ບັນດາເຈົ້າໜ້າທີ່ ໃນລັດ Massachusetts ທາງພາກຕາ
ເວັນອອກສຽງເໜືອຂອງສະຫະລັດ ໄດ້ເປີດກັບຫຼືຫີບນ້ອຍ
ທີ່ມີອາຍຸໄດ້ 220 ປີ ຊື່ງເປັນຫີບບັນທຶກຂໍ້ມູນອັນສຳຄັນທາງ
ປະຫວັດສາດ ທີ່ຖືກຝັງເອົາໄວ້ ໂດຍບັນດາຊາວອາເມຣິກັນ
ຜູ້ກໍ່ຕັ້ງປະເທດ ທ່ານ Samuel Adams ແລະ ທ່ານ Paul
Revere.
ເຄື່ອງຕ່າງໆຢູ່ໃນກັບ ທີ່ໄດ້ເປີດໃຫ້ເຫັນ ໃນວັນອັງຄານວານ
ນີ້ຢູ່ທີ່ ນະຄອນ Boston ແມ່ນມີຮວມທັງເອກກະສານຕ່າງໆ
ເງິນອັດ ແລະວັດຖຸອຶ່ນໆ ທີ່ອະ ທິບາຍໂດຍເຈົ້າໜ້າທີ່ລັດ
ທ່ານ William Galvin ວ່າເປັນສັນຍາລັກ ຂອງ “ຄວາມ
ຫວັງອັນຍິ່ງໃຫຍ່” ສຳຫລັບຊາວອາເມຣິກັນຢູ່ໃນອານານິຄົມ ໃນຂະນະທີ່ພວກເຂົາເຈົ້າສະແຫວງຫາ ແລະໄດ້ຮັບເອກກະລາດຈາກການປົກຄອງຂອງອັງກິດ.
ສິ່ງຂອງທີ່ຢູ່ໃນກັບເຫລັກ ທີ່ເປັນສະໜິມເຂົ້າມໝ່ຽງແລ້ວນັ້ນ ແມ່ນມີີຮວມທັງ ຫຼຽນເງິນ
ຊິລລິ່ງໃນສັດຕະວັດທີ 17 ຂອງອານານິຄົມທີ່ເຮັດຂຶ້ນເພື່ອທ້າທາຍຕໍ່ອຳນາດຂອງເຈົ້າ
ໜ້າທີ່ອັງກິດ. ນອກນັ້ນຍັງບັນຈຸຫລຽນທອງແດງ ທີ່ບອກເຖິງ ຜູ້ກໍ່ຕັ້ງສະຫະລັດ ປະທາ
ນາທິບໍດີ George Washington ໜັງສືພິມປະຫວັດ ສາດ ແລະຈານເງິນທີ່ເຮັດໂດຍ
ຊ່າງຕີເງິນ Revere.
ທ່ານ Galvin ກ່າວວ່າ ບັນດາວັດຖຸເຫລົ່ານີ້ ຊຶ່ງໄດ້ພົບເຫັນຢູ່ກ້ອງຕຶກອາຄານປົກຄອງ
ລັດ ໃນທ້າຍປີແລ້ວນີ້ ມີທ່າທາງວ່າ ຈະນຳວາງສະແດງທີ່ີ ຫໍພິພິດທະ ພັນ Fine Arts
ກ່ອນທີ່ຈະນຳໄປຝັງໄວ້ ພ້ອມກັບວັດຖຸສະໄໝໃໝ່ຈຳນວນນຶ່ງ.
