ລິ້ງ ສຳຫລັບເຂົ້າຫາ

logo-print

ໄວຣັສໂຄໂຣນາ ເຮັດໃຫ້ ການແຂ່ງຂັນ ກິລາໂອລິມປິກປີນີ້ ທີ່ໂຕກຽວ ເລື່ອນໄປໃສ່ປີ 2021


ສັນຍາລັກຂອງກິລາໂອລິມປິກ ຕິດຕັ້ງຢູ່ທາງເຂົ້າສໍານັກງານໃຫຍ່ຂອງຄະນະກໍາມະການກິລາໂອລິມປິກສາກົນ ຫລື IOC ຢູ່ນະຄອນຫລວງ ຂອງສະວິດເຊີແລນ, ວັນທີ 24 ມີນາ, 2020

ກິລາໂອລິມປິກ ລະດູຮ້ອນປີ 2020 ຢູ່ນະຄອນໂຕກຽວ ຈະຖືກເລື່ອນໄປຈັດ ໃສ່ປີໜ້າ ເພາະມີການລະບາດຂອງເຊື້ອໄວຣັສໂຄໂຣນາໃນລະດັບໂລກ, ອີງ ຕາມການປະກາດຂອງນາຍົກລັດຖະມົນຕີຊິນໂຊອາເບະໃນວັນອັງຄານວານນີ້.

ເຖິງແມ່ນວ່າຄະນະກໍາມະການກິລາໂອລິມປິກສາກົນ ຫລື IOC ໄດ້ເວົ້າວ່າ ຕົນ ຈະໃຊ້ເວລາອະພິປາຍເພື່ອຄັດຄ້ານນານເປັນເດືອນກໍຕາມ ແຕ່ການຕັດ ສິນໃຈໃນການເລື່ອນການຈັດງານແຂ່ງຂັນນີ້ ກໍຍັງເປັນສິ່ງທີ່ຫລີກລ້ຽງບໍ່ໄດ້ ເມື່ອຫລາຍປະເທດ ເວົ້າວ່າ ເຂົາເຈົ້າຈະບໍ່ສົ່ງນັກກິລາຂອງຕົນມາຮ່ວມ ຖ້າການແຂ່ງຂັນຈັດຂຶ້ນໃນລະດູຮ້ອນປີນີ້.

“ປະທານຂອງ IOC ແລະນາຍົກລັດຖະມົນຕີຂອງຍີ່ປຸ່ນ ໄດ້ສະຫລຸບວ່າ ການ ແຂ່ງຂັນຈະຕ້ອງໄດ້ເລື່ອນໄປໃສ່ວັນທີທີ່ກາຍປີ 2020 ໄປອີກ ແຕ່ວ່າ ກໍບໍ່ໃຫ້ ກາຍລະດູຮ້ອນປີ 2021 ເພື່ອຮັກສາສຸຂະພາບຂອງນັກກິລາ, ທຸກຄົນທີ່ມີສ່ວນ ກ່ຽວຂ້ອງ ໃນກິລາໂອລິມປິກ, ແລະປະຊາຄົມສາກົນໄວ້,” ນັ້ນຄືຄໍາເວົ້າຂອງ ຄະນະກໍາມະການກິລາໂອລິມປິກສາກົນແລະຄະນະກໍາມະການຈັດການແຂ່ງ ຂັນຂອງຍີ່ປຸ່ນ ທີ່ກ່າວໃນຖະແຫລງການສະບັບນຶ່ງ ໃນວັນອັງຄານວານນີ້.

ກໍາມະການທັງສອງຄະນະເວົ້າວ່າ ພວກເພິ່ນໄດ້ຕັດສິນໃຈເຊັ່ນນັ້ນ ພາຍຫລັງ ໄດ້ປຶກສາຫາລືກັບອົງການອະນາໄມໂລກແລ້ວ. ນາຍົກລັດຖະມົນຕີອາເບະ ແລະ IOC ເວົ້າວ່າ ການຍົກເລີກການແຂ່ງຂັນແມ່ນເປັນເລື້ອງທີ່ແນ່ນອນຢູ່ ແລ້ວ.

IOC ກ່າວວ່າ “ກິລາໂອລິມປິກ ຢູ່ໃນໂຕກຽວສາມາດຢືນຢູ່ເໝືອນກັນກັບວ່າ ເປັນແສງໄຟນໍາທາງໂລກໄປສູ່ຄວາມຫວັງ ໃນໄລຍະທີ່ມີຊ່ວງເວລາພົບຄວາມ ຫຍຸ້ງຍາກຢູ່ນີ້ ນັ້ນຄືສິ່ງທີ່ທວນໄຟຂອງກິລາໂອລິມປິກສາມາດເປັນໄດ້ຢູ່ໃນ ສົ້ນສຸດຂອງອຸໂມງ ທີ່ໂລກເຫັນວ່າ ຕົນເອງກໍາລັງປະສົບຢູ່ເວລານີ້.”

ທ່ານອາເບະ ກ່າວຕໍ່ພວກນັກຂ່າວໃນນະຄອນໂຕກຽວວ່າ ເມື່ອໃດການແຂ່ງຂັນ ຫາກຈັດຂຶ້ນແລ້ວ ມັນກໍຈະພິສູດໃຫ້ເຫັນວ່າ “ມະນຸດຊາດສາມາດເອົາຊະນະ ໄວຣັສໂຄໂຣນາໄດ້.”

ການແຂ່ງຂັນໃນລະດູຮ້ອນປີນີ້ ຕາມກໍານົດແລ້ວ ແມ່ນຈະຈະຂຶ້ນໃນວັນທີ 24 ກໍລະກົດ.

ອ່ານຂ່າວນີ້ເພີ້ມເປັນພາສາອັງກິດ

ເບິ່ງຄວາມເຫັນ

XS
SM
MD
LG