ເບິ່ງວີດິໂອການກ່າວຄໍາປາໄສຂອງທ່ານລິອອນ ພາແນດຕ້າ ແລະທ່ານ Ehud Barak
ທ່ານ Benjamin Netanyahu ນາຍົກລັດຖະມົນຕີອີສຣາແອລ ກ່າວວ່າ ການຕັກເຕືອນ
ເຖິງການໂຈມຕີທາງທະຫານຂອງສະຫະລັດ ແລະອິສຣາແອລຕໍ່ອິຣ່ານນັ້ນ ຍັງບໍ່ໄດ້ເຮັດໃຫ້
ອິຣ່ານເຊື່ອເລີຍວ່າ ພວກຕົນມີຄວາມຈິງຈັງ ທີ່ຈະຢຸດອິຣ່ານບໍ່ໃຫ້ສ້າງອາວຸດນີວເຄລຍນັ້ນ.
ຊຶ່ງທ່ານ Netanyahu ກ່າວຕໍ່ໄປວ່າ:
“ປັດຈຸບັນນີ້ ລັດຖະບານອີຣ່ານເຊື່ອວ່າ ປະຊາຄົມນານາຊາດບໍ່ມີຄວາມຕັ້ງໃຈແທ້ ທີ່ຈະຢຸດ
ໂຄງການນີວເຄລຍຂອງຕົນ. ອິຣ່ານຕ້ອງປ່ຽນທ່າທີໃນເລຶ່ອງນີ້ ແລະຕ້ອງປ່ຽນຢ່າງໄວ ເພາະ
ວ່າເວລາທີ່ຈະແກ້ໄຂບັນຫາຢ່າງສັນຕິນັ້ນ ກໍາລັງຈະໝົດລົງແລ້ວ.”
ທ່ານ ລິອອນ ພາແນດຕ້າ ລັດຖະມົນຕີປ້ອງກັນປະເທດສະຫະລັດ ໄດ້ພົບປະກັບນາຍົກລັດ
ຖະມົນຕີອີສຣາແອລ ທີ່ນະຄອນ Jerusalem ໃນວັນພຸດວານນີ້ ຫຼັງຈາກໄດ້ໂອ້ລົມກັບທ່ານ
Ehud Barak ລັດຖະມົນຕີປ້ອງກັນປະເທດອີສຣາແອລ ກ່ອນໜ້ານັ້ນ ທີ່ນະຄອນຫລວງ
Tel Aviv. ໃນການໂອ້ລົມກັນນັ້ນ ທ່ານ ພາແນດຕ້າ ໄດ້ເນັ້ນຍໍ້າເຖິງນະໂຍບາຍຂອງສະຫະ
ລັດ ທີ່ວ່າ ທາງເລືອກທັງໝົດ ໂຮມທັງການປະຕິບັດການທາງທະ ຫານ ແມ່ນຍັງເປີດກ້ວາງ
ເພື່ອຈະຢຸດອິຣ່ານບໍ່ໃຫ້ສ້າງອາວຸດປະລະມະນູນັ້ນ.
ລັດຖະມົນຕີປ້ອງກັນປະເທດອິສຣາແອລ ທ່ານ Ehud Barak ສະແດງຄວາມບໍ່ແນ່ໃຈວ່າ
ການລົງໂທດ ແລະການດໍາເນີນການທູດນັ້ນ ຈະເຮັດໃຫ້ອິຣ່ານຍຸຕິກິດຈະກໍານີວເຄລຍຂອງຕົນ.