ອົງດາໄລລາມະ ຊົງໄດ້ຫຼົບໜີການປົກຄອງຂອງຈີນໃນທິເບດ ໄປທີ່ເມືອງທໍາມະສາລາ ຫລື Dharamsala ໃນພາກເໜືອຂອງປະເທດອິນເດຍໃນປີ 1959 ແລະນັບແຕ່ນັ້ນມາ ເມືອງດັ່ງກ່າວກໍໄດ້ກາຍເປັນທີ່ຕັ້ງຂອງລັດຖະບານພັດຖິ່ນຂອງຊາວທິເບດ. ໃນໄລຍະຫຼາຍໆປີທີ່ຜ່ານມານັ້ນ ອົງດາໄລ ລາມະ ຊົງໄດ້ດຳເນີນງານ ເພື່ອມອບໂອນບົດບາດທາງດ້ານການເມືອງຂອງພະອົງ ຫຼາຍຂຶ້ນນັບມື້ ໃຫ້ແກ່ນາຍົກລັດຖະມົນຕີທີ່ໄດ້ຮັບເລືອກຢ່າງເປັນປະຊາທິປະໄຕຂອງຊາວທິເບດ.
// ສຽງ //
ໃນວັນທີ 20 ມີນາເດືອນນີ້ ຊາວທິເບດທີ່ລີ້ໄພຢູ່ໃນຕ່າງປະ
ເທດຈະພາກັນໄປປ່ອນບັດລົງຄະແນນສຽງເລືອກເອົານາຍົກ
ລັດຖະມົນຕີໂດຍກົງ ເປັນເທື່ອ ທີ 3 ພ້ອມໆກັບບັນດາ
ສະມາຊິກສະພາແຫ່ງຊາດພັດຖິ່ນ ຊຸດທີ 15.
ໃນເດືອນຕຸລາປີກາຍນີ້ 60% ຂອງປະຊາຄົມຊາວທິເບດທີ່ລີ້ໄພໃນຕ່າງປະ ເທດ ໄດ້ພາກັນໄປປ່ອນບັດໃນການເລືອກຕັ້ງຂັ້ນຕົ້ນ ຊຶ່ງຍັງຜົນໃຫ້ຜູ້ສະມັກ ແຂ່ງຂັນເອົາຕຳແໜ່ງນາຍົກລັດຖະມົນຕີ ເຫຼືອຢູ່ 3 ທ່ານ.
// ສຽງ //
ພວກຜູ້ສະມັກທັງ 3 ໄດ້ທຳການໂຕ້ວາທີກັນ ທີ່ມີການຖ່າຍທອດທາງໂທລະ ພາບເປັນເທື່ອທຳອິດ ໃນວັນທີ 1 ມີນາຜ່ານມາ ທີ່ກຸງວໍຊິງຕັນ ຕໍ່ໜ້າຊາວທິ ເບດທີ່ລີ້ໄພຢູ່ໃນຕ່າງປະເທດ. ການໂຕ້ວາທີດັ່ງກ່າວນີ້ແມ່ນສາມາດເບິ່ງໄດ້ຢູ່ ໃນທິເບດແລະໃນທົ່ວໂລກ ໂດຍທາງອິນເຕີແນັດ.
ຜູ້ສະມັກທີ່ມີຄະແນນນຳໜ້າ ແມ່ນຄົນອະເມຣິກັນເຊື້ອສາຍທິເບດ ທີ່ມີການ ພົວພັນກັບມະຫາວິທະຍາໄລ Harvard. ທ່ານ Lobsang Sangay ເຕີບໃຫຍ່ຢູ່ ທີ່ຊຸມຊົນບ່ອນຕັ້ງຖິ່ນຖານໃໝ່ແຫ່ງນຶ່ງຂອງຊາວທິເບດ ແລະທ່ານເປັນນັກສຶກສາທີ່ໄດ້ຮັບທຶນ Fulbright ຈົບວິຊາກົດໝາຍ ຈາກມະຫາວິທະ ຍາໄລ Harvard.
// ສຽງ //
ທ່ານ Lobsang Sangay ກ່າວວ່າ “ບັນຫາທີ່ສຳຄັນອັນດັບນຶ່ງ ທີ່ແລເຫັນໄດ້ຢ່າງຈະແຈ້ງ ກໍຄືວ່າຈະແກ້ໄຂບັນຫາທິເບດແບບໃດ ເພື່ອວ່າພວກເຮົາຈະສາມາດໄດ້ຮັບອິດສະຫຼະພາບຂອງພວກເຮົາຄືນມາ ແລະຫຼັງຈາກນັ້ນ ບັນດາສະມາຊິກໃຄອບຄົວທີ່ພັດພາກຈາກກັນທັງຢູ່ໃນແລະນອກທິເບດ ຈຶ່ງຈະສາ ມາດໄດ້ຢູ່ນຳກັນ ໃນທິເບດ.”
ທ່ານ Tenzin Tethong ແມ່ນອະດີດຜູ້ຕາງໜ້າຂອງອົງດາໄລລາມະປະຈຳ ນະຄອນນິວຢອກແລະກຸງວໍຊິງຕັນ ຊຶ່ງໃນປັດຈຸບັນນີ້ ທ່ານເປັນນັກວິຊາການ ພິເສດ ທີ່ມະຫາວິທະຍາໄລ Stanford ໃນລັດແຄລິຟໍເນຍ.
// ສຽງ //
ທ່ານ Tenzin Tethong ກ່າວວ່າ “ຄວາມຮັບຜິດຊອບອັນສຳຄັນທີ່ສຸດສຳລັບລັດຖະບານພັດຖິ່ນທິເບດ ກໍແມ່ນວຽກງານຕໍ່ສູ້ເພື່ອທິເບດທີ່ເປັນອິດສະລະ ແລະເພື່ອສິດທິຂອງປະຊາຊົນຊາວທິເບດ.”
ສ່ວນຜູ້ສະມັກເລືອກຕັ້ງຄົນທີສາມ ທ່ານ Tashi Wangdi ນັ້ນ ເຄີຍເປັນຜູ້ບໍລິຫານພະແນກການຕ່າງໆຂອງລັດຖະບານພັດຖິ່ນ ມາແລ້ວ ໃນໄລຍະຫຼາຍໆປີຜ່ານມານີ້ ແລະ ລ່າສຸດແມ່ນເປັນຜູ້ຕາງໜ້າໃຫ້ອົງດາໄລລາມະປະຈຳຢູໂຣບ.
// ສຽງ //
ທ່ານ Tashi Wangdi ກ່າວວ່າ “ມັນເປັນສິ່ງສຳຄັນສຳລັບພວກເຮົາທີ່ຈະມອງເຫັນວ່າ ພວກເຮົາຈະຢູ່ລອດໃນນາມປະຊາຊົນຊາວທິເບດທີ່ລີ້ໄພຢູ່ໃນ ຕ່າງປະເທດໄດ້ແນວໃດ ແລະສາມາດຮັກສາຄວາມເປັນເອກກະລັກແລະສືບ ຕໍ່ການດີ້ນຮົນຕໍ່ສູ້ ຈົນເທົ່າພວກເຮົາພົບກັບຊ່ອງທາງໃນການແກ້ໄຂ.”
ພາຍໃນເດືອນສິງຫາປີນີ້ ຊາວທິເບດທີ່ລີ້ໄພຢູ່ໃນຕ່າງປະເທດກໍຈະໄດ້ນາຍົກ ລັດຖະມົນຕີຄົນໃໝ່ ຈາກການເລືອກເອົາຄົນໃດຄົນນຶ່ງໃນຈໍານວນສາມຄົນນີ້ ຊຶ່ງເປັນການເລືອກທີ່ຊາວທິເບດພັດຖິ່ນຫຼາຍໆຄົນ ກໍາລັງພິຈາລະນາຢ່າງເອົາຈິງເອົາຈັງ.
