ຊາວທິເບດທີ່ລີ້ໄພຢູ່ໃນຕ່າງປະເທດລາຍງານວ່າ ພະສົງອີກອົງນຶ່ງໄດ້ຈູດໄຟເຜົາໂຕເອງໃນ
ພາກຕາເວັນອອກຂອງເຂດທິເບດ ທີ່ມີປະຊາຊົນຊາວທິເບດອາໄສຢູ່ນັ້ນ ເພື່ອເປັນການປະ
ທ້ວງຕໍ່ນະໂຍບາຍຂອງຈີນ .
ພະ Lobsang Tsultrim ຈາກວັດ Kirti ທີ່ເກີດຄວາມວຸ້ນວາຍ ໄດ້ຈູດໄຟເຜົາໂຕເອງ
ໃນຕອນບ່າຍຂອງມື້ວັນສຸກວານນີ້ ທີ່ເຂດ Ngaba ໃນແຂວງສີສວນ.
ເຈົ້າໜ້າທີ່ຮັກສາຄວາມສະຫງົບຂອງຈີນໄດ້ພາກັນມອດໄຟ ແລະນຳເອົາພະສົງຊາວທິເບດ
ອົງນີ້ ຊຶ່ງຍັງມີຊີວິດຢູ່ ໄປຍັງສະຖານທີ່ໆບໍ່ມີການເປີດເຜີຍໃຫ້ຊາບ.
ກໍລະນີຈູດໄຟເຜົາໂຕເອງເທື່ອລ່າສຸດມີຂຶ້ນພຽງ 2 ມື້ຫຼັງຈາກພະທິເບດອີກອົງນຶ່ງຄືອາຈານ
Jamyang Palden ໄດ້ຈູດໄຟເຜົາໂຕເອງທີ່ວັດເມືອງ Tongren ໃນແຂວງຈິງໄຮ່. ພະ
ອົງນີ້ໄດ້ລອດຊີວິດມາໄດ້ຫຼັງຈາກເຈົ້າໜ້າທີ່ຮັກສາຄວາມສະຫງົບຂອງຈີນໄດ້ພາກັນດັບໄຟ
ທີ່ລຸກໄໝ້.
ມີຊາວທິເບດເກືອບ 30 ຄົນຊຶ່ງສ່ວນໃຫຍ່ແລ້ວເປັນພະສົງໄດ້ພາກັນຈູດໄຟເຜົາໂຕເອງໃນ
ຮອບນຶ່ງປີຜ່ານມານີ້ເພື່ອດຶງດູດເອົາຄວາມສົນໃຈໃນອັນທີ່ພວກພະສົງເຫຼົ່ານີ້ກ່າວວ່າການ
ກົດຂີ່ຂອງປັກກິ່ງຕໍ່ສາສະໜາແລະວັດທະນະທຳຂອງຊາວທິເບດ.
ລັດຖະບານຈີນກ່າວເຖິງການຈູດໄຟເຜົາໂຕເອງວ່າ ເປັນການກະທຳທີ່ປ່າເຖື່ອນແລະການ
ກໍ່ການຮ້າຍທີ່ໄດ້ຮັບການກະຕຸກຊຸກຍູ້ຈາກກຸ່ມແບ່ງແຍກດິນແດນຢູ່ໃນຕ່າງປະເທດ.