ສະຫະລັດໄດ້ອອກຄຳເຕືອນຕໍ່ປະຊາຊົນຂອງຕົນທີ່ຢູ່ໃນປະເທດໄທໃຫ້ລະມັດລະວັງກ່ຽວກັບ
ຄວາມເປັນໄປໄດ້ໃນການໂຈມຕີຂອງພວກກໍ່ການຮ້າຍຢູ່ທີ່ບາງກອກ.
ສະຖານທູດຂອງສະຫະລັດທີ່ບາງກອກ ໄດ້ອອກຖະແຫຼງຂ່າວສະບັບນຶ່ງໃນວັນສຸກມື້ນີ້ທີ່ເວົ້າ
ວ່າ ພວກກໍ່ການຮ້າຍຕ່າງປະເທດ ອາດຈະທຳການໂຈມຕີ ຕໍ່ຈຸດທ່ອງທ່ຽວຕ່າງໆໃນເຂດນະ
ຄອນຫຼວງຂອງໄທ ໃນອະນາຄົດອັນໃກ້ໆນີ້.
ສະຖານທູດສະຫະລັດ ໄດ້ເຕືອນໃຫ້ປະຊາຊົນຄົນອະເມຣິກັນ ມີຄວາມລະມັດລະວັງເວລາ
ໄປຢ້ຽມສະຖານທີ່ສາທາລະນະຕ່າງໆທີ່ມີພວກນັກທ່ອງທ່ຽວຕາເວັນຕົກໄປໂຮມຊຸມນຸມກັນ
ເປັນຈຳນວນຫຼວງຫຼາຍ.
ທາງສະຖານທູດສະຫະລັດບໍ່ໄດ້ໃຫ້ຂໍ້ມູນອື່ນໃດອີກກ່ຽວກັບການຂົ່ມຂູ່ທີ່ອາດມີຂຶ້ນນີ້.
ການໂຈມຕີຂອງພວກກໍ່ການຮ້າຍແມ່ນບໍ່ຄ່ອຍມີກັນຢູ່ທີ່ບາງກອກບ່ອນທີ່ຫາດຊາຍແລະຊີ
ວິດກາງຄືນໄດ້ຮັບຄວາມນິຍົມສູງຈາກພວກນັກທ່ອງທ່ຽວຊາວຕ່າງປະເທດນັ້ນ.
