ຢ້ານວ່າ ມີຫຼາຍພັນຄົນ ເສຍຊີວິດ ໃນເຫດດິນເຈື່ອນ ຢູ່ ອັຟການິສຖານ (ສະໄລດ໌/ວີດີໂອ)

ພວກກູ້ໄພແລະອາສາສະໝັກຫຼາຍຮ້ອຍຄົນໃນພາກຕາເວັນອອກ
ອັຟການິສຖານ ພວມດຳເນີນງານ ຢ່າງເຕັມທີ່ ເພື່ອຊອກຫາພວກ ທີ່ລອດຊີວິດມາໄດ້ຈາກເຫດດິນເຈື່ອນຮ້າຍແຮງຍ້ອນເກີດຝົນຕົກ ໜັກໃນວັນສຸກວານນີ້ ທີ່ເຮັດໃຫ້ມີຜູ້ເສຍຊີວິດປະມານ 2,000 ຄົນ ແລະອີກຫຼາຍໆຮ້ອຍຄົນ ຍັງຫາຍສາບສູນ.

ພວກກູ້ໄພທີ່ໃຊ້ມືແລະຊ້ວນ ພວມພາກັນຂຸດຄົ້ນຢູ່ຕາມຂີ້ຕົມແລະ
ຊາກຫັກພັງ ທີ່ເລິກຢ່າງໜ້ອຍ 10 ແມັດ ຊຶ່ງເກີດຈາກຝົນຕົກໜັກ ທີ່ໄດ້ຖົມເຮືອນຊານຫລາຍຮ້ອຍຫລັງໃນເຂດເມືອງ Argo ແຂວງ
Badakhshan ທີ່ສອກຫລີກຫ່າງໄກຢູ່ໃນພາກຕາເວັນອອກສຽງ ເໜືອຂອງອັຟການິສຖານ.

ທ່ານ Shah Waliullah Adeeb ເຈົ້າແຂວງໆ Badakhshan ກ່າວວ່າ ມີ 2,000 ກວ່າຄົນຍັງ ຊອກຫາບໍ່ທັນເຫັນເທື່ອ ແລະຢ້ານວ່າ ເສຍຊີວິດໄປແລ້ວ ຫລັງຈາກໄດ້ເກີດດິນເຈື່ອນ ທີ່ຖົມ ເຮືອນປະມານ 300 ຫລັງ.

ອົງການສະຫະປະຊາຊາດກ່າວວ່າ ມີ 350 ຄົນແລ້ວ ໄດ້ຮັບການຢືນຢັນວ່າ ເສຍຊີວິດ.

ນອກນັ້ນ ຍັງມີອີກຫລາຍໆຮ້ອຍຄົນໄດ້ຖືກຍົກຍ້າຍອອກຈາກບໍລິເວນດັ່ງກ່າວ ຍ້ອນຢ້ານວ່າ ຈະເກີດດິນເຈື່ອນຕື່ມ.