ເວລານີ້ ທາງການໄທແມ່ນໄດ້ປາບປາມພວກປະທ້ວງຕໍ່ຕ້ານລັດຖະບານ ຈາກຊົນນະບົດທ່ີໄດ້ພາກັນເຂົ້າຄອບຄອງຫລາຍເຂດໃນ ນະຄອນຫລວງບາງກອກ ຫລືກຸງເທບ ຂອງໄທເປັນເວລາ 2 ເດືອນນັ້ນແລ້ວ. ການກວາດລ້າງປາບປາມຂອງທະຫານໄດ້ເຮັດໃຫ້
ການປະທ້ວງຍຸດຕິລົງ ແຕ່ແມ່ນຫລັງຈາກມີຜູ້ເສຍຊີວິດໄປຫລາຍກວ່າ 80 ຄົນ ຊຶ່ງສ່ວນໃຫຍ່ແມ່ນພວກປະທ້ວງນັ້ນເອງ.
ຢ່າງໃດກໍຕາມ ດັ່ງທີ່ຜູ້ສື່ຂ່າວວີໂອເອລາຍງານມາຈາກຈັງຫວັດອຸດອນ ທານີນັ້ນ ກໍແມ່ນວ່າ ພວກປະທ້ວງຍັງບໍ່ປະລະຄຳຮຽກຮ້ອງ
ຂອງເຂົາເຈົ້າ ຂໍໃຫ້ຈັດການເລືອກຕັ້ງຂຶ້ນໃໝ່ ແລະຂໍຄວາມຍຸຕິທຳໃຫ້ແກ່ພວກທ່ີເສຍຊີວິດໄປນັ້ນ.
ສິງ ມີລາຍງານມາສະເໜີທ່ານຕໍ່ໄປ…ສຽງຜູ້ແທນໄທອະພິປາຍກັນຢູ່ໃນສະພາແຫ່ງຊາດ
ນາງແປ້ງລ້ຳ ສະລີໂຕ ນັ່ງຢູ່ກັບພື້ນໃນເຮືອນຫລັງນ້ອຍໆຂອງລາວໃນຈັງຫວັດອຸດອນທານີ ຫູຟັງວິທະຍຸທີ່ຖ່າຍທອດການໂຕ້ວາທີກັນ
ຂອງພວກນັກການເມືອງ ຢູ່ບາງກອກກ່ຽວກັບຄວາມວຸ້ນວາຍທ່ີເກີດຂຶ້ນໃນເດືອນແລ້ວນີ້. ນາງແປ້ງລ້ຳ ກ່າວວ່າ ນາງກໍບໍ່ເຂົ້າໃຈໝົດ
ທຸກສິ່ງທຸກຢ່າງທ່ີພວກເຂົາເຈົ້າຖົກຖຽງກັນນັ້ນ ແຕ່ມັນເປັນທ່ີຈະແຈ້ງສຳລັບນາງ ວ່າ ທັງສອງຝ່າຍຄືຝ່າຍລັດຖະບານແລະຝ່າຍຄ້ານ
ຕ່າງກໍກ່າວໂຈມຕີກັນເທົ່ານັ້ນ.
ຢູ່ທາງຂ້າງນາງ ມີກອບຮູບລູກຊາຍໄວ 32 ປີຂອງນາງ ຊຶ່ງເປັນຄົນ ນຶ່ງໃນບັນດາພວກປະທ້ວງເສື້ອແດງທ່ີເສຍຊີວິດໄປ ໃນວັນທີ 19
ພຶດ ສະພາ ເວລາພວກທະຫານທຳການກວາດລ້າງພວກປະທ້ວງອອກຈາກບາງກອກ.
ນາງແປ້ງລ້ຳສະໜັບສະໜຸນການໄປປະທ້ວງຂອງລູກຊາຍຂອງນາງ ຊຶ່ງນາງກ່າວວ່າ ເພາະວ່າລູກຊາຍນາງປົກປ້ອງລະບອບປະຊາທິ
ປະໄຕ ແລະຮຽກຮ້ອງໃຫ້ມີລັດຖະບານທ່ີຍຸຕິທຳ.
ແຕ່ບາດແລ້ວ ກໍໄດ້ມີການພົບເຫັນສົບຂອງລູກຊາຍນາງຢູ່ໃນວັດແຫ່ງນຶ່ງ ໃນເຂດຄ້າຍຂອງພວກປະທ້ວງທ່ີຄຶດວ່າເປັນບ່ອນທີ່ປອດໄພ
ຈາກການປະທະກັນ ໃນບາງກອກນັ້ນ.
ສຽງນາງແປ້ງລ້ຳເປັນພາສາໄທ…
ນາງກ່າວວ່າ ນາງບໍ່ຢາກເຫັນລູກຂອງລາວໄປປະທ້ວງຕື່ມອີກ ຈັກຄົນ. ກ່ອນນີ້ ນາງບໍ່ຮູ້ສຶກສຳນຶກເລີຍວ່າ ຈະມີການເຂັ່ນຂ້າກັນເເບບນີ້
ຊຶ່ງ ຖ້ານາງຮູ້ມາກ່ອນ ນາງກໍຈະຫ້າມລູກຊາຍ ບໍ່ໃຫ້ໄປຮ່ວມໃນການປະທ້ວງນັ້ນ.
ເລີ້ມຕັ້ງແຕ່ເດືອນມີນາເປັນຕົ້ນມາ ພວກປະທ້ວງເສື້ອແດງຫລາຍພັນຄົນໄດ້ພາກັນເຂົ້າຄອບຄອງຫລາຍເຂດໃນໃຈກາງບາງກອກ
ໂດຍພາ ກັນກີດຂວາງຖະໜົນຫົນທາງສາຍໃຫຍ່ໆໄວ້ ແລະເຮັດໃຫ້ພວກຮ້ານຄ້າຮ້ານຂາຍຫລາຍຮ້ອຍແຫ່ງ ຕ້ອງປິດກິດຈະການລົງ.
ໃນຊ່ວງການປະທ້ວງເປັນເວລາ 2 ເດືອນນັ້ນ ມີປະຊາຊົນຈຳນວນ ຫລາຍກວ່າ 80 ຄົນເສຍຊີວິດ ແລະເວລາພວກທະຫານລັດຖະບານ
ເຂົ້າທຳການກວາດລ້າງພວກປະທ້ວງ ໃນວັນທີ 19 ພຶດສະພາ ອອກຈາກພື້ນທີ່ທີ່ພວກເຂົາໄດ້ເຂົ້າຄອບຄອງນັ້ນ ພວກປະທ້ວງເສື້ອແດງ
ທ່ີມີຄວາມໂກດແຄ້ນ ໄດ້ພາກັນເອົາໄຟຈູດເຜົາຕຶກອາຄານຈຳນວນຫລາຍກວ່າ 30 ຫລັງໃນບາງກອກ.
ລັດຖະບານໃຫ້ຄຳໝັ້ນສັນຍາວ່າ ຈະມີການສອບສວນສືບສວນທ່ີເປັນອິດສະລະກ່ຽວກັບການກໍ່ຄວາມຮຸນແຮງໃນຄັງນັ້ນ ແຕ່ກ່າວວ່າ
ການກໍ່ຄວາມຮຸນແຮງສ່ວນໃຫຍ່ແມ່ນເປັນນ້ຳມືຂອງພວກກໍ່ການຮ້າຍທ່ີປະປົນຢູ່ນຳພວກປະທ້ວງ. ທ່ີຈັງຫວັດອຸດອນຊຶ່ງເປັນສູນກາງ
ຂອງພວກປະ ທ້ວງເສື້ອແດງນັ້ນ ແມ່ນມີຄວາມເຊື່ອຖືໜ້ອຍຫລາຍ ໃນໂຕພວກເຈົ້າໜ້າທ່ີລັດຖະບານໃນບາງກອກ ຊຶ່ງພວກປະທ້ວງ
ກ່າວວ່າ ເປັນຜູ້ທ່ີປົດພວກຜູ້ແທນທີ່ເຂົາເຈົ້າໄດ້ປ່ອນບັດເລືອກເອົານັ້ນ ອອກຈາກອຳນາດ.
ພາຍໃຕ້ກົດພາວະສຸກເສີນທີ່ໄດ້ປະກາດໃຊ້ນັ້ນ ລັດຖະບານໄທສືບຕໍ່ທຳການປາບປາມສື່ມວນຊົນແລະກິດຈະກຳຕ່າງໆຂອງພວກເສື້ອແດງ.
ບັນດາເຈົ້າໜ້າທ່ີລັດຖະບານກ່າວວ່າ ເຂົາເຈົ້າກຳລັງປະຕິບັດການເພື່ອປ້ອງກັນບໍ່ໃຫ້ຄວາມຮຸນແຮງເກີດຂຶ້ນອີກ ແລະໃນເວລາດຽວກັນ
ກໍດຳເນີນແຜນການລະຍະຍາວ ເພື່ອສ້າງຄວາມປອງດອງຊາດໃນປະເທດທ່ີກຳລັງແຕກແຍກກັນທາງດ້ານການເມືອງ ແລະເພື່ອແກ້ໄຂ
ຄວາມເປັນຫ່ວງຂອງພວກເສື້ອແດງ ກ່ຽວກັບຄວາມບໍ່ກ້ຳເກິ່ງກັນທາງດ້ານລາຍໄດ້ ແລະຈັດການເລືອກຕັ້ງຂຶ້ນໃໝ່ນັ້ນ.
ນາຍກະມົນສິນ ສິງສຸຣິຍາ ຕຳຫລວດເບ້ຍບຳນານ ແລະເປັນຜູ້ນຶ່ງໃນບັນດາພວກຈັດການປະທ້ວງໃນເຂດທ້ອງຖິ່ນ ໄດ້ຖືກເຈົ້າໜ້າທ່ີຈັບ
ໄປ ສືບສວນສອບສວນ ແລະປ່ອຍໂຕມາ. ລາວກ່າວວ່າ ພວກເສື້ອແດງກຳລັງຖືກກົດດັນຢ່າງແຮງ:
ສຽງນາຍກະມົນສິນເປັນພາສາໄທ…
ນາຍກະມົນສິນ ກ່າວວ່າ ເວລາໃດມີການຍົກເລີກການໃຊ້ກົດພາວະສຸນເສີນແລ້ວ ພວກເຂົາເຈົ້າກໍຈະເລີ້ມຈັດຕັ້ງຂະບວນການໃໝ່
ຂຶ້ນມາ ຊຶ່ງຈະເປັນຂະບວນການທ່ີບໍ່ໃຊ້ຄວາມຮຸນແຮງ ແລະຈະສືບຕໍ່ຮຽກຮ້ອງເອົາ ປະຊາທິປະໄຕຢູ່ຕໍ່ໄປ.
ຫລັງຈາກການປາບການປະທ້ວງໃນເດືອນຜ່ານມານັ້ນ ພວກປະທ້ວງຫລາຍຮ້ອຍຄົນໃນຈັງຫວັດອຸດອນທານີ ໄດ້ພາກັນເອົາໄຟ
ຈູດເຜົາອາ ຄານລັດຖະບານຫລາຍຫລັງແລະລົດລາຫລາຍຄັນ. ໂຮງການແຂວງ ຫລືສາລາກາງ ຫລັງເກົ່າໄດ້ຖືກເຜົາໄໝ້ ແລະພື້ນ
ໂຮງການທ່ີປູດ້ວຍໄມ້ສັກຢ່າງສວຍງາມນັ້ນ ກໍໄດ້ຖືກເຜົາເປັນເຖົ້າຖ່ານ. ເວລານີ້ ຍັງມີ ແຕ່ຊາກລົດຂົນສົ່ງທີ່ຖືກໄຟໄໝ້ ຈຳນວນນຶ່ງ
ຫລົງເຫລືອ ຢູ່ເດິ່ນຈອດລົດ.
ສຽງເຈົ້າໜ້າທ່ີຮັກສາຄວາມປອດໄພຕິດຕໍ່ກັນທາງວິທະຍຸ..
ບັດນີ້ ພວກນາຍຍາມຮັກສາຄວາມປອດໄພທ່ີຖືປືນ M16 ພາກັນລາດ ຕະເວັນ ຢູ່ໃນຂົງເຂດນັ້ນ.
ພວກເຈົ້າໜ້າທ່ີຕຳຫລວດແລະພວກເຈົ້າໜ້າທ່ີຮັກສາຄວາມປອດໄພຢູ່ເຂດນີ້ກ່າວວ່າ ເຂົາເຈົ້າມີໝູ່ເພື່ອນແລະຍາດພີ່ນ້ອງ
ໃນບັນດາພວກປະ ທ້ວງນັ້ນ ແລະເຂົາເຈົ້າມີຄວາມເປັນຫ່ວງວ່າ ເຖິງແມ່ນສະຖານະການ ໃນເວລານີ້ ໄດ້ງຽບສະຫງົບລົງແດ່ແລ້ວ
ກໍຕາມ ແຕ່ຄວາມວຸ້ນວາຍກໍ ອາກສາມາດກັບຄືນມາໄດ້ອີກ ໂດຍໄວ.
ນາຍຊູຊາດ ກິ່ນຈັນ ຊຶ່ງເປັນຍາມຮັກສາຄວາມປອດໄພທ່ີສາລາກາງເກົ່າ ກ່າວວ່າ ເຖິງແມ່ນເຂົາເຈົ້າມີຄວາມເຫັນໃຈກັບພວກປະທ້ວງ
ກໍຕາມ ແຕ່ພວກເຈົ້າໜ້າທ່ີຮັກສາຄວາມປອດໄພ ກໍຢູ່ໃນທ່າມີສະຕິລະວັງ ໂຕ ຕຽມພ້ອມຢ່າງສູງຢູ່ ຊຶ່ງນາຍຊູຊາດກ່າວຕື່ມວ່າ :
ສຽງນາຍຊູຊາດເປັນພາສາໄທ…
ນາຍຊູຊາດກ່າວວ່າ ມີຂ່າວເລົ່າລືກັນວ່າ ໃນປະມານອີກສອງເດືອນຂ້າງໜ້ານີ້ ອາດຈະມີສິ່ງໃດສິ່ງນຶ່ງເກີດຂຶ້ນ ເພາະວ່າພວກປະທ້ວງ
ຍັງ ມີຄວາມໂກດແຄ້ນຢູ່ ແລະອາດຈະຢາກທຳການເຄື່ອນໄຫວຕໍ່ຕ້ານລັດ ຖະບານຕື່ມອີກກໍເປັນໄດ້.
ທາງການໄທໄດ້ຕໍ່ກຳໜົດການໃຊ້ກົດພາວະສຸກເສີນອອກໄປອີກຈົນຮອດເດືອນກໍລະກົດ ແຕ່ກ່າວວ່າ ພາຍໃຕ້ແຜນການປອງດອງຊາດ
ຂອງລັດຖະບານນັ້ນ ການເລືອກຕັ້ງອາດສາມາດມີຂຶ້ນໄດ້ໃນຕົ້ນປີໜ້າ.
ພວກທ່ີສະໜັບສະໜຸນພວກປະທ້ວງເສື້ອແດງໃນຈັງຫວັດອຸດອນທານີ ກ່າວວ່າ ເຂົາເຈົ້າເຕັມໃຈທ່ີຈະລໍຖ້າການເລືອກຕັ້ງໃໝ່ນັ້ນ
ແຕ່ຖ້າຫາກວ່າ ການສອບສວນສືບສວນກ່ຽວກັບຄວາມວຸ້ນວາຍຮຸນແຮງທ່ີພວກປະທ້ວງກໍ່ຂຶ້ນນັ້ນ ເປັນໄປແບບລຳອຽງເຂົ້າຂ້າງ
ແຕ່ຝ່າຍດຽວແລ້ວ ການ ແຕກແຍກພາຍໃນປະເທດ ກໍຍິ່ງຈະເພ່ີມຂຶ້ນອີກເທົ່ານັ້ນ.