ສະຫະລັດ ຈະກົດດັນ ຣັດເຊຍ ກ່ຽວກັບ ເລື່ອງຊີເຣຍ

ລັດຖະມົນຕີການຕ່າງປະເທດສະຫະລັດ ທ່ານນາງ Hillary Clinton ພົບປະກັບຄູ່​
ຕຳ​ແໜ່​ງຝ່າຍຣັດເຊຍ ທ່ານ Sergei Lavrov ໃນວັນສຸກມື້ນີ້ ກ່ອນໜ້າກອງປະຊຸມ
ນາໆຊາດກ່ຽວກັບວິກິດການ​ໃນຊີເຣຍ.

ທ່ານ​ນາງ Clinton ​ແລະ​ທ່ານ Lavrov ຈະ​ພົບ​ປະກັນ​ທີ່​ນະຄອນ St. Petersburg ​
ໃນ​ຄວາມ​ພະຍາຍາມ​ເພື່ອ​ຫາ​ທາງ​ແກ້​ໄຂ​ຄວາມ​ເຫັນ​ແຕກ​ຕ່າງ​ກັນ​ກ່ຽວກັບແຜ​ນການ
​ໂອນ​ອຳນາດ​ໃນ​ຊີ​ເຣຍ.

ບັນດາປະ​ເທດ​ມະຫາອໍານາດຂອງ​ໂລກ​ ແລະ​ມະຫາ​ອຳນາດໃນຂົງເຂດ ຈະເຕົ້າໂຮມ
ກັນທີ່ກອງປະຊຸມຢູ່ກຸງເຈນີວາໃນວັນເສົາມື້ອື່ນ​ນີ້ທີ່ຮຽກຮ້ອງ​ໃຫ້​ມີຂຶ້ນ​ໂດຍທູດພິເສດ
ສັນຕິພາບຂອງສະຫະປະຊາຊາດທ່ານ Kofi Annan ຜູ້ທີ່ຕ້ອງການໃຫ້ເຂົາເຈົ້າເຫັນ
ດີນໍາແນວຄິດໃໝ່ ທີ່ຈະຮັບ​ມື​ກັບ​ບັນຫາຂັດແຍ້ງ​ໃນ​ ຊີເຣຍ. ແຫລ່ງຂ່າວການທູດຂອງ
ສະຫະປະຊາຊາດກ່າວວ່າ ທ່ານ Kofi Annan ໄດ້ສະເໜີຂໍ້ມູນກ່ຽວກັບການສ້າງຕັ້ງ
ລັດຖະບານສາມັກຄີ​ຊາດ​ໃນຊີເຣຍທີ່ບໍ່ລະບຸ​ຢ່າງຈະແຈ້ງວ່າບໍ່​ໃຫ້ປະທານາທິບໍດີຊີເຣຍ
ທ່ານ Bashar al-Assad ​ເຂົ້າຮ່ວມ​ນຳ ແຕ່ອາດຈະກີດກັ້ນຕໍ່ຜູ້ທີ່ເຂົ້າຮ່ວມທີ່ອາດຈະ
ບ່ອນ​ທຳລາຍ​ຕໍ່ສະຖຽນລະພາບຂອງປະເທດ.

ທ່ານ Lavrov ໄດ້ກ່າວວ່າ ການແກ້ໄຂໃດໆກໍ​ຕາມຕໍ່ວິກິດການ​ໃນ​ຊີ​ເຣຍຈະຕ້ອງມາ
ຈາກຊາວຊີເຣຍເອງ. ທ່ານກ່າວວ່າ ຣັດເຊຍຊຶ່ງເປັນພັນທະມິດ ກັບລັດຖະບານຂອງ
ທ່ານ Assad ມາດົນນານັ້ນ ຈະບໍ່ສະໜັບສະໜູນການແຊກແຊງຈາກພາຍນອກ.

ຕະຫລອດວິກິດການໃນຊີເຣຍຣັດເຊຍໄດ້ປະຕິເສດບໍ່ຍອມຮຽກຮ້ອງໃຫ້ທ່ານ Assad
ສະລະອໍານາດ.

ບັນດາກຸ່ມຕໍ່ຕ້ານຂອງຊີເຣຍ ກ່າວວ່າ ເຂົາເຈົ້າຈະບໍ່ຍອມຮັບເອົາແຜນການໂອນອຳ
ນາດທາງການເມືອງໃດໆກໍຕາມ ທີ່ບໍ່ໄດ້ມີການຮຽກຮ້ອງຢ່າງຈະແຈ້ງ ໃຫ້ທ່ານ As-
sad ລົງຈາກອຳນາດ.

ໃນວັນພະຫັດຜ່ານມານີ້ ທ່ານນາງ Clinton ກ່າວທີ່ປະເທດ Latvia ວ່າການແກ້ໄຂ
ໃດໆກໍຕາມ ຕ້ອງໃຫ້ສອດຄ່ອງກັບມາດຕະຖານຂອງນາໆຊາດ ກ່ຽວກັບການເຄົາ
ລົບນັບຖືສິດທິມະນຸດ ການປົກຄອງ ແບບມີຄວາມຮັບຜິດຊອບ ການປົກຄອງດ້ວຍ
ຕົວບົດກົດໝາຍແລະການມີໂອກາດເທົ່າທຽມກັນຂອງປະຊາຊົນຊາວຊີເຣຍທຸກຖ້ວນ
ໜ້າ. ທ່່ານນາງ Clinton ກ່າວວ່າ ຮ່າງປະຕິບັດງານຂອງ ທ່ານ Annan ໄດ້ວາງໄວ້
ວ່າຈະໄປເຖິງຈຸດນັ້ນໄດ້ຢ່າງໃດ.