ລິ້ງ ສຳຫລັບເຂົ້າຫາ

ວັນອັງຄານ, ໒໓ ເມສາ ໒໐໒໔

ການສົນທະນາທີ ນະຄອນແວນຄູເວີ ເພັ່ງເລັງໃສ່ ຄວາມກົດດັນຕໍ່ ເກົາຫຼີເໜືອ


ລັດຖະມົນຕີຕ່າງປະເທດສະຫະລັດທ່ານ ທີລເລີສັນ ແລະທ່ານ ນາງ ຄຣິຕີ ຟຣີແລນ ລັດຖະມົນຕີຕ່າງປະເທດການາດາ ທີ່ ນະຄອນອົດຕາວາ ປະເທດການາດາ ວັນທີ 19 ທັນວາ 2017.
ລັດຖະມົນຕີຕ່າງປະເທດສະຫະລັດທ່ານ ທີລເລີສັນ ແລະທ່ານ ນາງ ຄຣິຕີ ຟຣີແລນ ລັດຖະມົນຕີຕ່າງປະເທດການາດາ ທີ່ ນະຄອນອົດຕາວາ ປະເທດການາດາ ວັນທີ 19 ທັນວາ 2017.

ສະຫະລັດ ​ແລະ​ກາ​ນາ​ດາ ກຳລັງເປັນ​ເຈົ້າພາບຕ້ອນຮັບ​ກອງ​ປະຊຸມ​ໃນ​ວັນ​ອັງຄານ​ມື້
​ນີ້ ໃນ​ນະຄອນ​ແວນ​ຄູເວີ ທີ່​ເພັ່ງເລງໃສ່ການ​ກົດ​ດັນ​ໃຫ້​ເກົາ​ຫຼີ​ເໜືອ ລົ້ມ​ເລີກ​ໂຄງການ
​ອາວຸດ​ນິວ​ເຄລຍຂອງຕົນ.

ລັດຖະມົນ​ຕີ​ກະຊວງ​ການ​ຕ່າງປະ​ເທດ​ສະຫະລັດ ທ່ານເຣັກສ໌ ທີລເລີ​ສັນ ​ແລະ​ລັດຖະ
ມົນຕີ​ຕ່າງປະ​ເທດ​ກາ​ນາດາ ທ່ານ​ນາງ​ຄຣິສ​ເຕຍ ຟຣີ​ແລນ ພ້ອມ​ກັນນຳ ເອົາ​ບັນດາ​
ເຈົ້າໜ້າ​ທີ່ຈາກ​ປະມານ 20 ປະ​ເທດ ​ເ​ພື່ອມາ​ເບິ່ງ​ວ່າ​ ຈະ​ເຮັດ​ຢ່າງ​ໃດ​ຈຶ່ງຈະໃຫ້​ດີ​ຂຶ້ນ​ ເພື່ອນຳໃຊ້ການ​ລົງໂທດ ​ແລະ​ປ້ອງ​ກັນ​ເກົາຫຼີ​ເໜືອ​ຈາກການຫລີກ​ລ່ຽງມາ​ດຕະການ
ທີ່​ວາງ​ໄວ້​ໂດຍ​ ສປຊ.

ຫົວໜ້​າວາງ​ແຜນ​ກະຊວງ​ການ​ຕ່າງປະ​ເທດ ທ່ານ ​ບຣາຍ​ແອນ ຮຸກ ໄດ້ກ່າວ​ກ່ອນ​ກອງ
​ປະຊຸມ​ວ່າ ບັນດາ​ຜູ້ນຳ​ທັງຫຼາຍຕ້ອງ​ສະ​ແດງ​ໃຫ້​ຮູ້​ວ່າ ​ມີ​ຊ່ອງ​ທາງ​ດ້ານການ​ທູດ​ຢູ່ ເພື່ອ
ໃຫ້​ແກ້​ໄຂ​ສະຖານະ​ການ ​ໃນ​ຂະນະ​ທີ່​ເຈົ້າ​ໜ້າ​ທີ່​ຄົນ​ອື່ນໆ​ກ່າວ​ວ່າ ຈະ​ບໍ່​ມີ​ການ​ສົນທະ
ນາກັນກ່ຽວກັບທາງ​ເລືອກ​ ໃນການໃຊ້ການທະຫານ.

​ເກົາ​ຫຼີ​ເໜືອ​ໄດ້​ປະຕິເສດ ຄຳຮຽກຮ້ອງຂອງ ​ສະຫະ​ປະຊາ​ຊາດ ໃຫ້​ຢຸດ​ຢັ້ງ​ການ​ທົດ​ລອງ
​ນິວເຄຼຍ ແລະລູກ​ສອນ​ໄຟ​ຂີ​ປະ​ນາ​ວຸດ. ການ​ປະຊຸມ​ໃນ​ວັນ​ອັງຄານ​ມື້​ນີ້​ໄດ້ຮຽກ​ຮ້ອງໃຫ້
ມີຂຶ້ນ ​ຫລັງ​ຈາກ​ການ​ທົດ​ລອງ​ລູກ​ສອນ​ໄຟ​ຂີ​ປະ​ນາ​ວຸດ​ຂ້າມ​ທະວີບໃນ​ເດືອນ​ພະຈິກ ທີ່
​ເຮັດ​ໃຫ້​ເກີດ​ຄວາມ​ເຄັ່ງ​ຕຶງ ​ແລະເກີດ​ສົງຄາມທາ​ງ​ວາ​ຈາ ລະຫວ່າງ ປະທານາທິບໍດີ​
ສະຫະ​ລັດ ທ່ານ​ດໍ​ໂນ​ລ ທຣໍາ ກັບ​ຜູ້ນຳ​ເກົາຫຼີ​ເໜືອ ທ່ານ​ ກິມ ຈົງ​ ອຶນ.

ລັດຖະມົນຕີຕ່າງປະເທດສະຫະລັດທ່ານ ທີລ ເລີສັນ ທ່ານນາງກຣິສຕີ ຟຣີແລນ ລັດຖະມົນຕີ ຕ່າງປະເທດການາດາ ທີ່ກະຊວງຕ່າງປະເທດສະຫະລັດ ທີ່ ວໍຊິງຕັນ ວັນທີ 11 ຕຸລາ 2017.
ລັດຖະມົນຕີຕ່າງປະເທດສະຫະລັດທ່ານ ທີລ ເລີສັນ ທ່ານນາງກຣິສຕີ ຟຣີແລນ ລັດຖະມົນຕີ ຕ່າງປະເທດການາດາ ທີ່ກະຊວງຕ່າງປະເທດສະຫະລັດ ທີ່ ວໍຊິງຕັນ ວັນທີ 11 ຕຸລາ 2017.

ຄວາມ​ເຄັ່ງ​ຕຶງດັ່ງກ່າວ ​ໄດ້​ຫລຸດຜ່ອນ​ລົງ​ໜ້ອຍ​ນຶ່ງ​ ຫວ່າງ​ບໍ່ທໍ່ໃດອາທິດ​ທີ່​ຜ່ານ​ມາ ​ແລະ​ຜູ້ຕາງໜ້າ​ຈາກ​ເກົາ​ຫຼີ​ເໜືອ ​ແລະ​ເກົາຫຼີ​ໃຕ້​ ໄດ້​ຈັດການ​ສົນທະນາ​ກັນ​ຢ່າງ​ເປັນ​ທາງ​ການ
​ໃນ​ຮອບສອງ​ປີຜ່ານມາ.

ສື່​ລັດ​ທາງການຂອງຈີນ​ ລາຍ​ງານໃນ​ວັນ​ອັງຄານ​ມື້​ນີ້ວ່າ ປະທານ​ປະ​ເທດ ສີ ຈິນຜິ​ງ ​ໄດ້
​ບອກ​ປະທາ​ນາ​ທິບໍດີ​ທຣໍາ ທາງໂທລະສັບ​ວ່າ ຕ້ອງ​ມີ​ຄວາມພ​ະຍາຍາມຮັກສາ​ແຮງ​ກະຕຸ້ນດັ່ງກ່າວໄວ້.

ຈີນ ​ແລະຣັດ​ເຊຍ​ບໍ່​ໄດ້​ຖືກ​ເຊີນເຂົ້າຮ່ວມກອງ​ປະຊຸມ​ ແວນ​ຄູ​ເວີ. ບັນດາ​ຜູ້​ເຂົ້າ ຮ່ວມ
ແມ່ນມີ​ປະ​ເທດທີ່​ໃຫ້​ການ​ສະໜັບສະໜູນ​ແກ່​ເກົາຫຼີ​ໃຕ້​ໃນ​ສົງຄາມ​ເກົາ​ຫຼີປີ 1950-53
ອັນລວມທັງ​ຍີ່​ປຸ່ນ ​ແລະ​ເກົາຫຼີ​ໃຕ້​ເອງ.

ອ່ານຂ່າວນີ້ເພີ້ມເປັນພາສາອັງກິດ

Vancouver North Korea Talks
please wait

No media source currently available

0:00 0:01:11 0:00

XS
SM
MD
LG