ລິ້ງ ສຳຫລັບເຂົ້າຫາ

ນາຍແພດເກົາຫລີເໜືອ ສາມຄົນ ຖືກສັງຫານ ຢູ່ໄນຈີເຣຍ


ຢ່າງ​ໜ້ອຍ​ນາຍ​ແພດເກົາຫລີ ສອງ​ຄົນ​ໄດ້​ຖືກ​ປາດ​ຄໍ ​ໂດຍ​ພວກ​ຄົນ​ຮ້າຍ​ທີ່ເຂົ້າ​ໄປ​ໃນ​ເຮືອນພັກ ​ບ່ອນ​ທີ່ເຂົາ​ເຈົ້າ​ຢູ່​ຮ່ວມ​ກັນ​.
ພວກ​ຜູ້​ຊາຍ​ທີ່ຖືອາ​ວຸດ ຢູ່​ພາກ​ຕາ​ເວັນ​ອອກສຽງເໜືອ​ຂອງໄນ​
ຈີ​ເຣຍ ​ໄດ້​ສັງຫານ ນາຍແພດ​ເກົາ​ຫລື​ເໜືອ ສາມ​ຄົນ ​ໃນ​ການ​
ໂຈມຕີ​ຄັ້ງຫ​ລ້າ​ສຸດຕໍ່ພະນັກງານ​ພະຍາບານ ຢູ່​ໃນ​ປະ​ເທດດັ່ງ
ກ່າວທີ່​ຕົກ​ຢູ່​ໃຕ້​ການໂຈມ​ຕີໂດຍກຸ່ມ​ອິສລາມ​ຫົວ​ຮຸນ​ແຮງນັ້ນ.

ບັນດາ​ເຈົ້າ​ໜ້າ​ທີ່​ໄນ​ຈີເຣຍ ກ່າວໃນ​ວັນ​ອາທິດວານ​ນີ້​ວ່າ ຢ່າງ​ໜ້ອຍ​ນາຍ​ແພດສອງ​ຄົນ​ໄດ້​ຖືກ​ປາດ​ຄໍ ​ໂດຍ​ພວກ​ຄົນ​ຮ້າຍ​ທີ່​ບໍ່​ຮູ້​ວ່າ​ແມ່ນ​ກຸ່ມ​ໃດ ທີ່ເຂົ້າ​ໄປ​ໃນ​ເຮືອນພັກ ​ບ່ອນ​ທີ່ເຂົາ​ເຈົ້າ​ຢູ່​ຮ່ວມ​ກັນ​ ໃນ​ຕອນ​ກາງຄືນ ຢູ່​ເມືອງ Potiskum ​ໃນ​ລັດ Yobe.

ອົງການ​ຂ່າວ Assoicated Press ລາຍງານ​ວ່າ ນາຍ​ແພດ​
ຄົນ​ທີ່​ສາມ ​ໄດ້​ຖືກ​ຕັດ​ຄໍ​ໃນເບື້ອງ​ຕົ້ນ ບັນດາ​ນາຍ​ແພດຢູ່​ໂຮງໝໍ ​
ທີ່ໄດ້ເຮັດ​ວຽກ​ຮ່ວມກັບນາຍ​ແພດ​ຜູ້​ເຄາະ​ຮ້າຍ​ນັ້ນ ກ່າວວ່າ​ເຂົາ
​ເຈົ້າ​ເປັນ​ຊາວ​ເກົາຫລີ​ໃຕ້ ​ໃນຂະນະ ​ທີ່​ເຈົ້າ​ໜ້າ​ທີ່​ຕໍາຫລວດເວົ້າ​ວ່າ​ ພວກ​ຜູ້​ຕາຍມາ​ຈາກຈີນ.
ຕໍ່​ມາ ປະທານ​ ສະພາ​ຄຸ້ມ​ຄອງໂຮງໝໍ​ລັດ Yobe ຢັ້ງຢືນ​ວ່າ ພວກ​ເຄາະ​ຮ້າຍ​ແມ່ນຄົນ ​ເກົາ​ຫລີ​ເໜືອ ​ແລະໄດ້​ເຮັດ​ວຽກ​ຢູ່ໃນ​ລັດ​ນັ້ນມາ​ແຕ່​ປີ 2005 ​ໃນ​ຖານະເປັນ​ພາກສ່ວນນຶ່ງ​ຂອງໂຄງການ
ຊ່ວຍ​ເຫລືອ​ດ້ານ​ການ​ແພດ ລະຫວ່າງ ​ລັດ Yobe ​ແລະເກົາຫລີ​ເໜືອ.

ບໍ່​ມີ​ຜູ້​ໃດ​ອ້າງ​ເອົາ​ຄວາມ​ຮັບຜິດ​ຊອບ​ສໍາລັບ​ການ​ໂຈມ​ຕີຄັ້ງ​ນີ້ ​ເຖິງ​ແມ່ນ​ວ່າ ​ເມືອງ Potiskum ​ໄດ້​ເປັນ​ເປົ້າ​ໝາຍການ​ໂຈມ​ຕີ​ຂອງກຸ່ມ​ອິສລາມ Boko Haram ຢູ່​ເລື້ອຍໆ ຊຶ່ງ​ເປັນ​ກຸ່ມ​ທີ່​ສັງຫານ​ຫລາຍ​ຮ້ອຍ​ຄົນ​ໃນ​ປີ​ແລ້​ວນີ້ ​ໃນ​ຄວາ​ມພະຍາ​ຍາມ​ທີ່​ຈະ​ແບ່ງ​ແຍກ​ດິນ​ແດນ ​ແລະຈັດ​ຕັ້ງລັດ​ອິສລາມຂຶ້ນ ຢູ່​ໃນ​ພາກ​ເໜືອ​ຂອງ​ໄນ​ຈີ​ເຣຍ ທີ່​ມີ​ຊາວ​ມຸສລິ​ມອາ​ໄສ​ຢູ່​ເປັນ​ສ່ວນ​ໃຫຍ່​ນັ້ນ.
XS
SM
MD
LG