ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ຊາວອະເມຣິກັນ ສະຫຼອງ ວັນ Thanksgiving (ສະໄລດ໌ກັບວີດີໂອ)


ໄກ່ງວງ ທີ່ເປັນສັນຍະລັກ ແລະອາຫານຫຼັກ ໃນເທດສະການ ສະຫຼອງວັນຂອບຄຸນພະເຈົ້າ ຫຼື Thanksgiving.
ໄກ່ງວງ ທີ່ເປັນສັນຍະລັກ ແລະອາຫານຫຼັກ ໃນເທດສະການ ສະຫຼອງວັນຂອບຄຸນພະເຈົ້າ ຫຼື Thanksgiving.
ຊາວ​ອະ​ເມຣິກັນທັງຫຼາຍພາກັນ​ສະ​ເຫຼີມສະຫຼອງ ​ວັນ​ຂອບຄຸນ​ພະ​ເຈົ້າ ຫຼື Thanksgiving Day ປະ​ຈໍາປີ​ ​ໃນວັນ​ພະຫັດ​ມື້​ນີ້.

ວັນ​ພັກ​ດັ່ງກ່າວ ​ແມ່ນ​ຖືກ​ປະຕິບັດ​ເຊື່ອ​ຖື​ກັນ​ໃນ​ວິຖີຊີວິດ​ຊາວ​ອະ​ເມຣິກັນ ແຕ່​ໃດ​ມາ ວ່າ ເປັນ​ມື້​ນຶ່ງ ​ສໍາລັບ​ການ​ເຕົ້າ​ໂຮມ​ສັງ​ສັນ​ໃນ​ຄອບຄົວ ພ້ອມ​ດ້ວຍ​ອາຫານການກິນ​ເຫຼືອ​ເຟືອ ​ທີ່ປະກອບ​ດ້ວຍ​ໄກ່ງວງ​ເປັນຫຼັກ ​ແລະເຄື່ອງກິນ​ອື່ນໆ​ອີກຫຼາຍຢ່າງຮວມທັງ​ຂະໜົມພາຍ​ນຳ​ດ້ວຍ. ມີ​ການປະ​ເມີນ​ກັນວ່າ​ ອາດຈະ​ມີ​ຫຼາຍກວ່າ 43 ລ້ານ​ຄົນ ພາ​ເດີນທາງໃນ​ໄລຍະ 80 ກິ​ໂລ​ແມັດຫຼືຫຼາຍກວ່າ​ນັ້ນ ​ເພື່ອ​ໄປ​ຮ່ວມ​ສັງສັນ​ກັບພວກ​ໝູ່​ເພື່ອນ​ແລະ​ຄອບຄົວ ​ໃນ​ລະ​ຫວ່າງ​ມື້​ນີ້ ໄປ​ຈົນ​ເຖິງ​ວັນ​ອາທິດ.

ປະທານາທິບໍດີໂອບາມາ ພ້ອມດ້ວຍລູກສາວ ນາງ Sasha (ຊ້າຍ) ແລະນາງ Malia ປະຕິບັດຕາມປະເພນີບຸນຂອບຄຸນພະເຈົ້າ ໂດຍຊ່ອຍຊີວິດໄກ່ງວງໂຕນຶ່ງ ບໍ່ໃຫ້ຕົກເປັນອາຫານ ດ້ວຍການໃຫ້ອະໄພໂທດ ຕໍ່ໄກ່ງວໂຕນັ້ນ ທີ່ທຳນຽບຂາວ (21 ພະຈິກ 2010)
ປະທານາທິບໍດີໂອບາມາ ພ້ອມດ້ວຍລູກສາວ ນາງ Sasha (ຊ້າຍ) ແລະນາງ Malia ປະຕິບັດຕາມປະເພນີບຸນຂອບຄຸນພະເຈົ້າ ໂດຍຊ່ອຍຊີວິດໄກ່ງວງໂຕນຶ່ງ ບໍ່ໃຫ້ຕົກເປັນອາຫານ ດ້ວຍການໃຫ້ອະໄພໂທດ ຕໍ່ໄກ່ງວໂຕນັ້ນ ທີ່ທຳນຽບຂາວ (21 ພະຈິກ 2010)


​ແຕ່​ປະ​ເພນີ​ວັນ​ຂອບຄຸນ​ພະ​ເຈົ້າອື່ນໆ​ທີ່​ປະຕິບັດ​ກັນເປັນ​ປະ​ຈໍາ​ຢູ່​ໃນ​ສະຫະ ລັດ​ນັ້ນ ກໍ​ມີ​ໂຮມ​ທັງ​ການໄປ​ຮ່ວມ​ພິທີ​ທາງ​ສາສະໜາ ​ແລະ​ຊົມ​ການ​ແຂ່ງ ຂັນກິລາ​ຟຸດ​ບອລອາ​ເມຣິ ກັນຂອງ​ທີ​ມ​ເຍົາວະ​ຊົນແລະ​ທີ​ມມື​ອາຊີບ. ​ແລະ ​ເນື່ອງ​ໃນ​ໂອກາດດຽວ​ກັນ​ນີ້ ກໍ​ມີຮ້ານ​ຄ້າຂາຍ​ເຄຶ່ອງຍ່ອຍ​ໃຫຍ່​ແຫ່ງ​ນຶ່ງ ຄື​ຮ້ານ​ສັບພະ​ສິນຄ້າ Macy ນັ້ນ ​ໄດ້​ຈັດ​ຂະ​ບວນ​ແຫ່​ຢ່າງ​ມີສີສັນ ຢູ່​ໃນນະ ຄອນ​ນີວຢ໊ອກ ພ້ອມ​ດ້ວຍ​ລູກ​ປູມ​ເປົ້າທີ່​ເປັນ​ຮູບ​ກາ​ຕູນ​ຂະໜາດ​ໃຫຍ່ແລະ​ຂະ​ບວນວົງ​ດຸລິ​ຍາງ​ເສບ​ກັນຢ່າງ​ຄຶກຄື້ນໄປ​ຕາມ​ຖະໜົນ.



ຕາມ​ປະ​ເພນີ​ທີ່​ ກ່າວ​ກັນ​ມາ​ນັ້ນ ວັນ​ຂອບຄຸນ​ພະ​ເຈົ້າ ຫຼື Thanksgiving ຂອງ​ຊາວ​ອ​ະ​ເມຣິກັນ​ເທື່ອ​ທໍາ​ອິດ ​ແມ່ນ​ຈັດ​ຂຶ້ນ​ໃນ​ປີ 1621 ​ໂດຍ​ພວກ​ທີ່ ເຂົ້າມາ​ຕັ້ງ​ຖິ່ນ​ຖານ​ໃໝ່ໃນ​ທະວີບ​ອ​ະ​ເມຣິກາ​ເໜືອ ພາກັນ​ລະນຶກ​ເຖິງການ​ເກັບກ່ຽວ ຫຼັງຈາກ​ລະດູໜາວທີ່​ແສນ​ລໍາ​ບາກ​ຜ່ານ​ພົ້ນ​ໄປ.

ເບິ່ງວີດີໂອ ພວກອາສາສະມັກຊ່ວຍລ້ຽງເຂົ້າພວກຄົນທຸກ ໃນວັນຂອບຄຸນພະເຈົ້າ:
XS
SM
MD
LG