຄຣິສມັສ ມີຄວາມຮູ້ສຶກ ປານກັນກັບກາງລະດູ
ໃບໄມ້ປົ່ງ.
ຜູ້ໃດກໍຕາມທີ່ຕ້ອງການຢາກເຫັນວັນຄຣິສມັສສີຂາວໃນປີນີ້ຕ້ອງໄດ້ເດີນທາງໄປຍັງພາກ
ຕາເວັນຕົກສຽງເໜືອຂອງສະຫະລັດບ່ອນທີ່ມີການພະຍາກອນໄວ້ວ່າ ຈະມີອາກາດໜາວ
ແລະຫິມະຕົກໜັກ ທີ່ລັດວໍຊິງຕັນ ອໍເຣກັນ ເນວາດາແລະພາກເໜືອຂອງລັດຄາລີຟໍເນຍ.
ພວກນັກຊ່ຽວຊານຂອງລັດຖະບານກ່າວວ່າ ປາກົດການອາກາດ ທີ່ຮູ້ກັນໃນຊື່ El Nino
ນັ້ນ ແມ່ນມີສ່ວນຮັບຜິດຊອບ ກ່ຽວກັບສະພາບອາກາດ ທີ່ອົບອຸ່ນຜິດປົກກະຕິ ແລະ ສະ
ພາບດິນຟ້າອາກາດປັ່ນປ່ວນຢູ່ໃນບໍລິເວນສ່ວນໃຫຍ່ຂອງສະຫະລັດ.
