ນາຍ Floyd Mayweather Jr. ນັກມວຍອະເມຣິກັນ ນ້ຳໜັກ
ຂະໜາດເບົາຍັງບໍ່ທັນເສຍໄຊຈັກເທື່ອ ໃນການຊົກມວຍອາຊີບ
ມາ48 ຄັ້ງ ຫຼັງຈາກຊະນະນາຍ Manny Pacqiao ຈາກຟີລິບ
ປິນດ້ວຍການຕັດສິນຢ່າງເປັນເອກກະສັນໂດຍຄະນະກຳມະ
ການ ໃນການຊີງແຊັມຊົກມວຍຮຸ້ນ Welterweight ໃນອັນທີ່
ໄດ້ມີການໂຄສະນາວ່າເປັນ “ການຊົກມວຍ ຄັ້ງຍິ່ງໃຫຍ່ຄັ້ງ
ຫຼ້າສຸດຂອງສັດຕະວັດ.”
ນາຍ Mayweather ໄວ 38 ປີ ຊຶ່ງມີຊ່ວງແຂນຍາວກວ່ານາຍ
Pacqiao ໄດ້ເລີ້ມຕົ້ນຢ່າງແຂງແຮງ ໃນການຕໍ່ສູ້ກັນ ໃນວັນ
ເສົາວານນີ້ ທີ່ເວທີ MGM Grand Garden Arena ຢູ່ທີ່ນະ
ຄອນ Las Vegas ແຕ່ນາຍ Pacqiao ທີ່ແຮງຊ້າຍ ໄດ້ຕອບໂຕ້ຢ່າງຂະຫຍັນຂັນແຂງ
ໃນຍົກຕໍ່ໆມາ ແຕ່ບໍ່ເປັນການພຽງພໍທີ່ຈະເອົາຊະນະນາຍ Mayweather ທີ່ມີຊື່ສຽງໃນ
ວິທີປ້ອງກັນໂຕນັ້ນ. ນາຍ Mayweather ສາມາດສ້າງຄວາມເຫຼືອອົກເຫຼືອໃຈ ໃຫ້ແກ່
ນາຍ Pacqiao ໄວ 36 ປີໄດ້ ໂດຍການຕ່ອຍແລະໃຊ້ກຳປັ້ນຫຼາຍບັ້ນທີ່ມີປະສິດທິຜົນ
ຂອງຕົນເອງ.
ການແຂ່ງຂັນຄັ້ງນີ້ ບໍ່ໄດ້ລະດັບທີ່ເປັນການຊົກມວຍຄັ້ງຍິ່ງໃຫຍ່ເປັນໄລຍະດົນນານທີ່
ນັກມວຍທັງສອງປາກົດວ່າໃຊ້ຄວາມລະມັດລະວັງທີ່ສຸດ. ບໍ່ມີການ knockdown ແລະ
ປາກົດວ່າບໍ່ມີນັກມວຍຄົນໃດໄດ້ຮັບບາດເຈັບສາຫັດແຕ່ຢ່າງໃດເລີຍ. ກຳມະການຕັດ
ສິນຂ້າງເວທີ 2 ທ່ານ ໃຫ້ຄະແນນໃນການຊົກ 12 ຍົກ ດ້ວຍຄະແນນ 116 ຕໍ່ 112 ໃນ
ຂະນະດຽວກັນ ຜູ້ຕັດສິນຄົນທີສາມ ໃຫ້ຄະແນນ 118 ຕໍ່ 110 ທັງໝົດເຫັນດີ ໃຫ້ນາຍ Mayweather ເປັນຜູ້ຊະນະ.
ຫຼັງຈາກການຊົກມວຍແລ້ວນາຍ Pacqiao ກ່າວວ່າ ລາວຄຶດວ່າລາວຊະນະ. ນັກມວຍ
ເອກຟີລິບປິນຄົນນີ້ ໄດ້ຊະນະ 57 ຄັ້ງ ເສຍໄຊ 6 ຄັ້ງ ແລະສະເໝີກັນ 2 ຄັ້ງ.
ນາຍ Mayweather ກ່າວຫຼັງຈາກຊົກມວຍແລ້ວວ່າ ລາວຈະຊົກອີກຄັ້ງໜຶ່ງໃນທ້າຍປີນີ້
ແລ້ວຈະອອກກິນເບ້ຍບຳບນານ ຫຼືເຊົາຊົກມວຍ.
