ປະຊາຊົນ ຕີເບດ ທີ່ອາໄສຢູ່ນອກປະເທດ ກຳລັງພາກັນເລືອກຕັ້ງ ເອົາການນຳພາໃໝ່ໃນວັນອາທິດມື້ນີ້ ໃນຂະນະທີ່ພວກເຂົາເຈົ້າ ດີ້ນຮົນເພື່ອການປົກຄອງຕົນເອງ ສຳລັບ ຕີເບດ ທີ່ປົກຄອງໂດຍ ປະເທດ ຈີນ ຢູ່ນັ້ນ.
ປັກກິ່ງ ບໍ່ຮັບຮູ້ລັດຖະບານພັດຖິ່ນ, ເຊິ່ງຕັ້ງຢູ່ຕີນພູເຂົາ ຮິມາໄລ ທີ່ ເມືອງ Dharamsala ໃນປະເທດ ອິນເດຍ.
ການເລືອກຕັ້ງນີ້ແມ່ນໄດ້ຈັດຂຶ້ນເປັນຄັ້ງທີ 2 ນັບຕັ້ງແຕ່ອົງ ດາໄລ ລາມະ ລາອອກຈາກການນຳພາທາງການເມືອງ ເພື່ອມາເພັ່ງເລັງ ໃສ່ບົດບາດຂອງພະອົງ ທາງດ້ານສາສະໜາຂອງ ຕີເບດ.
ລັດຖະບານພັດຖິ່ນ ເປັນຕົວແທນໃຫ້ ປະຊາຊົນຊາວ ຕີເບດ ຫຼາຍກວ່າ 1 ແສນຄົນທີ່ສ່ວນ ໃຫຍ່ອາໄສຢູ່ໃນປະເທດ ອິນເດຍ, ເນປານ ແລະ ພູຖານ.
ອົງ ດາໄລ ລາມະ ແລະ ຜູ້ຕິດຕາມຂອງພະອົງໄດ້ຫຼົບໜີອອກຈາກ ຕີເບດໃນປີ 1959 ຫຼັງຈາກ ບໍ່ສາມາດຍຶດອຳນາດມາໄດ້ຈາກການປົກຄອງຂອງ ຈີນ.
ໃນເມືອງ Dharamsala, ປະຊາຊົນ ຕີເບດ ໄດ້ລຽນແຖວກັນທີ່ວັດແຫ່ງໜຶ່ງ ແລະ ສະຖານທີ່ ອື່ນໆ ເພື່ອລົງຄະແນນສຽງຂອງພວກເຂົາເຈົ້າໃນວັນອາທິດວານນີ້. ບັນດາຜູ້ລົງຄະແນນສຽງ ໃນປະເທດອື່ນໆ ກໍລວມມີຢູ່ໃນ ສະຫະລັດ, ເຊິ່ງສາມາດລົງຄະແນນສຽງໄດ້ເຊັ່ນກັນ.
