ເກົ້າຄົນໄດ້ເສຍຊີວິດ ແລະເກືອບ 20 ຄົນໄດ້ຮັບບາດເຈັບ ໃນ
ການຍິງຕໍ່ສູ້ກັນລະຫວ່າງແກັ່ງລົດຈັກທີ່ເປັນຄູ່ແຂ່ງຢູ່ເມືອງ
Waco ລັດ Texas ໃນວັນອາທິດທີ່ຜ່ານມາ ຊຶ່ງເປັນການຍິງ
ກັນທີ່ຮ້າຍແຮງສຸດໃນປະຫວັດສາດສະຫະລັດຫວ່າງ ມໍ່ໆມານີ້.
ເຫດຮ້າຍໃນຄັ້ງນີ້ ໄດ້ພາໃຫ້ມີການເພັ່ງເລັງຄວາມສົນໃຈໃສ່
ໃນອັນທີ່ຮ້ອງວ່າ ແກັ່ງລົດຈັກ ທີ່ບັນດາເຈົ້າໜ້າທີ່ປະຕິບັດກົດ
ໝາຍກ່າວວ່າ ເປັນອັນຕະ ລາຍຂົ່ມຂູ່ຕໍ່ຄວາມປອດໄພຢ່າງໃຫຍ່ຫລວງຂອງສາທາລະນະຊົນ.
ການຍິງກັນຢູ່ເມືອງ Waco ແມ່ນລະຫວ່າງບັນດາສະມາຊິກ
ແກັ່ງລົດຈັກໃຫຍ່ທີ່ຕັ້ງຢູ່ລັດTexas ທີ່ຮ້ອງວ່າ the Bandidos
ແລະບັນດາສະມາຊິກແກັ່ງນ້ອຍກວ່າ ທີ່ຮ້ອງວ່າ Cossacks. ບັນດາຜູ້ສືບສວນ ໄດ້ພົບເຫັນປືນຫລາຍກວ່າ 100 ກະບອກຢູ່ບ່ອນເກີດເຫດ ແລະໄດ້ຈັບກຸມປະມານ 170 ຄົນ
ອີງຕາມ ໂຄສົກຕຳຫລວດເມືອງ Waco ສິບເອກ Patrick Swanton.
ທ່ານເວົ້າວ່າ “ຂ້າພະເຈົ້າຈະບອກທ່ານວ່າ ໃນ 34 ປີຂອງການເປັນຜູ້ພິທັກສັນ ຕິລາດ ນີ້
ເປັນບ່ອນທີ່ກໍ່ຄວາມຜິດທີ່ຂີ້ຮ້າຍສຸດ ບ່ອນກະທຳຄວາມຜິດທີ່ຮ້າຍແຮງສຸດ ທີ່ຂ້າພະເຂົ້າໄດ້ພົວພັນມາ.”
ທ່ານ Swanton ກ່າວວ່າ ພວກເຈົ້າໜ້າທີ່ ໄດ້ຮູ້ແລ້ວວ່າ ພວກແກັ່ງໄດ້ພາກັນໄປເຕົ້າໂຮມ
ກັນຢູ່ເມືອງ Waco ແລະໄດ້ຕິດຕາມການເຄຶ່ອນໄຫວຂອງເຂົາເຈົ້າຢ່າງໃກ້ຊິດ ມີໜ່ວຍ
ຮັກສາການຕຽມພ້ອມຢູ່ຮ້ານອາຫານ ເພື່ອເອົາບົດບາດ ໃນກໍລະນີມີການຕໍ່ສູ້ກັນເກີດຂຶ້ນ.
“ພວກເຮົາໂຊກດີທີ່ສຸດ ທີ່ມີບັນດາເຈົ້າໜ້າທີ່ ທີ່ດີເລີດ ແລະໄດ້ຮັບການເຝິກແອບເປັນຢ່າງດີຢູ່ທີ່ນີ້. ນັ້ນແມ່ນໜ່ວຍຍຸດທະສາດຂອງພວກເຮົາ ເຂົາເຈົ້າມາຢູ່ທີ່ນີ້ ດ້ວຍເຫດຜົນທີ່ເຈາະ
ຈົງ ທີ່ພວກເຮົາຮູ້ວ່າຈະມີບັນຫາເກີດຂຶ້ນຢູ່ໃນການ ເຕົ້າໂຮມກັນຂອງພວກຂີ່ລົດຈັກ.”
ທ່ານ Swanton ກ່າວວ່າ ບັນດາສະມາຊິກແກັ່ງ ຍັງໄດ້ຍິງໃສ່ຕຳຫລວດ ແຕ່ວ່າ ບໍ່ມີຜູ້ໃດ
ນອກຈາກສະມາຊິກແກັ່ງ ທີ່ໄດ້ຮັບບາດເຈັບ ຫລືເສຍຊີວິດ.
