ຜູ້ສະໜັບສະໜູນສະຫະພາບ ຢູໂຣບ ຈຳນວນຫຼາຍພັນຄົນ ໄດ້ເດີນຂະບວນ ຜ່ານໃຈກາງ ນະຄອນຫຼວງ ລອນດອນ ໃນວັນເສົາວານນີ້, ເພື່ອປະທ້ວງ ຕໍ່ຜົນການລົງປະຊາມະຕິ Brexit.
ຜູ້ເຂົ້າຮ່ວມຫຼາຍຄົນໃນການເດີນຂະບວນ “March for Europe” ທີ່ມີໄລຍະ ຍາວ 3 ກິໂລ ແມັດ ຈາກສວນສາທາລະນະ Hyde ໄປຫາຈະຕຸລັດສະພາ ແຫ່ງຊາດ ໄດ້ກ່າວວ່າ ພວກ ເຂົາເຈົ້າຫວັງວ່າ ບັນດາສະມາຊິກສະພາແຫ່ງ ຊາດຂອງ ອັງກິດ ຈະກີດກັ້ນທຸກໆການເຄື່ອນໄຫວເພື່ອຖອນໂຕອອກຈາກ ກຸ່ມທີ່ມີ 28 ປະເທດນັ້ນ.
ໃນການລົງປະຊາມະຕິວັນທີ 23 ເດືອນມິຖຸນາທີ່ຜ່ານມາ ປະມານ 52 ເປີເຊັນ ຂອງປະ ຊາຊົນ ອັງກິດ ໄດ້ລົງຄະແນນສຽງສຳລັບປະເທດທີ່ຈະອອກຈາກ EU.
ປະຊາຊົນຫຼາຍຄົນແມ່ນກຳລັງຮຽກຮ້ອງໃຫ້ມີການລົງປະຊາມະຕິເປັນຄັ້ງທີ 2, ໂດຍໂຕ້ ຖຽງວ່າການໂຄສະນາ “ຖອນຕົວອອກ” ໄດ້ຕົວະຫຼອກລວງປະຊາຊົນ ແລະ ໄດ້ເຮັດໃຫ້ ການປະຕິຍານ ແລະ ຄຳສັນຍາຖືກລະຖິ້ມ ເມື່ອຝ່າຍຂອງ ພວກເຂົາເຈົ້າໄດ້ຊະນະໃນການ ລົງປະຊາມາຕິ.
ທ່ານ Charlie Gardiner ນາຍຄູຄົນໜຶ່ງຈາກພາກຕາເວັນອອກສຽງໃຕ້ຂອງ ປະເທດ ໄດ້ສະແດງຂໍ້ຄິດເຫັນຂອງທ່ານອອກມາວ່າ.
“ຖ້າພວກເຮົາແມ່ນບ້ານຂອງຄວາມເປັນປະຊາທິປະໄຕ, ຄວາມເປັນປະຊາທິ ປະໄຕ ຂອງລັດຖະສະພາ ດັ່ງນັ້ນພວກເຂົາເຈົ້າຕ້ອງໃຫ້ພວກເຮົາມີການ ເລືອກຕັ້ງທົ່ວໄປ, ພວກເຂົາເຈົ້າຈະເລັ່ງໃຫ້ມັນຜ່ານໄປບໍ່ໄດ້ໂດຍກ່າວວ່າ “ປະຊາຊົນໄດ້ກ່າວອອກມາ ແລ້ວ ຍ້ອນວ່າພວກປະຊາຊົນໄດ້ຖືກຕົວະຕົ້ມ.”
