ຜູ້ຈັດການບາຣ໌ ຊາວນິວຊີແລນ ຄົນໜຶ່ງ ແລະ ຊາວມຽນມາ
ທ້ອງຖິ່ນ 2 ຄົນ ຖືກຈັບ ໃນມຽນມາ ຍ້ອນການກ່າວຫາວ່າ
ໝິ່ນປະມາດພຸດທະສາສະໜາ ໃນຄຳຂວັນໂຄສະນາທາງ
ອອນລາຍນ໌.
Philip Blackwood ແລະ ພະນັກງານສອງຄົນຂອງລາວ ໄດ້
ຖືກຈັບ ໃນວັນພະຫັດວານນີ້ ຍ້ອນການໂຄສະນາຂາຍເຄື່ອງ
ຂອງພວກເຂົາເຈົ້າ ດ້ວຍຮູບພາບ ຂອງພະພຸດທະເຈົ້າທີ່ໃສ່ເຄື່ອງ
ຟັງຫູ ຊຶ່ງເຮັດໃຫ້ເກີດຄວາມເພີດເພີນໃຈນັ້ນ. ບາດັ່ງກ່າວນີ້ ແມ່ນ
ຕັ້ງຢູ່ ໃນເມືອງYangon ເມືອງໃຫຍ່ເມືອງໜຶ່ງຂອງມຽນມາ.
ທັງສາມຄົນດັ່ງກ່າວ ມີກຳນົດທີ່ຈະປາກົດໂຕທີ່ສານ ໃນອາທິດໜ້າ ເພື່ອປະເຊີນກັບຂໍ້
ກ່າວຫາ ໝິ່ນປະໝາດສາສະໜາ ຊຶ່ງມີໂທດຈຳຄຸກເຖິງ 2 ປີ.
ການຈັບກຸມດັ່ງກ່າວ ມີຂຶ້ນໃນລະຫວ່າງຄື້ນການປະທະກັນດ້ານສາສະໜາຕ່າງໆ ໃນ
ມຽນມາ ລະຫວ່າງ ຊາວພຸດ ກັບ ຊາວມຸສລິມ ກຳລັງຮຸນແຮງຂຶ້ນ.
