ລິ້ງ ສຳຫລັບເຂົ້າຫາ

36 ຄົນ ເສຍຊີວິດ ໃນເຫດລົດເມ ຕົກຂົວ ຢູ່ອີຕາລີ (ວີດິໂອ)


ຮູບພາບລົດເມຕົກຂົວຢູ່ ໃກ້ກັບເມືອງ Avellino ພາກໃຕ້ຂອງ ອີຕາລີ ມີຜູ້ເສຍຊີວິດ 38 ຄົນ.
ຢ່າງ​ໜ້ອຍ 36 ຄົນ​ເສ​ຍຊີວິດ ​ເວລາ​ລົດ​ເມ​ໄດ້​ແລ່ນ​ເຈືອກ ​ຕົກ​
ຈາກ​ຂົວ ຮາ​ຍ​ເວ 15 ​ແມດ​ ລົງ​ໄປ​ສູ່ເຫວຮ່ອງ​ ຢູ່​ພາກ​ໃຕ້​ຂອງ​
ອີ​ຕາ​ລີ ໃ​ນວັນ​ອາທິດ​ວານ​ນີ້.

ບັນດາ​ນັກກູ້​ໄພ​ຢູ່​ບ່ອນ​ເກີ​ດ​ເຫ​ດ ​ກ່າວ​ວ່າ 11 ຄົນ ຖືກ​ຊ່ອຍຊີວິດ​
ອອກ​ມາ​ຈາກ​ຊາກ​ຫັກ​ພັງ​ຂອງ​ລົດ ​ແລະ​ນໍາ​ໄປ​ໂຮງໝໍ ຈໍານວນ​ນຶ່ງ
ໃນ​ນັ້ນໄດ້​ຮັບ​ບາດ​ເຈັບ​ສາຫັດ.

ລົດ​ເມ​ຄັນ​ນັ້ນ ກໍາລັງ​ນໍາພາ​ຜູ້​ໂດຍສານ 50 ຄົນ ກັບ​ຄືນໄປ​ຍັງ​ເມືອງ Naples ຈາກ​ການ​ໄປສະ​ແຫວ​ງບຸນ ຢູ່​ເຂດ Campania ທາງ​ພາກໃຕ້ຂອງ​ອິ​ຕາ​ລີ.

ສາ​ເຫດ​ຂອງອຸບ​ປະຕິ​ເຫດ ຍັງ​ບໍ່​ເປັນ​ທີ່​ແຈ່ມ​ແຈ້​ງ ​ໃນ​ເວລາ​ນີ້.​

XS
SM
MD
LG