ປະທານາທິບໍດີ ມຽນມາ ທ່ານ Thein Sein ໄດ້ສະສາງການ
ນຳພາພັກປົກຄອງປະເທດ ໃນວັນພະຫັດອາທິດແລ້ວນີ້ ຊຶ່ງ
ເປັນການສັ່ນສະເທືອນທີ່ສຳຄັນ ທາງດ້ານການເມືອງ ກ່ອນ
ໜ້າການເລືອກຕັ້ງແຫ່ງຊາດໃນເດືອນພະຈິກ ຈະມາເຖິງນີ້.
ນັກຂ່າວ ວີໂອເອ Steve Herman ລາຍງານຈາກ ຫ້ອງການ
ທີ່ບາງກອກ ໃນເອເຊຍອາຄະເນ ຊຶ່ງ ກິ່ງສະຫວັນ ຈະນຳມາ
ສະເໜີທ່ານ.
ໃນການເຄຶ່ອນໄຫວທີ່ໜ້າຕື່ນຕົກໃຈ ອັນເປັນສັນຍານ ພາກສ່ວນນຶ່ງຂອງການຍາດແຍ່ງ
ອຳນາດໃນ ມຽນມານັ້ນ ປະທານສະຫະພັນສາມັກຄີຊາດ ແລະເພື່ອການພັດທະນາ (USDP) ທ່ານ Shwe Mann ໄດ້ຖືກໄລ່ອອກຈາກໜ້າທີ່.
ທ່ານ Pike Htwe ກ່າວວ່າ : ຄຳປະກາດ ທີ່ອ່ານໂດຍ ເລຂາທິການ ສູນກາງບໍລິຫານພັກ
ທ່ານ Muang Maung Htay ເວົ້າວ່າ ມັນເປັນການແບກຫາບຫລາຍເກີນໄປ ສຳລັບ
ທ່ານ Shwe Mann ທີ່ເປັນທັງຜູ້ນຳຂອງພັກ ແລະເປັນໂຄສົກສະພາ.
ນັກການເມືອງທີ່ດຳລົງຕຳແໜ່ງມາຍາວນານຄົນດັ່ງກ່າວ ໄດ້ສະແດງຮ່ອງຮອຍອອກມາວ່າ ທ່ານ ຈະເປັນຜູ້ສະມັກເລືອກຕັ້ງເປັນ ປະທານາທິບໍດີ ໃນປີນີ້.
ນັກວິເຄາະການເມືອງທີ່ເປັນອິດສະຫລະ ທ່ານ Yan Myo Thein ກ່າວຕໍ່ VOA ວ່າ ມັນ
ສະໝອງຂອງບັນດາຜູ້ນຳທັງໝົດທີ່ຖືກໄລ່ອອກໄປນັ້ນ ແມ່ນໄດ້ມີການປະຕິຮູບໃໝ່.
ທ່ານ Yan Myo Thein ກ່າວວ່າ : “ບັນດາຜູ້ນຳທັງໝົດເຫຼົ່ານັ້ນ ພາກັນມີສຳພັນທະໄມຕີດີກັບ ທ່ານນາງ Aung San Suu Kyi ແລະ ພັກສັນນິບາດແຫ່ງຊາດເພື່ອປະຊາທິປະໃຕ(NLD). ເພາະສະນັ້ນ ສຳພັນທະໄມຕີດັ່ງກ່າວ ຈຶ່ງອາດເປັນໜຶ່ງ
ໃນປັດໃຈທັງຫຼາຍທີ່ຊຸກຍູ້ໃຫ້ໄລ່ບັນດາຜູ້ນຳຂັ້ນສູງຫຼາຍຄົນອອກຈາກພັກ.”
ການເລືອກຕັ້ງທົ່ວໄປມີກຳນົດວ່າຈະມີຂຶ້ນໃນເດືອນພະຈິກນີ້ ອັນເປັນເທື່ອທຳອິດໃນ
ມຽນມາ ໃນຮອບຫລາຍທົດສະວັດ ພາຍໃຕ້ການປົກຄອງຂອງທະຫານສິ້ນສຸດລົງໃນປີ 2011.
ທ່ານ Min Zaw Oo ທີ່ສູນກາງສັນຕິພາບມຽນມາ ບໍ່ເຫັນເປັນທີ່ ແປກປະຫລາດ ໃນ
ການນຳພາຂອງພັກປົກຄອງ ວ່າເປັນການຫັນປ່ຽນການດຳເນີນການເລືອກຕັ້ງ.
“ມື້ວັນຂອງການເລືອກຕັ້ງຈະບໍ່ປ່ຽນແປງ. ທຸກສິ່ງທຸກຢ່າງຈະຄືເກົ່າ ຂ້າພະເຈົ້າ
ບໍ່ເຫັນມີການສັ່ນສະເທື່ອນທີ່ສຳຄັນເກີດຂື້ນ ໄປສູ່ເວລາການເລືອກຕັ້ງ.”
ປະທານາທິບໍດີ Thein Sein ໄດ້ປະກາດຢູ່ ກອງປະຊຸມພັກ ອາທິດນີ້ວ່າ ທ່ານຈະບໍ່ເຂົ້າ
ຮ່ວມໃນການເລືອກຕັ້ງໃໝ່ອີກ ໃນນາມສະມາຊິກສະພາ ແຕ່ທ່ານອາດຈະຖືກສະເໜີອີກ
ຄັ້ງໜຶ່ງໃຫ້ເປັນ ປະທານາທິບໍດີ.
ພັກສັນນິບາດແຫ່ງຊາດເພື່ອປະຊາທິປະໃຕ ຄາດວ່າຕົນຈະໄດ້ຮັບໄຊຊະນະໃນການ
ເລືອກຕັ້ງ ທີ່ ທັງໝົດ 90 ພັກ ໄດ້ລົງທະບຽນຜູ້ສະມັກແຂ່ງຂັນຂອງຕົນ.
ຜູ້ນຳທີ່ໄດ້ຮັບຄວາມນິຍົມສຸດໃນພັກຝ່າຍຄ້ານ NLD ທ່ານນາງ Aung San Suu Kyi ບໍ່
ມີສິດທີ່ຈະເປັນ ປະທານາທິບໍດີ ເນື່ອງຈາກວ່າ ຢູ່ໃນຂໍ້ນຶ່ງຂອງ ລັດຖະທຳມະນູນບົ່ງວ່າ
ຫ້າມ ທ່ານນາງ ເພາະວ່າ ລູກຊາຍສອງຄົນຂອງທ່ານນາງເປັນສັນຊາດຕ່າງປະເທດ.
ພັກຂອງຜູ້ໄດ້ຮັບລາງວັນ ໂນແບລ ຂະແໜງສັນຕິພາບ ຈະແຂ່ງຂັນເອົາບ່ອນນັ່ງເກືອບທັງ
ໝົດທີ່ຍັງເຫລືອຢູ່ໃນສະພາ ແລະຄາດວ່າຈະໄດ້ຮັບໄຊຊະນະຢ່າງໃຫຍ່ຢູ່ໃນສະພາດັ່ງກ່າວ.
