ຫຼາຍພັນຄົນ ພາກັນ ຫຼົບໜີ ຈາກເມືອງຫຼວງ ໃນ ຊູດານໃຕ້ (ສະໄລດ໌/ວີດີໂອ)

ພົນລະ​ເຮືອນ​ຫລາຍ​ພັນ​ຄົນ ​ໄດ້​ພາກັນ​ຫລົບ​ໜີ​ອອກ​ຈາກ​ເມືອງ​
ຫຼວງຂອງແຂວງ ນຶ່ງ ​ໃນຊູ​ດານ​ໃຕ້ ທ່າມກາງ​ຄວາມ​ຢ້ານ​ກົວຈະ
ເກີດການ​ປະ​ທະ​ກັນຮອບ​ໃໝ່ລ​ະ ຫວ່າງພວກ​ກະບົດ ​ແລະ​ທະ
ຫານ​ລັດຖະບານ.

​ເຈົ້າ​ໜ້າ​ທີ່ ມະນຸດສະ​ທໍາສະຫະ​ປະຊາ​ຊາດ ທ່ານ Toby Lanzer
​ໄດ້ໄປ​ຢ້ຽ​ມ ຢາມ​ເ​ມືອງ Bentiu ​ເມືອງ​ຫຼວງ​ຂອງ​ລັດ Unity ໃນ
​ວັນ​ພະຫັດ​ວານ​ນີ້. ໃນການ​ສົ່ງຂ່າວຜ່ານທາງ Twitter ນັ້ນທ່ານ
ກ່າວ​ວ່າ ທ່ານ​ໄດ້​ເຫັນ “ເກືອບວ່າ ບໍ່​ມີ​ພົນ ລະ​ເຮື​ອນເລີຍ” ຢູ່​ໃນ
ເຂດກາງ​ເມືອງ​ແລະ​ບັນດາ​ຮ້ານ​ຄ້າ​ ທີ່​ຕັ້ງ​ຢູ່ໃນບໍລິ​ເວນຕະ ຫຼາດ
ໃຫຍ່ ໄດ້​ຖືກ​ລັກຂະໂມຍເອົາເຄື່ອງຂອງ ​ແລະສ່ວນໃຫຍ່ໄດ້ຖືກ
ທໍາລາຍ​.



ລາຍ​ງານ​ຈາກ​ເຂດ​ດັ່ງກ່າວແຈ້ງ​ວ່າ ທະຫານທີ່​ຈົງ​ຮັກ​ພັກດີ​ຕໍ່ ປະທານາທິບໍດີ Salva Kiir
ກໍາລັງບຸກ​ຄືບໜ້າ​ໄປ​ສູ່​ເມືອງ Bentiu ທີ່​ໄດ້​ຖືກ​ຍຶດມາ​ໄດ້​ຫລາຍ​ອາທິດ​ແລ້ວ ​ໂດຍ​ພວກ​ກະ
ບົດທີ່​ສະໜັບສະໜູນທ່ານ Reik Machar ຊຶ່ງເປັນ ຄູ່ແຂ່ງຂອງປະທານາທິບໍດີ.

​ໃນ​ຂະນະ​ດຽວ​ກັນ ການ​ເຈລະຈາ ຢູ່​ປະ​ເທດ​ເພື່ອນ​ບ້ານ ເອທິ​ໂອ​ເປຍ ຍັງ​ບໍ່​ຄືບ​ໜ້າ ໂດຍທີ່
ອີກ​ຄັ້ງ​ນຶ່ງ ​ລັດຖະບານໄດ້ປະຕິ​ເສດ​ຕໍ່ການ​ຮຽກຮ້ອງ​ຂອງ​ພວກ​ກະ ບົດ ທີ່ຢາກໃຫ້ປ່ອຍ​ນັກ
​ໂທ​ດການ​ເມືອງ 11 ຄົນ.

​ໂຄສົກ​ຄົນ​ນຶ່ງ ​ຂອງ​ພວກ​ກະບົດ ທີ່ກອງ​ປະຊຸມ​ເຈລະຈາສັນຕິພາບ​ ຢູ່ນະຄອນ Abdis
Ababa ​ໄດ້​ໃຊ້​ສະພາບການບໍ່ໄປບໍ່ມາ ​ໃ​ນວັນ​ພະຫັດ​ວ່າ​ນນີ້ ກ່າວ​ຫາ ທະຫານ​ ແລະ​ເຮືອ
ບິນ​ລົບອູການດາວ່າ ​ໂຈມຕີ​ທີ່​ໝັ້ນພວກ​ກະບົດ. ເຖິງ​ຢ່າງ​ໃດ​ກໍ​ດີ ອູການ​ດາກ່າວອ້າງວ່າ
ການ​ມີໜ້າ​ທາງ​ທະຫານ​ຂອງ​ຕົນ​ ໃນ​ຊູ​ດານ​ໃຕ້​ນັ້ນ​ ແມ່ນຢູ່ໃນຂອບເຂດຈໍາກັດ​ ​ເພື່ອປ້ອງ
​ກັນ​ປະຊາຊົນ​ຂອງ​ຕົນ​ທີ່​ຕົກ​ຄ້າງ​ຢູ່​ທີ່ນັ້ນ.

​ໃນ​ພາກສ່ວນ​ຂອງ​ທ່ານແລ້ວ ຜູ້​ນໍາ​ໃນການ​ເຈລະຈາຂອງລັດຖະບານ​ຊູ​ດານ ​ບໍ່ ໄດ້ໃຫ້
ຄວາມສຳຄັນຕໍ່ການກ່າວອ້າງຂອງພວກ​ກະບົດ​ ກ່ຽວກັບການໂຈມ​ຕີ​ທາງ​ອາກາດ ນັ້ນ
ວ່າ ​ເປັນ “ການ​ໂຄສະ​ນາຊວນເຊື່ອ.”