ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ທ່ານນາງອອງຊານ ຊູຈີ ຈະໄປປາກົດຕົວຢູ່ສານ ໃນທ້າຍເດືອນນີ້


ພວກເດີນຂະບວນປະທ້ວງຕໍ່ຕ້ານລັດຖະປະຫານ ພາກັນຍົກມືສາມນິ້ວຂຶ້ນ ຊຶ່ງເປັນສັນຍາລັກ ການທ້າທາຍ ຢູ່ນະຄອນຢາງກຸ້ງ ປະເທດມຽນມາ.
ວັນອັງຄານ ວັນທີ 27 ເມສາ 2021.
ພວກເດີນຂະບວນປະທ້ວງຕໍ່ຕ້ານລັດຖະປະຫານ ພາກັນຍົກມືສາມນິ້ວຂຶ້ນ ຊຶ່ງເປັນສັນຍາລັກ ການທ້າທາຍ ຢູ່ນະຄອນຢາງກຸ້ງ ປະເທດມຽນມາ. ວັນອັງຄານ ວັນທີ 27 ເມສາ 2021.

ຜູ້ນຳຂອງມຽນມາ ທ່ານນາງອອງ ຊານ ຊູ ຈີ ທີ່ຖືກປົດອອກຈາກຕຳແໜ່ງ ຈະໄປປາກົດຕົວຢູ່ສານໃນ ວັນທີ 24 ພຶດສະພາ ອີງຕາມຄຳເວົ້າ ທະນາຍຄວາມ ຂອງທ່ານນາງ.

ທ່ານນາງຍັງບໍ່ໄດ້ປາກົດຕົວຢູ່ໃນທີ່ສາທາລະນະ ນັບແຕ່ວັນທີ 1 ເດືອນກຸມພາ ເປັນຕົ້ນມາ ເວລາທ່ານນາງໄດ້ຖືກກັກບໍລິເວນ ໂດຍທະຫານ ທີ່ໄດ້ເຂົ້າຍຶດອຳ ນາດ.

ນັບແຕ່ການເຮັດລັດຖະປະຫານ ທ່ານນາງໄດ້ຖືກກ່າວຫາວ່າ ກະທຳຜິດ 6 ກະ ທົງ ຮວມທັງບໍ່ປະຕິບັດຕາມ ຂໍ້ຈຳກັດກ່ຽວກັບໂຄວິດ-19 ໃນລະຫວ່າງການ ເລືອກຕັ້ງ ປີກາຍນີ້.

ສິ່ງທີ່ຮ້າຍແຮງສຸດ ທ່ານນາງຖືກກ່າວຫາກໍຄື ການລະເມີດກົດໝາຍ ວ່າດ້ວຍຄວາມລັບຂອງປະເທດ. ການຕັດສິນລົງໂທດດັ່ງກ່າວ ທີ່ອາດນຳໄປສູ່ການຕິດ ຄຸກດົນເຖິງ 14 ປີ ອີງຕາມອົງການຂ່າວຣອຍເຕີ້.

ອຳນາດການປົກຄອງໃນປັດຈຸບັນ ຍັງໄດ້ກ່າວຫາທ່ານນາງ ສໍ້ລາດບັງຫຼວງ ແຕ່ຍັງບໍ່ທັນໄດ້ຟ້ອງ ຢ່າງເປັນທາງການເທື່ອ.

ມີລາຍງານວ່າ ທ່ານນາງຊູ ຈີ ໄດ້ໄປຮ່ວມໃຫ້ການຈຳນວນນຶ່ງຜ່ານກອງປະຊຸມ ທາງວີດີໂອ ແລະໄດ້ຈົ່ມວ່າການດຳເນີນຄະດີແມ່ນຊ້າຫຼາຍ.

ອ່່ານຂ່າວນີ້ເພີ້ມເປັນພາສາອັງກິດ

XS
SM
MD
LG