ລິ້ງ ສຳຫລັບເຂົ້າຫາ

ວັນພຸດ, ໑໙ ມິຖຸນາ ໒໐໒໔

ເພື່ອສ້າງຄວາມກ້າວໜ້າ ໃຫ້ແກ່ຄວາມສຳພັນ ກັບຈີນ ມຽນມາ ຕ້ອງປະນີປະນອມ


 ທ່ານນາງ Aung San Suu Kyi ຕ້ອນຮັບການຢ້ຽມຢາມ ຂອງລັດຖະມົນຕີຕ່າງປະເທດຈີນ ທ່ານ Wang Yi.
ທ່ານນາງ Aung San Suu Kyi ຕ້ອນຮັບການຢ້ຽມຢາມ ຂອງລັດຖະມົນຕີຕ່າງປະເທດຈີນ ທ່ານ Wang Yi.

ການ​ສຳ​ພັດ​ມື​ ແບບເພື່ອນມິດ​ລະຫວ່າງ ທ່ານ​ນາງ Aung San Suu Kyi ​ແລະລັດຖະ ມົນຕີ​ຕ່າງປະ​ເທດຈີນທ່ານ Wang Yi ທີ່​ພວມ​ຢ້ຽມຢາມ​ມຽນມາໃນ​ອາທິດ​ນີ້ ແມ່ນຖືກ ວາດພາບ​ໃນ​ປະ​ເທດ​ຈີນ​ວ່າ "​ເປັນ​ການ​ເລີ້ມ​ຕົ້ນ​ທີ່​ດີ" ​ສຳ​ລັບ​ຄວາມ​ສຳພັນ​ກັບ​ມຽນມາ.

​ແຕ່​ຄວາມສຳພັນລະຍະ​ຍາວ ​ຂອງປະ​ເທດ​ເພື່ອນບ້ານທັງ​ສອງ ຈະຂຶ້ນຢູ່​ກັບວ່າ ລັດຖະ ບານ​ພົນລະ​ເຮືອນຊຸດໃໝ່​ຂອງ​ມຽນມາ ຈະແກ້​ໄຂ​ຄວາມ​ເປັນ​ຫ່ວງ​ຂອງ ຈີນ​ແບບ​ໃດ ກ່ຽວ ກັບ​ຄວາມ​ໝັ້ນຄົງ​ຂອງ​ເຂດ​ຊາຍ​ແດນ ​ແລະການ​ບໍ່​ລົງ​ຮອຍ​ກັນ​ທາງທຸລະ​ກິດ.

​ເມື່ອພິຈາລະນາເຖິງການ​ກາງ​ຕໍ່​ທາງ​ດ້ານເສດຖະກິດ​ຂອງມຽນມາ ກັບຈີນ​ແລ້ວ ບັນດາ ນັກວິ​ເຄາະ​ກ່າວ​ວ່າ ມັນ​ຈະ​ມີ​ຄວາ​ມຍາກ​ລຳບາກ​ຫຼາຍສຳລັບ ທ່ານ​ນາງ Aung San Suu Kyi ​ແ​ລະ​ລັດຖະບານໃໝ່ ທີ່ຈະ​ຄວບ​ຄຸມ​ອິດ​ທິພົນ​ທີ່​ພວມ ​ເພີ້ມຂຶ້ງຂອງ​ມະຫາ​ອຳ ນາດ​ເພື່ອນ​ບ້ານ​ ​ຕໍ່​ເສດຖະກິດ​ພາຍ​ໃນ​ປະ​ເທດ.

​ເຂົາ​ເຈົ້າ​ກ່າວ​ຕື່ມ​ອີກ​ວ່າ ບໍ່​ເທົ່າ​ນັ້ນ ຈີນ​ຍັງ​ຈະ​ຕ້ອງ​ທຳ​ການ​ປະນີປະນອມ​ເພື່ອ​ແກ້​ໄຂ​ການ​ ຂັດ​ແຍ້​ງທາງທຸລະ​ກິດ​ຂອງ​ຕົນກັບ​ມຽນມາ.

ລະຫວ່າງ​ການ​ຢ້ຽມຢາມຢ່າງ​ເປັນ​ທາງ​ການ​ສອງ​ວັນນັ້ນ ທ່ານ Wang ​ໄດ້ຢິບ​ຍື່ນ​ການ​ແກ້​ ໄຂ​ແບບ​ປະນີປະນອມໃຫ້​ແກ່ມຽນມາ.

ທ່ານ Wang ​ໄດ້​ກ່າວ​ຕໍ່ ທ່ານ​ນາງ Aung San Suu Kyi ທີ່​ນະຄອນຫລວງ Naypyitaw ຂອງ​ມຽນມາ ​ໃນ​ວັນ​ອັງຄານ​ທີ່​ຜ່ານ​ມານີ້​ວ່າ “ຂ້າພະ​ເຈົ້າ​ໄດ້​ມາ​ທີ່​ນີ້​ເພື່ອ​ສົ່ງ​ສັນຍານ​ອັນຈະ​ແຈ້ງຕໍ່​ປະຊາ​ຄົມ​ສາກົນວ່າ ຈີນ​ເພີ່ງ​ພໍ​ໃຈ​ທີ່​ຢືນ​ຢູ່​ກັບ​ມຽນມາ ​ແລະ​ສືບ​ຕໍ່ ເປັນ​ເພື່ອນ​ບ້ານ​ທີ່​ດີ ​ເປັນ​ເພື່ອນ​ທີ່​ດີ​ຜູ້​ນຶ່ງ ​ແລະ​ຄູ່​ຮ່ວມງານ​ທີ່​ດີ ບັດ​ນີ້​ມຽນມາ​ໄດ້ເລີ້ມຕົ້ນປະຫວັດສາດໜ້າ​ ໃໝ່​ຂອງ​ຕົນ​ແລ້ວ.” ​

XS
SM
MD
LG