ຜູ້ແທນຈີນຄະນະນຶ່ງທີ່ນໍາພາໂດຍຮອງປະທານປະເທດ Xi Jingping ກໍາລັງ ຢູ່ໃນທິເບດ
ເວລານີ້ ເພື່ອຮ່ວມການສະຫຼອງຄົບຮອບ 60 ປີ ທີ່ທິເບດໄດ້ຕົກຢູ່ພາຍໃຕ້ການປົກຄອງ
ໂດຍກົງຂອງຈີນນັ້ນ.
ໃນບັນດາສະມາຊິກ 59 ທ່ານຂອງຄະນະຜູ້ແທນດັ່ງກ່າວ ແມ່ນມີຮວມທັງຮອງຮອງນາຍົກ
ລັດຖະມົນຕີ Hui Liangqyu ແລະນາຍພົນ Chen Bingde ຫົວໜ້າເສນາທິການກອງທັບ.
ອົງການຂ່າວທາງການຈີນກ່າວວ່າ ຄະນະຜູ້ແທນຂອງຈີນໄດ້ຮັບການຕ້ອນຮັບຈາກປະຊາ
ຊົນ ຈໍານວນປະມານ 600 ຄົນທີ່ແຕ່ງຕົວດ້ວຍເສື້ອຜ້າສີສົດໃສທີ່ ໃສ່ໃນເທດສະການບຸນ
ປະເພນີຕ່າງໆ ຢູ່ສະນາມບິນເມືອງຫລວງ Lhasa ໃນວັນອາທິດວານນີ້. ລາຍງານຍັງ
ຖະແຫຼ່ງອີກວ່າ ພວກທີ່ໄປຕ້ອນຮັບນັ້ນໄດ້ສະແດງຟ້ອນຕ່າງໆ ແລະໃຫ້ກຽດບັນດາແຂກ
ທີ່ມາຢ້ຽມຢາມນັ້ນ ດ້ວຍຝ້າພັນຄໍສີ ຂາວ.
ລາຍງານຂອງສື່ທາງການຂອງຈີນ ອ້າງເອົາຄໍາເວົ້າຂອງປະຊາຊົນ Tibet ທີ່ກ່າວວ່າ ວິຖີຊີວິດຂອງພວກເຂົາເຈົ້າແມ່ນດີຂຶ້ນ ຕັ້ງແຕ່ອັນທີ່ທາງການຈີນເອີ້ນວ່າ ການປົດປ່ອຍ
ທິເບດຢ່າງສັນຕິ ໃນປີ 1951 ນັ້ນ. ແຕ່ເຖິງຢ່າງໃດກໍດີ, ທາງການຈີນກໍຍັງເອົາມາດຕະ
ການຮັກສາຄວາມປອດໄພຢ່າງເຄັ່ງຄັດຂຶ້ນ ແລະເຂັ້ມງວດໃນການເດີນທາງເຂົ້າອອກ
ໃນຂົງເຂດນັ້ນ ເພາະຢ້ານວ່າຈະມີການປະທ້ວງຢ່າງຕໍ່ເນື່ອງຕໍ່ຕ້ານຈີນ ໃນ Lhasa
ຄືກັນກັບເມື່ອ 3 ປີກ່ອນນີ້.
