ທ່ານ Imran Kahn ນັກການເມືອງຊາວປາກີສຖານ ແລະເປັນອະດີດດາລາກິລາ cricket ໄດ້ຖິ້ມໂທດ ການສັງຫານສະມາຊິກລະດັບສູງຄົນນຶ່ງຂອງພັກການເມືອງຂອງທ່ານ ໃສ່ພັກຄູ່ແຂ່ງ ໃນຂະນະທີ່ພວກປ່ອນບັດໃນເມືອງກາຣາຈີ ພາກັນໄປປ່ອນບັດຄືນໃໝ່ໃນການເລືອກຕັ້ງເອົາສະມາຊິກສະພາ ທີ່ໄດ້ຈັດຂື້ນທໍາອິດເມື່ອອາທິດຜ່ານມານັ້ນ.
ທ່ານ ຂ່ານ ຫົວໜ້າພັກ Pakistan Tehreek-e-Insaf ຫຼື PTI ໄດ້ຖິ້ມໂທດການສັງ ຫານທ່ານນາງ Zahra Shahid Hussain ເມື່ອວັນເສົາວານນີ້ ໃສ່ພັກຄູ່ແຂ່ງ ກໍຄືພັກເຄື່ອນໄຫວ Muttahida Qaumi Movement ຫຼື MQM
ຫົວໜ້າພັກ MQM ທ່ານ Altaf Hussain ທີ່ພັດຖິ່ນແລະອາໄສ ຢູ່ໃນລອນດອນ ປະເທດອັງກິດ ກໍໄດ້ປະນາມການສັງຫານທ່ານນາງ Hussain ຄືກັນ. ທ່ານຮູສເຊນ ກັບທ່ານນາງ Hussain ບໍ່ແມ່ນຍາດພີ່ນ້ອງກັນແຕ່ຢ່າງໃດ.
ຕໍາຫຼວດເວົ້າວ່າ ທ່ານນາງຖືກມືປືນທີ່ບໍ່ຮູ້ວ່າແມ່ນໃຜ ຢ່າງນ້ອຍສອງຄົນຍ່າງເຂົ້າໄປໃກ້ແລ້ວຍິງທ່ານນາງ ຢູ່ທາງນອກເຮືອນຂອງທ່ານນາງທີ່ເມືອງກາຣາຈີ. ທ່ານນາງເສຍຊີ ວິດຂະນະຖືກນໍາສົ່ງໂຮງໝໍ ຫຼັງຈາກຖືກຍິງທີ່ຫົວສອງນັດ. ໂຄສົກປະຈໍາພັກການເມືອງຂອງທ່ານນາງເອີ້ນການສັງຫານດັ່ງກ່າວນີ້ວ່າ ເປັນພຶດຕິກໍາຂອງການກໍ່ການຮ້າຍ.
ທ່ານນາງ Zahra Hussain ເປັນຮອງປະທານອາວຸໂສຂອງພັກ PTI ຊຶ່ງໄດ້ຄະແນນອັນດັບສາມໃນການເລືອກຕັ້ງສະພາເມື່ອອາທິດຜ່ານມາ. ທ່ານນາງໄດ້ກ່າວຫາພັກ MQM ວ່າໂກງຄະແນນບັດເລືອກຕັ້ງ. ການປ່ອນບັດຄືນໃໝ່ໃນວັນອາທິດມື້ນີ້ ແມ່ນມີຍາມຄຸ້ມກັນຢ່າງໜາແໜ້ນ ແລະຈັດຂຶ້ນເພື່ອເປັນການສະໜອງຕອບຕໍ່ການອ້າງດັ່ງ ກ່າວ.
Arif Alvi ຜູ້ນໍາຄົນນຶ່ງຂອງພັກ PTI ຫລືພັກຂະບວນການເພື່ອຄວາມຍຸຕິທໍາ ແລະເປັນຜູ້ສະໝັກເລືອກຕັ້ງເອົາບ່ອນນັ່ງເລກທີ 250 ໃນກາຣາຈີ ເວົ້າເຖິງນັກການເມືອງທີ່ຖືກສັງຫານ ນັ້ນວ່າ:
“ລາວເປັນບຸກຄົນທີ່ມີຄ່າຂອງພັກ ເປັນຮອງປະທານແກນນໍາຂອງພັກນີ້ ແລະຂ້າພະເຈົ້າເຊື່ອວ່າລັດຖະບານ Sindh ຄວນຈະທໍາການສືບສວນ ສອບສວນການຄາດຕະກໍານີ້ ຊອກລ່າຕົວຜູ້ສັງຫານ ແລະນໍາມາດໍາເນີນຄະດີ ແຕ່ກໍໜ້າເສຍໃຈ ຕະຫຼອດໄລຍະຫ້າປີຜ່ານມາ ບໍ່ມີໃຜຖືກຈັບກຸມໃນຂໍ້ຫາສັງຫານ ຫຼືຖືກດໍາເນີນຄະດີຕາມຕົວບົດກົດໝາຍເລີຍ.”
(ເບິ່ງວີດີໂອ)
ທ່ານ ຂ່ານ ຫົວໜ້າພັກ Pakistan Tehreek-e-Insaf ຫຼື PTI ໄດ້ຖິ້ມໂທດການສັງ ຫານທ່ານນາງ Zahra Shahid Hussain ເມື່ອວັນເສົາວານນີ້ ໃສ່ພັກຄູ່ແຂ່ງ ກໍຄືພັກເຄື່ອນໄຫວ Muttahida Qaumi Movement ຫຼື MQM
ຫົວໜ້າພັກ MQM ທ່ານ Altaf Hussain ທີ່ພັດຖິ່ນແລະອາໄສ ຢູ່ໃນລອນດອນ ປະເທດອັງກິດ ກໍໄດ້ປະນາມການສັງຫານທ່ານນາງ Hussain ຄືກັນ. ທ່ານຮູສເຊນ ກັບທ່ານນາງ Hussain ບໍ່ແມ່ນຍາດພີ່ນ້ອງກັນແຕ່ຢ່າງໃດ.
ຕໍາຫຼວດເວົ້າວ່າ ທ່ານນາງຖືກມືປືນທີ່ບໍ່ຮູ້ວ່າແມ່ນໃຜ ຢ່າງນ້ອຍສອງຄົນຍ່າງເຂົ້າໄປໃກ້ແລ້ວຍິງທ່ານນາງ ຢູ່ທາງນອກເຮືອນຂອງທ່ານນາງທີ່ເມືອງກາຣາຈີ. ທ່ານນາງເສຍຊີ ວິດຂະນະຖືກນໍາສົ່ງໂຮງໝໍ ຫຼັງຈາກຖືກຍິງທີ່ຫົວສອງນັດ. ໂຄສົກປະຈໍາພັກການເມືອງຂອງທ່ານນາງເອີ້ນການສັງຫານດັ່ງກ່າວນີ້ວ່າ ເປັນພຶດຕິກໍາຂອງການກໍ່ການຮ້າຍ.
ທ່ານນາງ Zahra Hussain ເປັນຮອງປະທານອາວຸໂສຂອງພັກ PTI ຊຶ່ງໄດ້ຄະແນນອັນດັບສາມໃນການເລືອກຕັ້ງສະພາເມື່ອອາທິດຜ່ານມາ. ທ່ານນາງໄດ້ກ່າວຫາພັກ MQM ວ່າໂກງຄະແນນບັດເລືອກຕັ້ງ. ການປ່ອນບັດຄືນໃໝ່ໃນວັນອາທິດມື້ນີ້ ແມ່ນມີຍາມຄຸ້ມກັນຢ່າງໜາແໜ້ນ ແລະຈັດຂຶ້ນເພື່ອເປັນການສະໜອງຕອບຕໍ່ການອ້າງດັ່ງ ກ່າວ.
Arif Alvi ຜູ້ນໍາຄົນນຶ່ງຂອງພັກ PTI ຫລືພັກຂະບວນການເພື່ອຄວາມຍຸຕິທໍາ ແລະເປັນຜູ້ສະໝັກເລືອກຕັ້ງເອົາບ່ອນນັ່ງເລກທີ 250 ໃນກາຣາຈີ ເວົ້າເຖິງນັກການເມືອງທີ່ຖືກສັງຫານ ນັ້ນວ່າ:
“ລາວເປັນບຸກຄົນທີ່ມີຄ່າຂອງພັກ ເປັນຮອງປະທານແກນນໍາຂອງພັກນີ້ ແລະຂ້າພະເຈົ້າເຊື່ອວ່າລັດຖະບານ Sindh ຄວນຈະທໍາການສືບສວນ ສອບສວນການຄາດຕະກໍານີ້ ຊອກລ່າຕົວຜູ້ສັງຫານ ແລະນໍາມາດໍາເນີນຄະດີ ແຕ່ກໍໜ້າເສຍໃຈ ຕະຫຼອດໄລຍະຫ້າປີຜ່ານມາ ບໍ່ມີໃຜຖືກຈັບກຸມໃນຂໍ້ຫາສັງຫານ ຫຼືຖືກດໍາເນີນຄະດີຕາມຕົວບົດກົດໝາຍເລີຍ.”
(ເບິ່ງວີດີໂອ)
