ບັນດານັກເຈລະຈາ ເລື້ອງນິວເຄລຍອິຣ່ານ ໄດ້ວາງແຜນການຈະປະຊຸມອິກຄັ້ງໜຶ່ງໃນວັນອາທິດມື້ນີ້, ຫຼັງຈາກການເຈລະຈາທີ່ແກ່ເວລາດົນນານໄດ້ຈົບລົງໃນບໍ່ເທົ່າໃດມື້ທີ່ຜ່ານມາ ເຊິ່ງບໍ່ໄດ້ກໍ່ໃຫ້ເກີດການຕົກລົງ ໃດໆກັນ.
ລັດຖະມົນຕີຕ່າງປະເທດ ສະຫະລັດ ທ່ານ John Kerry, ຫວັງວ່າ ການຕົກລົງກັນກັບ ອິຣ່ານ ແລະ ບັນດາປະເທດມະຫາອຳນາດທີ່ສຳຄັນ ຈະປິດລົງດ້ວຍ “ການຕັດສິນໃຈຢ່າງຈິງຈັງໄດ້.” ແຕ່ວ່າຍັງມີ “ສິ່ງທີ່ຍາກລຳບາກຫຼາຍປະການທີ່ຈະຕ້ອງເຮັດຢູ່.”
ເຈົ້າໜ້າທີ່ ອາວຸໂສຂອງ ອິຣ່ານ ໄດ້ສະເໜີວິໄສທັດທີ່ຄ້າຍຄືກັນສຳລັບຄວາມກ້າວໜ້າຂອງການເຈລະຈາກັນ.
ກຸ່ມປະເທດ P5+1 ເຊິ່ງລວມມີ ຝຣັ່ງ, ເຢຍລະມັນ, ອັງກິດ, ຣັດເຊຍ ແລະ ຈີນ ໄດ້ຍືດເວລາການເຈລະຈາອອກຫຼາຍຄັ້ງໃນຄວາມພະຍາຍາມທີ່ຈະບັນລຸສະພາບໍ່ໄປບໍ່ມາ ໃນສິ່ງທີ່ອາດຈະເປັນການຕົກລົງທີ່ສຳຄັນໃນປະຫວັດສາດ ເຊິ່ງເປັນການສິ້ນສຸດຂອງການລົງໂທດ ເທເຮຣ່ານ ໃນການແລກປ່ຽນກັບການໃຫ້ມີການກວດກາ ແລະ ສັງເກດໂຄງການປະລະມະນູຂອງພວກເຂົາ.
ທຸກຝ່າຍຕ່າງກໍມີການລາຍງານປະຈຳວັນສຳລັບຄວາມຄືບໜ້າໃນການເຈລະຈາ, ແຕ່ການຮັບຮູ້ເຖິງສິ່ງກີດຂວາງຫຼາຍຢ່າງຍັງຄົງມີຢູ່.
ການຍືດເວລາກຳນົດເສັ້ນຕາຍສຳລັບ ການບັນລຸຂໍ້ຕົກລົງຄັ້ງຫຼ້າສຸດແມ່ນຄາດວ່າຈະສືບຕໍ່ໄປເຖິງວັນຈັນມື້ອື່ນນີ້.
