ມີລາຍງານວ່າ ຂະນະນີ້ ລັດຖະບານຈີນກໍາລັງວາງມາດຕະການ
ຄວບຄຸມຢ່າງເຄ່ງຄັດຕື່ມຂຶ້ນຢູ່ໃນຫລາຍໆເຂດຂອງທິເບດ ບ່ອນ
ທີ່ພວກຊາວບ້ານ ຊາວເມືອງໄດ້ຈູດໄຟເຜົາຕົນເອງເພື່ອປະທ້ວງ ນະໂຍບາຍການປົກຄອງຂອງຈີນ. ເລີ້ມແຕ່ປີ 2009 ເປັນຕົ້ນມາ ຊາວທິເບດໄດ້ຈູດໄຟເຜົາຕົນເອງໄປແລ້ວເກືອບນຶ່ງຮ້ອຍຄົນ ຊຶ່ງ
ສ່ວນຫຼາຍແມ່ນໄດ້ເສຍຊີວິດ. ບັນດານັກເຄື່ອນໄຫວຊາວທິເບດ
ທີ່ຢູ່ຕ່າງປະເທດ ພາກັນປຸກລະດົມເພື່ອດຶງຄວາມສົນໃຈໄປໃສ່ ຊະຕາກໍາຂອງປະຊາຊົນຂອງພວກເຂົາເຈົ້າ. ຜູ້ສື່ຂ່າວວີໂອເອ
Jerom Socolovsky ມີລາຍງານມາຈາກນະຄອນຫລວງວໍຊິງ
ຕັນ ດີຊີ ຊຶ່ງທອງປານຈະນໍາມາສະເໜີທ່ານ.
ເບິ່ງວີດິໂອລາຍງານນີ້ ເປັນພາສາລາວ:
ເມື່ອບໍ່ດົນມານີ້ ນັກເຄື່ອນໄຫວຊາວທິເບດກຸ່ມນຶ່ງ ໄດ້ພາກັນໄປຍັງຫ້ອງການຂອງສະມາ
ຊິກສະພາຕໍ່າສະຫະລັດທຸກໆຄົນ ເພື່ອຂໍລາຍເຊັນສໍາລັບໜັງສືຮ້ອງຮຽນກ່ຽວກັບການຈູດ ເຜົາຕົນເອງຢູ່ໃນທິເບດ. ນາງ Dadon Ngodup ເປັນຜູ້ນຶ່ງໃນນັ້ນ.
ນັກເຄື່ອນໄຫວ ໂງ່ດຸບ ເວົ້າວ່າ: “ຈິງໆແລ້ວ ພວກເຮົາມາທີ່ນີ້ ເພື່ອຂໍຮ້ອງໃຫ້ ສະມາ
ຊິກສະພາຄອງແກຣສເຊັນຈົດໝາຍສະບັບນຶ່ງ ທີ່ສະພາຊິກສະພາຕໍ່າ Wolf ແລະ McGovern ເປັນຜູ້ນໍາພາ ເພື່ອຈະສົ່ງໄປໃຫ້ ທ່ານໂອບາມາ ກ່ຽວກັບເຫດການ
ທີ່ໄດ້ເກີດຂຶ້ນຕະຫຼອດມາຢູ່ໃນທິເບດ.”
ດັ່ງທີ່ເຫັນຢູ່ໃນຮູບທີ່ຖ່າຍໂດຍໂທລະສັບມືຖືຂອງນັກຖ່າຍວິດີໂອສະໝັກຫຼິ້ນຄົນນຶ່ງ ພວກ ຊາວໜຸ່ມໄດ້ພາກັນຈູດເຜົາຕົນເອງຢູ່ຕາມຖະໜົນຫົນທາງຂອງທິເບດ ແລະພະສົງ ຫຼາຍ ຮ້ອຍອົງ ໄດ້ອອກມາທໍາພິທີສົ່ງສະການສະມາຊິກ ອົງນຶ່ງຂອງພວກຕົນ. ວັດ Kirti ເປັນວັດ ທີ່ເວົ້າກັນວ່າ ເປັນຈຸດສໍາຄັນຂອງ ການເຄື່ອນໄຫວດັ່ງກ່າວນີ້.
ພວກນັກເຄື່ອນໄຫວທີ່ວໍຊິງຕັນ ເວົ້າວ່າ ຊາວທິເບດແມ່ນທໍ້ແທ້ສິ້ນຫວັງທີ່ສຸດ ຫຼັງຈາກໄດ້ ຢູ່ພາຍໃຕ້ການຍຶດຄອງຂອງຈີນ ມາໄດ້ຫຼາຍກວ່າ 60 ປີ ແລ້ວ
Dadon Ngodup ເກີດຢູ່ອິນເດຍ ແລະບໍ່ເຄີຍພົບເຄີຍເຫັນບ້ານເກີດ ເມືອງນອນຂອງພໍ່ ແມ່ເລີຍ
ນາງ ໂງ່ດຸບ ເວົ້າວ່າ: “ເວົ້າຢ່າງຈິງໃຈແລ້ວ ສໍາລັບຂ້ອຍນັ້ນ ມັນບໍ່ແມ່ນເລື້ອງ
“ພວກເຮົາຢາກໃຫ້ທິເບດເປັນເສລີ ຢາກໃຫ້ທິເບດເປັນເສລີ” ຕໍ່ໄປອີກແລ້ວ
ແຕ່ມັນແມ່ນເລຶ່ອງຂອງຊີວິດມະນຸດ ມະນຸດທີ່ຖືກເຜົາໄໝ້ ຍ້ອນພວກເຂົາເຈົ້າ
ຮູ້ສຶກວ່າ ພວກເຂົາເຈົ້າບໍ່ສາມາດເຮັດແນວອື່ນໃດໄດ້ອີກແລ້ວ.”
ນຶ່ງໃນຄໍາສັ່ງສອນຫຼັກຂອງສາສະໜາພຸດ ເວົ້າວ່າ ຄົນເຮົາຕ້ອງບໍ່ຂ້າເພື່ອນມະນຸດດ້ວຍກັນ. ອົງດາໄລ ລາມະ ຜູ້ນໍາທາງດ້ານຈິດໃຈທີ່ລີ້ໄພໃນຕ່າງປະເທດຂອງຊາວພຸດທິເບດ ກໍສັ່ງ ສອນ ບໍ່ໃຫ້ໃຊ້ຄວາມຮຸນແຮງ.
ແຕ່ວ່າ ໃນຂະນະດຽວກັນ ສາສະໜາພຸດກໍຮວມເອົາອຸດົມຄະຕິຂອງພະໂພທິສັດ ຜູ້ທີ່ອຸທິດ ຕົນ ເພື່ອຜົນປະໂຫຍດຂອງສ່ວນລວມ. Tenzin Dorjee ປະຈໍາເຄືອຂ່າຍທິເບດລະຫວ່າງ ຊາດ ເວົ້າວ່າ:
“ເວລາຊາວທິເບດ ພາກັນເບິ່ງພາບການຈູດເຜົາຕົນເອງນັ້ນ ສິ່ງທີ່ພວກເຮົາ
ເຫັນ ກໍຄືການກະທໍາທີ່ມາຈາກຄວາມເຫັນອົກເຫັນໃຈການກະທໍາທີ່ເຫັນແກ່
ປະໂຫຍດຂອງຜູ້ອື່ນເປັນໃຫຍ່. ແລະຊາວທິເບດ ທຸກໆຄົນທີ່ເຮັດແບບນັ້ນ
ກໍບໍ່ໄດ້ທໍາຮ້າຍມະນຸດຄົນອື່ນຈັກຄົນ.”
ລັດຖະບານໂອບາມາໄດ້ເວົ້າວ່າ ຕົນເຊື່ອວ່າ ການຈູດເຜົາຕົນເອງໄດ້ເພີ້ມທະວີຫລາຍຂຶ້ນ ກໍຍ້ອນນະໂຍບາຍການປົກຄອງ ທີ່ບີບບີ້ກົດຂີ່ທີ່ສຸດຂອງຈີນຢູ່ໃນຂົງເຂດດັ່ງກ່າວ.
ຈີນແມ່ນສົ່ງກໍາລັງອອກຍາມຢ່າງຫລວງຫລາຍ ເປັນປະຈໍາ ເພື່ອຂັດຂວາງການຈູດເຜົາຕົນເອງ ແລະພາບຂອງອົງດາໄລລາມະ ກໍຖືກສັ່ງຫ້າມ ແລະກໍແມ່ນອົງດາໄລ ລາມະ ທີ່ຈີນຖິ້ມ ໂທດໃສ່ວ່າ ເປັນສາເຫດຂອງການຈູດເຜົາຕົນເອງ. ທ່ານຮົງ ເລ ໂຄສົກກະຊວງຕ່າງປະເທດຈີນ ກ່າວວ່າ:
“ການທໍາຮ້າຍຮ່າງກາຍ ແລະການທໍາລາຍຊີວິດມະນຸດ ເພື່ອໃຫ້ບັນລຸເປົ້າໝາຍ ທາງການເມືອງຂອງພວກຫົວແບ່ງແຍກດິນແດນ ທີ່ຢາກໄດ້ເອກະລາດຂອງທິ
ເບດນັ້ນ ແມ່ນຈະບໍ່ມີວັນຈະປະສົບຜົນ ສໍາເລັດໄດ້.”
ເມື່ອບໍ່ດົນມານີ້ ໂທລະພາບລັດໄດ້ອອກອາກາດການສໍາພາດກັບຜູ້ຕ້ອງສົງໄສຄົນນຶ່ງ ທີ່ລາຍງານຂ່າວເວົ້າວ່າຜູ້ກ່ຽວໄດ້ສາລະພາບວ່າ ຕົນໄດ້ໃຫ້ຄໍາໝັ້ນສັນຍາແກ່ພວກທີ່ຈູດເຜົາ ຕົນເອງວ່າ ພວກເຂົາເຈົ້າຈະໄດ້ເປັນວີລະບຸລຸດຢູ່ໃນຕ່າງປະເທດ ຊຶ່ງແນ່ນອນວ່າ ພວກເຂົາເຈົ້າກໍເປັນວີລະບຸລຸດແທ້ ໃນສາຍຕາຂອງບັນດານັກເຄື່ອນໄຫວເຫຼົ່ານີ້ ທີ່ຍັງສືບຕໍ່ເຝົ້າ ພາວະນາອະທິຖານຢ່າງສັນຕິ ຈົນເຖິງຍາມຄໍ່າຄືນ ຢູ່ຕໍ່ໜ້າທໍານຽບຂາວ ໃນມື້ນັ້ນ.
ຄື້ນຟອງແຫ່ງການຈູດເຜົາຕົນເອງ ທີ່ເພີ້ມທະວີຂຶ້ນຢ່າງທີ່ບໍ່ເຄີຍມີມາກ່ອນນັ້ນ ກໍາລັງດຶງດູດຄວາມສົນໃຈຂອງນານາຊາດຫຼາຍຂຶ້ນນັບມື້ໄປໃສ່ທິເບດ. ນັກເຄຶ່ອນໄຫວເຫຼົ່ານີ້ຕ່າງ ກໍຫວັງວ່າ ມັນຈະຊ່ວຍຊຸກຍູ້ໃຫ້ລັດຖະບານໂອບາມາ ເພີ່ມຄວາມກົດດັນຫຼາຍຂຶ້ນຕໍ່ລັດຖະ
ບານຈີນ.
ເບິ່ງວີດິໂອ ພາສາອັງກິດ:
ຄວບຄຸມຢ່າງເຄ່ງຄັດຕື່ມຂຶ້ນຢູ່ໃນຫລາຍໆເຂດຂອງທິເບດ ບ່ອນ
ທີ່ພວກຊາວບ້ານ ຊາວເມືອງໄດ້ຈູດໄຟເຜົາຕົນເອງເພື່ອປະທ້ວງ ນະໂຍບາຍການປົກຄອງຂອງຈີນ. ເລີ້ມແຕ່ປີ 2009 ເປັນຕົ້ນມາ ຊາວທິເບດໄດ້ຈູດໄຟເຜົາຕົນເອງໄປແລ້ວເກືອບນຶ່ງຮ້ອຍຄົນ ຊຶ່ງ
ສ່ວນຫຼາຍແມ່ນໄດ້ເສຍຊີວິດ. ບັນດານັກເຄື່ອນໄຫວຊາວທິເບດ
ທີ່ຢູ່ຕ່າງປະເທດ ພາກັນປຸກລະດົມເພື່ອດຶງຄວາມສົນໃຈໄປໃສ່ ຊະຕາກໍາຂອງປະຊາຊົນຂອງພວກເຂົາເຈົ້າ. ຜູ້ສື່ຂ່າວວີໂອເອ
Jerom Socolovsky ມີລາຍງານມາຈາກນະຄອນຫລວງວໍຊິງ
ຕັນ ດີຊີ ຊຶ່ງທອງປານຈະນໍາມາສະເໜີທ່ານ.
ເບິ່ງວີດິໂອລາຍງານນີ້ ເປັນພາສາລາວ:
ເມື່ອບໍ່ດົນມານີ້ ນັກເຄື່ອນໄຫວຊາວທິເບດກຸ່ມນຶ່ງ ໄດ້ພາກັນໄປຍັງຫ້ອງການຂອງສະມາ
ຊິກສະພາຕໍ່າສະຫະລັດທຸກໆຄົນ ເພື່ອຂໍລາຍເຊັນສໍາລັບໜັງສືຮ້ອງຮຽນກ່ຽວກັບການຈູດ ເຜົາຕົນເອງຢູ່ໃນທິເບດ. ນາງ Dadon Ngodup ເປັນຜູ້ນຶ່ງໃນນັ້ນ.
ນັກເຄື່ອນໄຫວ ໂງ່ດຸບ ເວົ້າວ່າ: “ຈິງໆແລ້ວ ພວກເຮົາມາທີ່ນີ້ ເພື່ອຂໍຮ້ອງໃຫ້ ສະມາ
ຊິກສະພາຄອງແກຣສເຊັນຈົດໝາຍສະບັບນຶ່ງ ທີ່ສະພາຊິກສະພາຕໍ່າ Wolf ແລະ McGovern ເປັນຜູ້ນໍາພາ ເພື່ອຈະສົ່ງໄປໃຫ້ ທ່ານໂອບາມາ ກ່ຽວກັບເຫດການ
ທີ່ໄດ້ເກີດຂຶ້ນຕະຫຼອດມາຢູ່ໃນທິເບດ.”
ດັ່ງທີ່ເຫັນຢູ່ໃນຮູບທີ່ຖ່າຍໂດຍໂທລະສັບມືຖືຂອງນັກຖ່າຍວິດີໂອສະໝັກຫຼິ້ນຄົນນຶ່ງ ພວກ ຊາວໜຸ່ມໄດ້ພາກັນຈູດເຜົາຕົນເອງຢູ່ຕາມຖະໜົນຫົນທາງຂອງທິເບດ ແລະພະສົງ ຫຼາຍ ຮ້ອຍອົງ ໄດ້ອອກມາທໍາພິທີສົ່ງສະການສະມາຊິກ ອົງນຶ່ງຂອງພວກຕົນ. ວັດ Kirti ເປັນວັດ ທີ່ເວົ້າກັນວ່າ ເປັນຈຸດສໍາຄັນຂອງ ການເຄື່ອນໄຫວດັ່ງກ່າວນີ້.
ພວກນັກເຄື່ອນໄຫວທີ່ວໍຊິງຕັນ ເວົ້າວ່າ ຊາວທິເບດແມ່ນທໍ້ແທ້ສິ້ນຫວັງທີ່ສຸດ ຫຼັງຈາກໄດ້ ຢູ່ພາຍໃຕ້ການຍຶດຄອງຂອງຈີນ ມາໄດ້ຫຼາຍກວ່າ 60 ປີ ແລ້ວ
Dadon Ngodup ເກີດຢູ່ອິນເດຍ ແລະບໍ່ເຄີຍພົບເຄີຍເຫັນບ້ານເກີດ ເມືອງນອນຂອງພໍ່ ແມ່ເລີຍ
ນາງ ໂງ່ດຸບ ເວົ້າວ່າ: “ເວົ້າຢ່າງຈິງໃຈແລ້ວ ສໍາລັບຂ້ອຍນັ້ນ ມັນບໍ່ແມ່ນເລື້ອງ
“ພວກເຮົາຢາກໃຫ້ທິເບດເປັນເສລີ ຢາກໃຫ້ທິເບດເປັນເສລີ” ຕໍ່ໄປອີກແລ້ວ
ແຕ່ມັນແມ່ນເລຶ່ອງຂອງຊີວິດມະນຸດ ມະນຸດທີ່ຖືກເຜົາໄໝ້ ຍ້ອນພວກເຂົາເຈົ້າ
ຮູ້ສຶກວ່າ ພວກເຂົາເຈົ້າບໍ່ສາມາດເຮັດແນວອື່ນໃດໄດ້ອີກແລ້ວ.”
ນຶ່ງໃນຄໍາສັ່ງສອນຫຼັກຂອງສາສະໜາພຸດ ເວົ້າວ່າ ຄົນເຮົາຕ້ອງບໍ່ຂ້າເພື່ອນມະນຸດດ້ວຍກັນ. ອົງດາໄລ ລາມະ ຜູ້ນໍາທາງດ້ານຈິດໃຈທີ່ລີ້ໄພໃນຕ່າງປະເທດຂອງຊາວພຸດທິເບດ ກໍສັ່ງ ສອນ ບໍ່ໃຫ້ໃຊ້ຄວາມຮຸນແຮງ.
ແຕ່ວ່າ ໃນຂະນະດຽວກັນ ສາສະໜາພຸດກໍຮວມເອົາອຸດົມຄະຕິຂອງພະໂພທິສັດ ຜູ້ທີ່ອຸທິດ ຕົນ ເພື່ອຜົນປະໂຫຍດຂອງສ່ວນລວມ. Tenzin Dorjee ປະຈໍາເຄືອຂ່າຍທິເບດລະຫວ່າງ ຊາດ ເວົ້າວ່າ:
“ເວລາຊາວທິເບດ ພາກັນເບິ່ງພາບການຈູດເຜົາຕົນເອງນັ້ນ ສິ່ງທີ່ພວກເຮົາ
ເຫັນ ກໍຄືການກະທໍາທີ່ມາຈາກຄວາມເຫັນອົກເຫັນໃຈການກະທໍາທີ່ເຫັນແກ່
ປະໂຫຍດຂອງຜູ້ອື່ນເປັນໃຫຍ່. ແລະຊາວທິເບດ ທຸກໆຄົນທີ່ເຮັດແບບນັ້ນ
ກໍບໍ່ໄດ້ທໍາຮ້າຍມະນຸດຄົນອື່ນຈັກຄົນ.”
ລັດຖະບານໂອບາມາໄດ້ເວົ້າວ່າ ຕົນເຊື່ອວ່າ ການຈູດເຜົາຕົນເອງໄດ້ເພີ້ມທະວີຫລາຍຂຶ້ນ ກໍຍ້ອນນະໂຍບາຍການປົກຄອງ ທີ່ບີບບີ້ກົດຂີ່ທີ່ສຸດຂອງຈີນຢູ່ໃນຂົງເຂດດັ່ງກ່າວ.
ຈີນແມ່ນສົ່ງກໍາລັງອອກຍາມຢ່າງຫລວງຫລາຍ ເປັນປະຈໍາ ເພື່ອຂັດຂວາງການຈູດເຜົາຕົນເອງ ແລະພາບຂອງອົງດາໄລລາມະ ກໍຖືກສັ່ງຫ້າມ ແລະກໍແມ່ນອົງດາໄລ ລາມະ ທີ່ຈີນຖິ້ມ ໂທດໃສ່ວ່າ ເປັນສາເຫດຂອງການຈູດເຜົາຕົນເອງ. ທ່ານຮົງ ເລ ໂຄສົກກະຊວງຕ່າງປະເທດຈີນ ກ່າວວ່າ:
“ການທໍາຮ້າຍຮ່າງກາຍ ແລະການທໍາລາຍຊີວິດມະນຸດ ເພື່ອໃຫ້ບັນລຸເປົ້າໝາຍ ທາງການເມືອງຂອງພວກຫົວແບ່ງແຍກດິນແດນ ທີ່ຢາກໄດ້ເອກະລາດຂອງທິ
ເບດນັ້ນ ແມ່ນຈະບໍ່ມີວັນຈະປະສົບຜົນ ສໍາເລັດໄດ້.”
ເມື່ອບໍ່ດົນມານີ້ ໂທລະພາບລັດໄດ້ອອກອາກາດການສໍາພາດກັບຜູ້ຕ້ອງສົງໄສຄົນນຶ່ງ ທີ່ລາຍງານຂ່າວເວົ້າວ່າຜູ້ກ່ຽວໄດ້ສາລະພາບວ່າ ຕົນໄດ້ໃຫ້ຄໍາໝັ້ນສັນຍາແກ່ພວກທີ່ຈູດເຜົາ ຕົນເອງວ່າ ພວກເຂົາເຈົ້າຈະໄດ້ເປັນວີລະບຸລຸດຢູ່ໃນຕ່າງປະເທດ ຊຶ່ງແນ່ນອນວ່າ ພວກເຂົາເຈົ້າກໍເປັນວີລະບຸລຸດແທ້ ໃນສາຍຕາຂອງບັນດານັກເຄື່ອນໄຫວເຫຼົ່ານີ້ ທີ່ຍັງສືບຕໍ່ເຝົ້າ ພາວະນາອະທິຖານຢ່າງສັນຕິ ຈົນເຖິງຍາມຄໍ່າຄືນ ຢູ່ຕໍ່ໜ້າທໍານຽບຂາວ ໃນມື້ນັ້ນ.
ຄື້ນຟອງແຫ່ງການຈູດເຜົາຕົນເອງ ທີ່ເພີ້ມທະວີຂຶ້ນຢ່າງທີ່ບໍ່ເຄີຍມີມາກ່ອນນັ້ນ ກໍາລັງດຶງດູດຄວາມສົນໃຈຂອງນານາຊາດຫຼາຍຂຶ້ນນັບມື້ໄປໃສ່ທິເບດ. ນັກເຄຶ່ອນໄຫວເຫຼົ່ານີ້ຕ່າງ ກໍຫວັງວ່າ ມັນຈະຊ່ວຍຊຸກຍູ້ໃຫ້ລັດຖະບານໂອບາມາ ເພີ່ມຄວາມກົດດັນຫຼາຍຂຶ້ນຕໍ່ລັດຖະ
ບານຈີນ.
ເບິ່ງວີດິໂອ ພາສາອັງກິດ:
