ປະຊາຊົນຫຼາຍພັນຄົນພາກັນເດີນຂະບວນໃນທົ່ວເຢຍຣະມັນ
ໃນວັນເສົາວານນີ້ ເພື່ອທຳການປະທ້ວງຕໍ່ຂໍ້ຕົກລົງວ່າດ້ວຍ
ການຄ້າເສລີ ທີ່ໄດ້ມີການວາງແຜນໄວ້ ລະຫວ່າງຢູໂຣບກັບ
ສະຫະລັດນັ້ນ.
ການປະທ້ວງ ທີ່ຖືກຕັ້ງຊື່ວ່າ “ວັນປະຕິບັດການໂລກ” ໄດ້
ມີຂຶ້ນ ກ່ອນການໂອ້ລົມສົນທະນາກັນຮອບໃໝ່ອວ່າດ້ວຍພາ
ຄີການຄ້າ ແລະການ ລົງທຶນ ຂ້າມມະຫາສະມຸດແອັດແລນ
ຕິກ ຫຼື TTIP ເລີ້ມຂຶ້ນທີ່ ນະຄອນນີວຢອກໃນວັນຈັນມື້ອື່ນນີ້.
ການຄັດຄ້ານຕໍ່ຂໍ້ຕົກລົງດັ່ງກ່າວ ແມ່ນຮວມຈຸດໃສ່ຄວາມເປັນ
ຫ່ວງທີ່ວ່າ ມັນຈະເຮັດໃຫ້ຄຸນນະພາບຂອງອາຫານ ແລະມາດຕະຖານຄວາມປອດໄພອື່ນໆ ຕໍ່າ ລົງ.
ທີ່ເຢຍຣະມັນ ມັນຍັງສະທ້ອນເຖິງການຕໍ່ຕ້ານອະເມຣິກາ ຫຼາຍຂຶ້ນເຊັ່ນກັນ ຊຶ່ງຄວາມ
ຮູ້ສຶກຕ່າງໆເຫຼົ່ານີ້ ໄດ້ເພີ້ມທະວີຂຶ້ນ ສ່ວນໜຶ່ງກໍຍ້ອນຂ່າວທີ່ເປີດເຜີຍອອກມາ ກ່ຽວກັບການສອດແນມຂອງສະຫະລັດ ຮວມທັງການດັກຟັງໂທລະສັບມືຖືຂອງນາຍົກລັດຖະມົນ
ຕີ Angela Markel ແຫ່ງເຢຍຣະມັນນັ້ນ.
ປະທານາທິບໍດີບາຣັກ ໂອບາມາແຫ່ງສະຫະລັດ ໄດ້ກ່າວວ່າ ຂໍ້ຕົກລົງ ດັ່ງກ່າວຈະຊ່ອຍເຮັດໃຫ້ ເສດຖະກິດຂອງສະຫະລັດ ແລະສະຫະພາບ ຢູໂຣບເຕີບໂຕຂຶ້ນ ພ້ອມທັງສົ່ງເສີມການສ້າງໜ້າວຽກຂຶ້ນຫຼາຍຮ້ອຍພັນໜ້າວຽກ ເພີ້ມການສົ່ງອອກແລະລົດຜ່ອນສິ່ງກີດກັນຕ່າງໆຕໍ່ການຄ້າ ແລະການລົງທຶນ.
