ພວກຊາວທິເບດພັດຖິ່ນພາກັນຈັດພິທີລະນຶກເຖິງ ວັນຄົບຮອບຂອງການລຸກຮືຕໍ່ຕ້ານຈີນ
ທີ່ບໍ່ປະສົບຜົນຂອງທິເບດ ເມື່ອປີ 1959 ແລະການກໍ່ການຈະລາຈົນຂັ້ນຮຸນແຮງໃນປີ
2008 ທີ່ເມືອງ Lhasa ນັ້ນ. ພິທີຂີດ ໝາຍວັນຄົບຮອບດັ່ງກ່າວ ຍັງໄດ້ຈັດຂຶ້ນທີ່ເມືອງ
ທໍາມະສາລາ ຊຶ່ງເປັນທີ່ຕັ້ງລັດຖະບານພັດຖິ່ນຢ່າງບໍ່ເປັນທາງການຂອງທິເບດ ທາງພາກ
ເໜືອຂອງປະເທດອິນເດຍນັ້ນນໍາ. ໃນພິທີດັ່ງກ່າວນີ້ ທ່ານ Lobsang ນາຍົກ ລັດຖະມົນ
ຕີລັດຖະບານທິເບດພັດຖິ່ນ ໄດ້ຖືໂອກາດກ່າວຕໍ່ຝຸງຊົນທີ່ເຂົ້າ ຮ່ວມນັ້ນວ່າ ປັດຈຸບັນນີ້ປັກ
ກິ່ງຍັງຄວບຄຸມຂົງເຂດທັງໝົດທີ່ມີຊາວທິເບດ ອາໄສຢູ່ນັ້ນ ພາຍໃຕ້ກົດໄອຍະການເສິກທີ່
ບໍ່ໄດ້ປະກາດ. ທ່ານລອບຊັງ ກ່າວຕື່ມວ່າ ມີກ້ອງສອດແນມຕິດຕັ້ງໄວ້ຫລາຍກວ່າຈໍານວນ
ປ້ອງຢ້ຽມ ຢູ່ໃນເມືອງ Lhasa ນັ້ນ. ອົງດາໄລ ລາມະ ຜູ້ນໍາຈິດໃຈຂອງທິເບດ ກໍຊົງໄດ້
ເຂົ້າຮ່ວມໃນພິທີດັ່ງກ່າວ ແຕ່ບໍ່ໄດ້ກ່າວຄໍາປາໄສ.
ພວກປະທ້ວງຫລາຍຮ້ອຍຄົນ ພາກັນເດີນຂະບວນປະທ້ວງຢູ່ໃນນະຄອນ ຫລວງນີວເດລີ
ທວງໃຫ້ທິເບດໄດ້ຮັບເສລີພາບ. ທີ່ນະຄອນຫລວງ Katmandu ຂອງເນປາລ ຕໍາຫລວດ
ໄດ້ປະທະກັບພວກປະທ້ວງຕໍ່ຕ້ານຈີນ ແລະຈໍານວນນຶ່ງໄດ້ຖືກຈັບກຸມ. ລັດຖະບານເນປາລ
ກ່າວວ່າ ຕົນບໍ່ ອະນຸຍາດໃຫ້ປະທ້ວງຕໍ່ຕ້ານປະເທດທັງຫລາຍທີ່ເປັນມິດຂອງຕົນ.