ລິ້ງ ສຳຫລັບເຂົ້າຫາ

ວັນອັງຄານ, ໒໑ ພຶດສະພາ ໒໐໒໔

ຫົວໜ້າ ເຈລະຈາ ດ້ານນິວເຄລຍ ເກົາຫຼີເໜືອ ເດີນທາງໄປ ກຸງປັກກິ່ງ (ວີດີໂອ)


ທ່ານ Kim Kye Gwan (ຂວາ) ຮອງລັດຖະມົນຕີ ການຕ່າງປະເທດ ເກົາຫຼີເໜືອ ພວມໂບກມື ຂະນະທີ່ເດີນທາງໄປຮອດ ກຸງປັກກິ່ງ (18 ມິຖຸນາ 2012)
ທ່ານ Kim Kye Gwan (ຂວາ) ຮອງລັດຖະມົນຕີ ການຕ່າງປະເທດ ເກົາຫຼີເໜືອ ພວມໂບກມື ຂະນະທີ່ເດີນທາງໄປຮອດ ກຸງປັກກິ່ງ (18 ມິຖຸນາ 2012)
ໜ້າເຈ​ລະ​ຈາດ້ານນິວ​ເຄລຍ ​ຂອງ​ເກົາຫລີ​ເໜືອ ກໍາລັງ​ຢູ່ທີ່​ກຸງ​
ປັກ​ກິ່ງ ​ເພື່ອເຈລະຈາ​ກັບບັນ​ດາ​ເຈົ້າ​ໜ້າທີ່​ຈີນຊຶ່ງ​ເປັນ​ການ
ເຄື່ອນ​ໄຫວ​ຫຼ້າສຸດທາງ​ດ້ານ​ການ ທູດ​ ທີ່​ພົວພັນ​ກັບພຽງຢາງ
​ ລຸນ​ຫຼັງທີ່​ໄດ້​ເກີດ​ຄວາມ​ເຄັ່ງ​ຕຶງ ເປັນ​ເວລາ​ຫລາຍໆ​ເດືອນ.

​ທ່ານ Kim Kye Gwan ຮອງ​ລັດຖະມົນ​ຕີ​ຕ່າງປະ​ເທດ ​ຄົນ
ທີນຶ່ງ​ຂອງ​ເກົາຫຼີ ​ເໜືອ ຄາດ​ວ່າ ​ຈະເຈລະຈາ​ກັບຄູ່​ຕໍາ​ແໜ່ງຝ່າຍ
ຈີນ ​ໃນ​ວັນ​ພຸດ​ມື້​ອື່ນ​ນີ້. ປັກ​ກິ່ງ ກ່າວ​ວ່າ​ ຈະ​ມີ​ການ​ສົນທະນາ​ຫາ
ລື​ກັນ ກ່ຽວ​ກັບຄວາມສໍາພັນ​ ຂອງ​ສ​ອງຝ່າຍ ​ແລະ​ສະຖານະ​ການ
​ໃນ​ແຫລມ​ເກົາຫລີ.

​ຈີນ ຊຶ່ງ​ເປັນ​ພັນທະ​ມິດມາ​ເປັນ​ເວລາ​ດົນ​ນານ​ຂອງເກົາຫລີ​ເໜືອ
ມີ​ຄວາມ​ບໍ່ພໍ​ໃຈ ຫຼາຍຂຶ້ນ​ຕໍ່ພຽງ​ຢາງ ​ໂດຍ​ສະ​ເພາະ​ຫລັງ​ຈາກເກົາ
ຫລີ​ເໜືອ ​ໄດ້​ທົດ​ລອງ​ອາວຸດ ນິວ​ເຄລຍຄັ້ງ​ຫລ້າ​ສຸດໃນ​ເດືອນ​ກຸມ
ພາຜ່ານ​ມາ. ນັບແຕ່​ນັ້ນ​ມາປັກ​ກິ່ງ​ໄດ້​ທັບ​ມ້າງ ປາບ​ປາມບັນຊີ​ທະ
ນາຄານຂອງເກົາຫລີ​ເໜືອ ອັນ​ເປັນ​ພາກສ່ວນນຶ່ງ​ໃນ​ການລົງ​
ໂທດຮອບໃໝ່​ຂອງສະຫະ​ປະຊາ​ຊາດ.

ຈີນ ​ໄດ້​ຮຽກ​ຮ້ອງຊໍ້າ​ແລ້ວຊໍ້າ​ອີກ​ ໃຫ້​ເກົາຫຼີ​ເໜືອ ​ກັບ​ຄືນເຂົ້າຮ່ວມ​ການເຈລະຈາ ຫົກ​ຝ່າຍ
ກ່ຽວກັບ​ໂຄງ​ການ​ອາວຸດ​ນິວ​ເຄລຍຂອງ​ຕົນນັ້ນ. ທ່ານ Kim ຜູ້ຕາງໜ້າ​ເກົາຫລີ​ເໜືອ ທີ່ພວມ
ໄປ​ຢ້ຽມຢາມ​ກຸງປັກ​ກິ່ງ​ເປັນ​ຜູ້​ເຈລະຈາຄົນ​ສໍາຄັນ​ຂອງພຽງ ​ຢາງ ​ໃນ​ກອງ​ປະຊຸມ​ຫົກ​ຝ່າຍ ທີ່​
ເກົາຫລີ​ເໜືອ​ໄດ້ຍ່າງ​ອອກ ​ໃນ​ປີ 2009 ນັ້ນ.

NKorea
please wait
Embed

No media source currently available

0:00 0:00:27 0:00
XS
SM
MD
LG