ວັນອາທິດທີ່ຜ່ານມານີ້ (24 ເມສາ) ວັນນະສອນໄດ້ຈັດເພງລາວມາກ່ອມອາລົມທ່ານຜູ້ຟັງອີກຄັ້ງນຶ່ງ ຕາມຄໍາຂໍຂອງທ່ານຜູ້ຟັງ ທີ່ຂໍຟັງຜົນງານເພງລາວຂອງຕ້ອມ ເຣນໂບ ອີກ ຊຶ່ງວັນນະສອນກໍໄດ້ຈັດເພງ ”ຂາດຮັກ” ໃຫ້ທ່ານຟັງ ອັນເປັນເພງອໍາມະຕະຂອງວໍຣະເດດ ດິດຖາວົງ ຊຶ່ງຜູ້ກ່ຽວກໍໄດ້ມາບັນເທີງ ທ່ານເຊ່ນກັນໃນຄືນນີ້ ໃນເພງ ”ມະຍຸຣີ”. ສ່ວນເພງທີສາມ ອັດທ້າຍລາຍການນັ້ນ ແມ່ນເພງ ”ຮັກບໍ່ລືມ” ຂອງຄໍາຫລ້າ ໜໍ່ແກ້ວ.
ເຊີນທ່ານພົບກັບວັນນະສອນ ພ້ອມກັບເພງມ່ວນໆເຫລົ່ານັ້ນໄດ້ເລີຍ ໃນລາຍການສຽງເພງ ຈາກແດນໄກຂອງວີໂອເອ ໂກນຄລິກບອນຟັງສຽງ.
