ປະທານາທິບໍດີ ສະຫະລັດ ທ່ານ Barack Obama ຮ້ອງການ
ຍິງສັງຫານຊາວມຸສລິມສາມຄົນ ໃກ້ກັບມະຫາວິທະຍາໄລຢູ່ລັດ
North Carolina ນັ້ນວ່າ “ເປັນການສັງຫານ ທີ່ໂຫດຮ້າຍທາລຸນ.”
ປະທານາທິບໍດີ ກ່າວຢູ່ໃນຖະແຫລງຂ່າວສະບັບນຶ່ງ ວ່າ “ບໍ່ມີຜູ້
ໃດຜູ້ນຶ່ງ ໃນ ສະຫະລັດອາເມຣິກາ ຄວນຕ້ອງຕົກເປັນເປົ້າໝາຍ
ເພາະວ່າ ເຂົາເຈົ້າແມ່ນໃຜ ເຂົ້າເຈົ້າເບິ່ງເປັນຢ່າງໃດ ຫລື ເຂົາ
ເຈົ້ານັບຖືສາສະໜາຢ່າງໃດ."
ທ່ານ Obama ຍັງໃຫ້ການຢືນຢັນອີກວ່າ ອົງການສັນຕິບານ
ກາງ ຫລື FBI ຂອງສະຫະລັດ ໄດ້ເລີ້ມທຳການສືບສວນກ່ຽວກັບການສັງຫານດັ່ງກ່າວ ເພື່ອພິຈາລະນາວ່າ ມີການລະເບີດກົດໝາຍລັດຖະບານກາງຫລືບໍ່.
ຄອບຄົວ ແລະພວກໝູ່ເພື່ອນຂອງ ບັນດາຜູ້ເຄາະຮ້າຍ ຮ້ອງການຍິງສັງຫານດັ່ງກ່າວນີ້ວ່າ
ເປັນອາຊະຍາກຳຍ້ອນຄວາມກຽດຊັງທາງດ້ານເຊື້ອຊາດສາສະ ໜາ. ສອງເອື້ອຍນ້ອງ
ແລະ ສາມີຂອງຜູ້ເປັນເອື້ອຍ ໄດ້ຖືກສັງຫານໃນວັນອັງ ຄານທີ່ຜ່ານນີ້ ຢູ່ທີ່ຄຸ້ມບ້ານພັກ apartment ນອກມະຫາວິທະຍາໄລ North Carolina ຢູ່ໃນເມືອງ Chaper Hill.
ຫ້ອງການ FBI ປະຈຳທ້ອງຖິ່ນ ໃນລັດ North Carolina ກ່າວໃນຖະແຫຼງຂ່າວສັ້ນໆ ຢູ່
ໃນ email ສົ່ງຫາວີໂອເອ ວ່າ “ເຈົ້າໜ້າທີ່ FBI ກຳລັງໃຫ້ການຊ່ວຍເຫລືອ ແກ່ກົມຕຳ
ຫລວດເມືອງ Chaper Hill ເພື່ອເກັບກຳຫລັກຖານຕ່າງໆທີ່ພົວພັນກັບການສັງຫານສາມ
ຄົນນີ້. ອົງການ FBI ຍັງໄດ້ເລີ້ມການສືບ ສວນຂັ້ນຕົ້ນ ເພື່ອພິຈາລະນາວ່າ ຫລື ກົດໝາຍ
ລັດຖະບານກາງໄດ້ມີການລະ ເມີດຫລືບໍ່ ທີ່ພົວພັນກັບຄະດີດັ່ງກ່າວ.”
ລັດຖະມົນຕີກະຊວງຍຸຕິທຳ ສະຫະລັດ ທ່ານ Eric Holder ກ່າວວ່າ ທ່ານຕື່ນຕົກໃຈ ແລະ
ໂສກເສົ້າກ່ຽວກັບ “ການສັງຫານທີ່ໂຫດຮ້າຍ’ ໃນອາທິດນີ້.
ທ່ານ Holder ກ່າວວ່າ “ນອກເໜືອໄປຈາກການສືບສວນ ຂອງທ້ອງຖິ່ນແລ້ວ ຂ້າພະເຈົ້າ
ຍັງໄດ້ກຽມຊັບພະຍາກອນຂອງກະຊວງຍຸຕິທຳ ໄວ້ຢ່າງເຕັມທີ່ ເພື່ອຊ່ວຍຄໍ້າປະກັນວ່າ ຄະ
ດີ ດັ່ງກ່າວຈະດຳເນີນໄປດ້ວຍຄວາມຍຸຕິທຳ.” ທ່ານກ່າວວ່າ ການຮັກສາຄຸ້ມຄອງສິດທິພົນ
ລະເຮືອນ ຂອງທຸກໆຄົນຢູ່ໃນອາເມຣິກາ ເປັນບູລິມະສິດສຳຄັນສູງສຸດຂອງກະຊວງຍຸ
ຕິທຳ.
Killings of US Muslim Students Attract Worldwide Grief, Outrage
