ຜູ້ຊາຍຄົນອະເມຣິກັນ ເຊື້ອສາຍປາກິສຖານ ທີ່ຖືກກ່າວຫາ
ວ່າພະຍາຍາມ ໂຈມຕີດ້ວຍລະເບີດລົດແຕ່ບໍ່ປະສົບຜົນ
ສຳເລັດທີ່ຈະຕຸລັດ TIMES SQUARE ໃນນະຄອນ
ນິວຢອກ ເມື່ອເດືອນແລ້ວນີ້ ໄດ້ຍອມຮັບຜິດໃນທຸກຂໍ້ຫາ
ຕໍ່ລາວ.
ນາຍ FAISAL SHAHZAD ໄດ້ຍອມຮັບຜິດໃນມື້ວານນີ້
ໃນລະຫວ່າງ ທີ່ຖືກນຳໂຕມາຂຶ້ນສານເພື່ອໃຫ້ການຕອບ
ຕໍ່ຂໍ້ກ່າວຫາ ຢູ່ສານແຫ່ງນຶ່ງທີ່ເກາະ ແມນຮັດຕັນ.
ລາວປະເຊີນກັບຂໍ້ຫາ ໃນຄວາມຜິດ 10 ກະທົງ ກ່ຽວກັບ
ເລື່ອງ ອາວຸດແລະການກໍ່ການຮ້າຍ ຮວມທັງພະຍາຍາມທີ່ຈະໃຊ້ອາວຸດທີ່ມີອະນຸ
ພາບຮ້າຍແຮງ
ນາຍ SHAHZAD ກ່າວຕໍ່ສານວ່າ ລາວຖືໂຕເອງວ່າເປັນທະຫານມຸສລິມ ແລະວ່າ
ລາວແລະຄົນອື່ນໆຈະຫາທາງໂຈມຕີສະຫະລັດຕໍ່ໄປ ນອກຈາກວ່າ ສະຫະລັດຈະ
ຖອນໂຕ ອອກໄປຈາກດິນແດນມຸສະລິມ ຮວມທັງອັຟການິສຖານ ແລະອີຣັກ.
ຄະນະໄອຍະການໄດ້ກ່າວຫານາຍ SHAHZAD ອາຍຸ 30 ປີ ທີ່ຖືສັນ ຊາດອະເມ
ຣິກັນນັ້ນວ່າ ໄດ້ຮັບການຝຶກແອບດ້ານລະເບີດຈາກກຸ່ມທາລີບານໃນ ປາກິສຖານ
ໃນເຂດຊົນເຜົ່າ WAZIRISTAN ທາງພາກຕາເວັນຕົກສຽງເໜືອ ຂອງປະເທດ
ດັ່ງກ່າວ ພ້ອມທັງເງິນ 12 ພັນໂດລາ ຈາກພວກສົມຮູ້ຮ່ວມຄິດທີ່ ລາວຄິດວ່າ
ເຮັດວຽກໃຫ້ແກ່ກຸ່ມດັ່ງກ່າວ.
ຜູ້ກ່ຽວໄດ້ຖືກຈັບໃນວັນທີ 3 ພຶດສະພາຜ່ານມາ ຫຼັງຈາກສາຍລັບຂອງ ເຈົ້າໜ້າທີ່
ປະຕິບັດກົດໝາຍ ພົບວ່າລາວມີສ່ວນພົວພັນກັບລົດຄັນນຶ່ງທີ່ຈອດໄວ້ ໃນບໍລິເວນ
ຈະຕຸລັດ TIMES SQUARE ພ້ອມກັບລະເບີດ ທີ່ເຮັດຂຶ້ນເອງ. ລາວໄດ້ຖືກຕາມລ່າ
ແລະນຳໂຕລົງມາຈາກເຮືອບິນໂດຍສານ ຂະນະທີ່ພວມຈະ ອອກເດີນທາງຈາກ
ນະຄອນນິວຢອກໄປຍັງດູໄບ. ຜູ້ກ່ຽວປະເຊີນກັບໂທດຈຳຄຸກ ຕະຫຼອດຊີວິດ
ໃນຂໍ້ຫາເຫຼົ່ານີ້.
