30 ຄົນ ເສຍຊີວິດ ໃນເຫດຊົນເຜົ່າ ປະທະກັນ ຢູ່ເຄນຢາ (ສະໄລດ໌)

ບັນດາ​ເຈົ້າ​ໜ້າ​ທີ່​ເຄນ​ຢາ ກ່າວ​ວ່າ ຢ່າ​ງໜ້ອຍ 30 ຄົນ​ໄດ້​ເສຍ​
ຊີວິດ ຈາກ​ການ​ປະ​ທະ​ກັນຮອບ​ໃໝ່ ລະຫວ່າງຊົນ​ເຜົ່າສອງ​ກຸ່ມ
ທີ່​ເປັນ​ສັດ​ຕູ​ກັນຢູ່​ໃນເຂດ​ແມ່​ນໍ້າ Tana ທາງພາກ​ຕາ​ເວັນ​ອອກ
ສຽງ​ໃຕ້ຂອງ ເຄນຢາ.

​ເຈົ້າ​ໜ້າ​ທີ່​ທ້ອງ​ຖິ່ນ​ຄົນ​ນຶ່ງ​ກ່າວ​ວ່າ ກຸ່ມຊົນ​ເຜົ່າ Pokomo ທີ່ຕິດ​
ອາວຸດ​ດ້ວຍ​ຫອກ​ແຫລມ ​ແລະປືນ ​ໄດ້​ບຸກ​ໂຈມ​ຕີ​ໝູ່ບ້ານແຫ່ງ​ນຶ່ງ
ທີ່​ເປັນ​ຂອງ ​ຊົນ​ເຜົ່າ Orma ​ໃນ​ຕອນ​ເຊົ້າ​ມືດ​ຂອງ​ວັນ​ສຸກມື້ນີ້.

ສະພາກາ​ແດງເຄນ​ຢາ ກ່າວ​ວ່າ ​ເດັກນ້ອຍ​ຫຼາຍ​ຄົນ ​ແລະ​ຜູ້ຍິງ​ຄົນ​
ນຶ່ງ​ໄດ້​ເສຍ​ຊີວິດ​ຍ້ອນການ​ໂຈມ​ຕີທີ່ບ້ານ Kipao ​ຊຶ່ງ​ໃນ​ລະຫວ່າງ
​ທີ່​ມີ​ການ ໂຈມ​ຕີນັ້ນ ຢ່າງ​ໜ້ອຍ​ເຮືອນ 45 ຫລັງ​ໄດ້​ຖືກ​ຈູດເຜົາ.


​ເຈົ້າ​ໜ້າ​ທີ່​ຕໍາຫລວດ​ກ່າວ​ວ່າ ​ເຂົາ​ເຈົ້າ​ຮູ້​ແລ້ວ​ວ່າ ພວກທໍາ​ການ​ໂຈມ​ຕີ​ນັ້ນ​ມາແຕ່​ໃສ ​ແລະ​ກໍາລັງທໍາ​ການ​ຕາມລ່າ​ພວກ​ເຂົ​າຢູ່​.

ທັງ​ສອງກຸ່ມ ​ຕ່າງ​ກໍ​ໄດ້​ໂຈມ​ຕີ​ກັນ​ຢ່າງ​ຮ້າຍ​ແຮງ​ເປັນ​ລຳດັບ​ມາ ​ແລະ​ມີ​ຈຸດປະສົງ​ທໍາ​ການ
ແກ້​ແຄ້ນ ອັນ​ເປັນ​ພາກ​ສ່ວນນຶ່ງຂອງການ​ຜິດ​ຖຽງ​ກັນ​ກ່ຽວ​ກັບ​ທີ່ດິນ ​ແລະ​ນໍ້າ ​ໃນ​ເຂດ​ດັ່ງກ່າວ.