ຍີ່ປຸ່ນ​ກ່າວຢຶນຢັນ​ວ່າ ຕົນ​​ໄດ້​ທໍາ​ ການ​ເຈລະຈາ​ກັບ​ຈີນ

ຍີ່ປຸ່ນ​ກ່າວ​ວ່າ ຕົນໄດ້​ເຂົ້າ​ພົວພັນ​ໃນ​ການ​ເຈລະຈາ​ກັບ​ຈີນ ​ເພື່ອ​ແກ້​ໄຂ​ບັນ​ຂໍ້​ຂັດແຍ້​ງກັນ​ເລື່ອງ​ເຂດ​ນໍ້າ​ແດນ​ດິນ ທີ່​ສົ່ງ​ຜົນ​ກະທົບ​ຕໍ່​ຄວາມ​ສໍາພັນ​ ລະ ຫວ່າງ​ສອງປະ​ເທດ​ມະຫາ​ອໍານາດ​ໃນ​ພາກ​ພື້ນ​ເອ​ເຊຍ.

​ເມື່ອ​ວັນ​ພຸດ​ມື້​ນີ້ ທ່ານ Osamu Fujimura ຫົວໜ້າ​ຫ້ອງການ
ລັດຖະບານ ​ຍີ່ປຸ່ນ ໄດ້​ຢືນ​ຢັນ​ລາຍງານ​ຂ່າວ​ທີ່​ວ່າ ທ່ານ
Chikao Kawai ຮອງ​ລັດຖະມົນຕີ​ຕ່າງປະ​ເທດ​ຍີ່ປຸ່ນ ​ໄດ້​ພົບ​
ປະ​ກັບ​ບັນດາ​ເຈົ້າໜ້າ​ທີ່​ອາວຸ​ໂສ​ຈີນ​ຢ່າງ​ລັບໆ ຢູ່ Shanghai
ເມື່ອ​ອາທິດ​ຜ່ານ​ມາ​ນີ້ ໂດຍ​ທີ່ທ່ານ Kawai ກ່າວ​ວ່າ ການເຈລະ
ຈາ​ກັນ​ຄັ້ງ​ນີ້ ​ແມ່ນ​ພາກສ່ວນນຶ່ງຂອງ​ຄວາມ​ມຸ້ງ​ໝັ້ນ​ຂອງ​ໂຕ​ກຽວ
​ເພື່ອ​ສືບ​ຕໍ່ສື່ສານ​ກັບ​ປັກ​ກິ່ງ ​ໃນ​ລະດັບ​ຕ່າງໆ ກ່ຽວ​ກັບ​ຂໍ້​ຂັດ​ແຍ້​ງ
ກັນ​ເລຶ່ອງໝູ່​ເກາະ​ຢູ່​ໃນ​ເຂດ​ທະ​ເລ​ຈີນ​ຕາ​ເວັນ​ອອກນັ້ນ.

ຄວາມ​ສໍາພັນ​ລະຫວ່າງ​ຈີນ-ຍີ່ປຸ່ນ ​ໄດ້​ຕົກ​ຮວບ​ລົງເມື່ອ​ເດືອນ​ຜ່ານມາ ຫຼັງຈາກ​ໂຕ​ກຽວ​
ໄດ້ຊື້​ໝູ່​ເກາະ​ແຫ່ງ​ນຶ່ງ​ຈາກ​ເຈົ້າຂອງ​ທີ່​ດິນ​ຊາວ​ຍີ່ປຸ່ນ. ໝູ່​ເກາະ ດັ່ງກ່າວ ​ທີ່​ຍີ່ປຸ່ນ​ເອີ້ນ​ວ່າ Senkaku ​ແລະຈີນ​ເອີ້ນວ່າ Diaoyu ນັ້ນ ​ແມ່ນ​ຫ້ອມ​ລ້ອມ​ດ້ວຍ​ແຫ​ລ່ງພະລັງງານ ​ແ​ລະ​ນ່ານນໍ້າ​ທີ່​ອຸດົມສົມບູນ​ໄປ​ດ້ວບປາ.

​ໃນ​ຂະນະ​ດຽວ​ກັນ ກໍປາກົດ​ວ່າບັນດາ​ເຈົ້າໜ້າ​ທີ່​ອາວຸ​ໂສ​ຈີນ ​ໄດ້​ປະຕິ​ເສດ​ຕໍ່ຄວາມ​ພະຍາ​ຍາມ​ຂອງ​ຄະນະ​ຜູ້​ແທນ​ການ​ທູດ​ຂອງ​ສະຫະລັດ ທີ່​ຈະ​ຊ່ວຍໄກ່​ເກ່ຍ​ຂໍ້​ຂັດ​ແຍ້​ງກັນ​ນີ້. ອົງການ​ຂ່າວ​ຊິນ​ຫົວ​ຂອງ​ຈີນ​ກ່າວ​ວ່າ ຮອງນາ ຍົກລັດຖະມົນຕີ Li Keqiang ​ໄດ້​ເນັ້ນຍໍ້າ​ເຖິງ​ທ່າ​ທີອັນ​ເຄ່ງ​ຂຶມຂອງ​ຈີນ ກ່ຽວ​ກັບ​ບັນຫາ​ດັ່ງກ່າວ​ ໃນ​ລະຫວ່າງ​ການ​ພົບ​ປະ​ກັບ​ທ່ານ Stephen Hadley ອະດີດ​ທີ່​ປຶກສາ​ດ້ານ​ຄວາມ​ໝັ້ນຄົງ​ແຫ່ງ​ຊາດ​ປະ​ຈໍາ​ທໍານຽບຂາວ​ກັບອະດີດ​ຮອງ​ລັດຖະມົນຕີ​ຕ່າງປະ​ເທດສະຫະລັດ​ Richard Armitage ​ແລະ​ເຈົ້າໜ້າ​ທີ່​ອື່ນໆອີກ ເມື່ອ​ວັນ​ອັງຄານ​ວານ​ນີ້.