ຕໍາຫຼວດແລະພວກປະທ້ວງຕໍ່ຕ້ານລັດຖະບານໃນໄທ ເວົ້າວ່າ
ແກນນໍາປະທ້ວງຄົນນຶ່ງ ຖືກຍິງຕາຍ ໃນຂະນະທີ່ຝ່າຍຄ້ານ
ພະຍາຍາມຈະຂັດຂວາງການປ່ອນບັດລ່ວງໜ້າ ມື້ເລືອກຕັ້ງ
ທີ່ຈະມີຂຶ້ນ ໃນວັນອາທິດໜ້າ ທີ 2 ກຸມພານັ້ນ.
ເຈົ້າໜ້າທີ່ໄດ້ລະບຸຊື່ຜູ້ເສຍຊີວິດ ວ່າແມ່ນ ນາຍ ສຸທິນ ທາຣາຖິ່ນ. ຕໍາຫຼວດເວົ້າວ່າ ມີຫ້າຄົນໄດ້ຮັບບາດເຈັບ ໃນການຍິງກັນ ໃນວັນອາທິດມື້ນີ້.
ພວກປະທ້ວງຈໍານວນຫຼວງຫຼາຍ ໄດ້ທໍາການກີດກັນການປ່ອນບັດ ຢູ່ບ່ອນປ່ອນບັດບາງ ແຫ່ງ ເມື່ອວັນອາທິດມື້ນີ້ ແຕ່ຫຼາຍໆຄົນກໍຍັງຄາດກັນຢູ່ວ່າ ຜົນການປ່ອນບັດໃນມື້ນີ້ ຈະເປັນການທໍານາຍໃຫ້ຮູ້ລ່ວງໜ້າເຖິງຜົນຂອງການປ່ອນບັດເລືອກຕັ້ງ ໃນວັນທີ 2 ກຸມພານັ້ນ.
ນາຍົກລັດຖະມົນຕີ ຢິ່ງລັກ ຊິນນະວັດ ໄດ້ຍຸບສະພາ ແລະໄດ້ຮຽກຮ້ອງໃຫ້ມີການເລືອກຕັ້ງກ່ອນກໍາໜົດ ເພື່ອພະຍາຍາມຈະຍຸຕິການປະທ້ວງມາ ເປັນເວລາຫຼາຍອາທິດ ຂອງພວກປະທ້ວງຕໍ່ຕ້ານລັດຖະບານ ທີ່ຢາກໃຫ້ທ່ານນາລາອອກ ແລະໂອນລັດຖະບານໃຫ້ແກ່ສະພາປະຊາຊົນ ທີ່ບໍ່ຜ່ານການເລືອກຕັ້ງນັ້ນ.
ກໍາມະການການເລືອກຕັ້ງ ແລະຝ່າຍຄ້ານຕ້ອງການເລື່ອນເວລາການ ເລືອກຕັ້ງອອກໄປ ແຕ່ລັດຖະບານກ່າວວ່າ ຕົນຈະເລື່ອນການປ່ອນບັດ ອອກໄປ ກໍຕໍ່ເມື່ອການປະທ້ວງຍຸຕິລົງ ແລະພວກຝ່າຍຄ້ານລົບລ້າງການລວມຫົວຕໍ່ຕ້ານບໍ່ເຂົ້າຮ່ວມການເລືອກຕັ້ງນັ້ນ.
ແກນນໍາປະທ້ວງຄົນນຶ່ງ ຖືກຍິງຕາຍ ໃນຂະນະທີ່ຝ່າຍຄ້ານ
ພະຍາຍາມຈະຂັດຂວາງການປ່ອນບັດລ່ວງໜ້າ ມື້ເລືອກຕັ້ງ
ທີ່ຈະມີຂຶ້ນ ໃນວັນອາທິດໜ້າ ທີ 2 ກຸມພານັ້ນ.
ເຈົ້າໜ້າທີ່ໄດ້ລະບຸຊື່ຜູ້ເສຍຊີວິດ ວ່າແມ່ນ ນາຍ ສຸທິນ ທາຣາຖິ່ນ. ຕໍາຫຼວດເວົ້າວ່າ ມີຫ້າຄົນໄດ້ຮັບບາດເຈັບ ໃນການຍິງກັນ ໃນວັນອາທິດມື້ນີ້.
ພວກປະທ້ວງຈໍານວນຫຼວງຫຼາຍ ໄດ້ທໍາການກີດກັນການປ່ອນບັດ ຢູ່ບ່ອນປ່ອນບັດບາງ ແຫ່ງ ເມື່ອວັນອາທິດມື້ນີ້ ແຕ່ຫຼາຍໆຄົນກໍຍັງຄາດກັນຢູ່ວ່າ ຜົນການປ່ອນບັດໃນມື້ນີ້ ຈະເປັນການທໍານາຍໃຫ້ຮູ້ລ່ວງໜ້າເຖິງຜົນຂອງການປ່ອນບັດເລືອກຕັ້ງ ໃນວັນທີ 2 ກຸມພານັ້ນ.
ນາຍົກລັດຖະມົນຕີ ຢິ່ງລັກ ຊິນນະວັດ ໄດ້ຍຸບສະພາ ແລະໄດ້ຮຽກຮ້ອງໃຫ້ມີການເລືອກຕັ້ງກ່ອນກໍາໜົດ ເພື່ອພະຍາຍາມຈະຍຸຕິການປະທ້ວງມາ ເປັນເວລາຫຼາຍອາທິດ ຂອງພວກປະທ້ວງຕໍ່ຕ້ານລັດຖະບານ ທີ່ຢາກໃຫ້ທ່ານນາລາອອກ ແລະໂອນລັດຖະບານໃຫ້ແກ່ສະພາປະຊາຊົນ ທີ່ບໍ່ຜ່ານການເລືອກຕັ້ງນັ້ນ.
ກໍາມະການການເລືອກຕັ້ງ ແລະຝ່າຍຄ້ານຕ້ອງການເລື່ອນເວລາການ ເລືອກຕັ້ງອອກໄປ ແຕ່ລັດຖະບານກ່າວວ່າ ຕົນຈະເລື່ອນການປ່ອນບັດ ອອກໄປ ກໍຕໍ່ເມື່ອການປະທ້ວງຍຸຕິລົງ ແລະພວກຝ່າຍຄ້ານລົບລ້າງການລວມຫົວຕໍ່ຕ້ານບໍ່ເຂົ້າຮ່ວມການເລືອກຕັ້ງນັ້ນ.