ການທົດລອງທາງຄລີນິກບັ້ນນຶ່ງໃນປະເທດໄທ ກໍຄືທົດລອງກັບ
ຄົນເຈັບ ເພື່ອປະເມີນເບິ່ງປະສິດທິພາບຂອງຢານັ້ນ ໄດ້ສະຫຼູບ
ຜົນວ່າ ຢາຊະນິດນຶ່ງ ທີ່ໃຊ້ປິ່ນປົວພວກຄົນເຈັບທີ່ຕິດເຊື້ອເອັຈ
ໄອວີນັ້ນ ຍັງສາມາດໃຊ້ເປັນຕົວຢາ ປ້ອງກັນຢ່າງໄດ້ຜົນ ສໍາລັບທຸກກຸ່ມຄົນທີ່ມີຄວາມສ່ຽງສູງ ຕໍ່ການທີ່ຈະຕິດແປດເຊື້ອໄວຣັສ ທີ່ພາໃຫ້ເປັນໂຣກເອດສ໌ນັ້ນ. ການສຶກສາຄົ້ນຄວ້າທີ່ສະໜັບ ສະໜຸນໂດຍສະຫະລັດພົບວ່າ ຢາ Tenofovir ຊຶ່ງເປັນຢາຕ້ານ
ການກັບຄືນມາຂອງເຊື້ອໄວຣັສນັ້ນ ສາມາດຫຼຸດຄວາມສ່ຽງຕໍ່
ການຕິດເຊື້ອເອັຈ ໄອວີ ລົງໄດ້ເຄິ່ງນຶ່ງ ໃນກຸ່ມຄົນທີ່ໃຊ້ຢາເສບ
ຕິດທີ່ໃຊ້ເຂັມສີດ ຊຶ່ງເປັນກຸ່ມ ສ່ຽງສູງກຸ່ມສຸດທ້າຍທີ່ໄດ້ຖືກທົດ
ລອງ. Daniel Schearf ຜູ້ສື່ຂ່າວວີໂອເອ ລາຍງານຈາກບາງ
ກອກ ຊຶ່ງທອງປານມີລາຍລະອຽດມາສະເໜີທ່ານ.
ບັນດານັກຄົ້ນຄວ້າຈາກສະຫະລັດແລະໄທ ເວົ້າວ່າ ການທົດລອງທາງຄລີນິກ ກໍຄືທົດ
ລອງກັບຄົນເຈັບ ເພື່ອປະເມີນເບິ່ງປະສິດທິພາບຂອງຢາຊະນິດນຶ່ງ ເພື່ອປ້ອງກັນການ
ແຜ່ລາມຂອງເຊື້ອເອັຈໄອວີນັ້ນ ພົບວ່າ ສາມາດລົດອັດຕາຄວາມສ່ຽງການຕິດເຊື້ອລົງ
ໄດ້ 49 ເປີເຊັນ ໃນກຸ່ມຄົນ ທີ່ໃຊ້ຢາເສບຕິດດ້ວຍເຂັມສີດນັ້ນ.
ການສຶກສາຄົ້ນຄວ້າຂອງຢາຕ້ານເຊື້ອໄວຣັສ Tenofovir ໄດ້ເລີ່ມຕົ້ນໃນ ປີ 2005 ແລະໄດ້ທົດລອງກັບຊາຍແລະຍິງ ຫຼາຍກວ່າ 2,400 ຄົນ ທີ່ ໃຊ້ເຂັມສີດຢາເສບຕິດ ແຕ່ບໍ່ໄດ້ຕິດເຊື້ອເອັຈໄອວີ.
ເຄິ່ງນຶ່ງໃນຈໍານວນຍິງຊາຍດັ່ງກ່າວໃຫ້ໃຊ້ຢາ Tenofovir ແລະອີກເຄິ່ງນຶ່ງໃຫ້ໃຊ້ຢາ
ປອມ ແລະທັງສອງກຸ່ມໄດ້ຮັບຄໍາປຶກສາແນະນໍາ ກ່ຽວກັບຜົນຮ້າຍຂອງການໃຊ້ຢາເສບ ຕິດ ແລະການປ້ອງກັນເຊື້ອເອັຈໄອວີ. ຕໍ່ຈາກນັ້ນ ພວກເຂົາເຈົ້າກໍຖືກຕິດຕາມເບິ່ງເພື່ອ ໃຫ້ຮູ້ວ່າມີຈັກຄົນ ທີ່ຕິດເຊື້ອໄວຣັສດັ່ງກ່າວ.
ຜົນປະກົດວ່າ ພວກທີ່ກິນຢາປອມ ຕິດເຊື້ອເອັຈໄອວີ 33 ຄົນ ແລະພວກທີ່ກິນຢາຕ້ານ ເຊື້ອໄວຣັສ Tenofovir ຕິດເຊື້ອໂຣກນີ້ 17 ຄົນ ຊຶ່ງເປັນການຫຼຸດຄວາມສ່ຽງລົງໄດ້ 49 ເປີເຊັນ.
ພວກຄົນເຈັບທີ່ກິນຢາເປັນປະຈໍາບໍ່ຂາດນັ້ນ ແມ່ນມີລະດັບການປ້ອງກັນສູງທີ່ສຸດ ຊຶ່ງຫຼຸດຄວາມສ່ຽງໃນການຕິດເຊື້ອເອັຈໄອວີຂອງເຂົາເຈົ້າ ລົງໄດ້ເຖິງ 74 ເປີເຊັນ.
Dr. Michael Martin ຫົວໜ້າຝ່າຍຄົ້ນຄວ້າເຊື້ອເອັຈໄອວີ ຂອງສູນກາງຄວບຄຸມແລະ
ປ້ອງກັນພະຍາດຂອງສະຫະລັດ ປະຈໍາຫ້ອງການຂົງເຂດເອເຊຍຕາເວັນອອກສຽງໃຕ້
ເວົ້າວ່າ ຂະນະທີ່ພວກນັກຄົ້ນຄວ້າສືບຕໍ່ ພະຍາຍາມຄົ້ນຄ້ວາຫາຢາວັກຊີນທີ່ປ້ອງກັນ
ການຕິດເຊື້ອໄດ້ໂດຍທັງໝົດຢູ່ນັ້ນ ຢາຕ້ານເຊື້ອໂຣກ Tenofovir ກໍແມ່ນເປັນຕົວຢາ
ທີ່ໃຫ້ການປ້ອງກັນໄດ້ດີທີ່ສຸດ ເທົ່າເຖິງປັດຈຸບັນນີ້.
ທ່ານ ມາຕິນ ເວົ້າວ່າ: “ພວກເຮົາຮູ້ວ່າຢານີ້ສາມາດປ້ອງກັນການຕິດເຊື້ອໃນກຸ່ມ
ຄົນທີ່ໃຊ້ເຂັມສີດຢາເສບຕິດ ໃນກຸ່ມຜູ້ຊາຍທີ່ມີເພດສໍາພັນກັບຄົນເພດດຽວກັນ ແລະໃນກຸ່ມທີ່ມີເພດສໍາພັນກັບເພດກົງກັນຂ້າມ. ສະນັ້ນ ຈຶ່ງນັບວ່າເປັນຂ່າວ
ທີ່ດີຫຼາຍ ສໍາລັບການສາທາລະນະສຸກໃນທົ່ວໂລກ.”
ການສຶກສາຄົ້ນຄວ້າດັ່ງກ່າວແມ່ນໄດ້ດໍາເນີນການ ໂດຍສູນກາງຄວບຄຸມແລະປ້ອງກັນ
ພະຍາດຂອງສະຫະລັດ ໃນການຮ່ວມມືກັບຫ້ອງການປົກຄອງເຂດປະລິມົນທົນບາງ
ກອກ ແລະກະຊວງສາທາລະນະສຸກຂອງໄທ.
Kristie Kenney ເອກອັກຄະລັດຖະທູດສະຫະລັດປະຈໍາປະເທດໄທ ໄດ້ຊົມເຊີຍຜົນ ການຄົ້ນຄວ້າດັ່ງກ່າວ ວ່າເປັນອີກບາດກ້າວນຶ່ງໄປຂ້າງໜ້າ ໃນການຮ່ວມມືລະຫວ່າງ ສະຫະລັດແລະໄທ ເພື່ອກໍາຈັດຖອນຮາກເຊື້ອເອັຈໄອວີນັ້ນ.
ທ່ານນາງເອກອັກຄະລັດຖະທູດ Kenny ເວົ້າວ່າ: “ເປັນເວລາ 20 ປີມາແລ້ວ ທີ່ໄທ
ແລະສະຫະລັດໄດ້ຮ່ວມມືກັນກ່ຽວກັບເຊື້ອ ເອັຈໄອວີ-ເອດສ໌ ກ່ຽວກັບການຄົ້ນ
ຄວ້າ ການປ້ອງກັນ ໂດຍມີເປົ້າໝາຍຮ່ວມກັນວ່າ ຈະເຮັດໃຫ້ຄົນລຸ້ນຕໍ່ໄປ ປອດ
ເຊື້ອເອັຈໄອວີ-ເອດສ໌ 100 ເປີເຊັນ. ແລະຂ້າພະເຈົ້າຄິດວ່າ ມື້ນີ້ ພວກເຮົາກໍາ
ລັງເອົາບາດກ້າວທີ່ສໍາຄັນອີກບັ້ນນຶ່ງ ໄປໃນທິດທາງນັ້ນແລ້ວ.”
ຢາຕ້ານເຊື້ອໂຣກ Tenofovir ໄດ້ຮັບການອະນຸມັດໃຫ້ໃຊ້ໄດ້ຢູ່ໃນສະຫະລັດ ເພື່ອປິ່ນ ປົວເຊື້ອເອັຈໄອວີ ໃນປີ 2001 ແຕ່ກໍໄດ້ພິສູດໃຫ້ເຫັນພຽງເມື່ອບໍ່ດົນມານີ້ເອງວ່າສາມາດ ໃຊ້ເປັນຢາປ້ອງກັນໄດ້ ຢ່າງມີປະສິດທິຜົນ.
ການສຶກສາຄົ້ນຄວ້າບັ້ນນຶ່ງໃນປີ 2010 ຢູ່ໃນສະຫະລັດ ພົບວ່າ ໃນການໃຊ້ຢານີ້ຜະສົມ ກັບຢາອີກຊະນິດນຶ່ງນັ້ນ Tenofovir ສາມາດຫຼຸດຄວາມສ່ຽງຕໍ່ການຕິດເຊື້ອເອັຈໄອວີ
ໃນກຸ່ມຜູ້ຊາຍທີ່ມີເພດສໍາພັນກັບຊາຍດ້ວຍກັນນັ້ນ ລົງໄດ້ 44 ເປີເຊັນ. ການທົດລອງຢູ່
ໃນ ປະເທດ Botswana, Kenya ແລະ Uganda ສະແດງໃຫ້ເຫັນປະສິດທິພາບຂອງ
ຢານີ້ ໃນກຸ່ມຄົນມີເພດສໍາພັນກັບເພດກົງກັນຂ້າມ ແລະໃນກໍລະນີທີ່ຄູ່ຮ່ວມເພດຄົນນຶ່ງ ຕິດເຊື້ອເອັຈໄອວີ.
ພວກໃຊ້ຢາເສບຕິດດ້ວຍການສັກໃສ່ນັ້ນ ເປັນກຸ່ມທີ່ມີຄວາມສ່ຽງສູງກຸ່ມສຸດທ້າຍ ທີ່ໄດ້ ທົດລອງຢາ Tenofovir ໃນການທົດລອງຢູ່ບາງກອກ ປະເທດໄທ.
ການໃຊ້ຢາເສບຕິດດ້ວຍການສັກໃສ່ນັ້ນ ແມ່ນເປັນສາເຫດຂອງ 80 ເປີເຊັນຂອງພວກ ຕິດເຊື້ອເອັຈໄອວີລາຍໃໝ່ໃນຢູໂຣບຕາເວັນອອກແລະເອເຊຍກາງ, 8 ເປີເຊັນໃນ ສະຫະລັດ ແລະປະມານ 10 ເປີເຊັນ ໃນທົ່ວໂລກ.
ດຣ. ຂະຈິດ ຊູປັນຢາ ຜູ້ສໍາຫຼວດຫຼັກໃນການສຶກສາຄົ້ນຄວ້າດັ່ງກ່າວ ເວົ້າໃນກອງປະຊຸມ
ຖະແຫລງຂ່າວວ່າ ຜົນການຄົ້ນຄ້ວາສະແດງໃຫ້ເຫັນຢ່າງແຈ້ງຂາວວ່າ ການໃຊ້ຢານີ້ ເພື່ອປ້ອງກັນການຕິດເຊື້ອເອັຈໄປວີນັ້ນ ແມ່ນປອດໄພແລະໄດ້ຜົນດີ ໃນການຫຼຸດຜ່ອນການຕິດເຊື້ອໂຣກເອດສ໌ ໃນບັນດາພວກເສບຢາເສບຕິດທີ່ສັກໃສ່ເອົາ ແລະໃນພວກ
ກຸ່ມທີ່ມີຄວາມສ່ຽງສູງທັງໝົດ.
ທ່ານຂະຈິດກ່າວຕໍ່ໄປວ່າ ສະນັ້ນ ບັດນີ້ມັນກໍຂຶ້ນຢູ່ກັບລັດຖະບານຕ່າງໆ ທີ່ຈະນໍາໃຊ້ຢານີ້
ເຂົ້າໃນລະບົບການຮັກສາສຸຂະພາບຂອງພວກເຂົາເຈົ້າ.
Dr. Kachit ເວົ້າວ່າ: “ແລະພວກເຮົາສາມາດຊ່ວຍຊີວິດຂອງພວກເຂົາເຈົ້າ
ໄວ້ໄດ້. ຂ້າພະເຈົ້າຄິດວ່າ ທຸກໆຄົນ ບໍ່ແມ່ນແຕ່ໄທ ແຕ່ທຸກໆປະເທດ ກໍຄວນ
ຈະເຮັດສິ່ງນີ້ນໍາກັນ.”
ປະເມີນກັນວ່າ ມີ 30 ຫາ 50 ເປີເຊັນ ຂອງພວກທີ່ໃຊ້ຢາເສບຕິດດ້ວຍການສັກໃສ່ ທີ່ຕິດ
ເຊື້ອເອັຈໄອວີ ຢູ່ໃນໄທ.
ພວກທີ່ປະກອບສ່ວນໃນການທົດລອງດັ່ງກ່າວນີ້ ລາຍງານວ່າ ການສັກຢາເສບຕິດ ແລະການໃຊ້ເຂັມສັກຮ່ວມກັນ ແລະການມີເພດສໍາພັນໂດຍບໍ່ມີການປ້ອງກັນ ຫຼືບໍ່ໃສ່ ຖົງຢາງອະນາໄມນັ້ນ ໄດ້ຫຼຸດຕໍ່າລົງ. ພວກນັກຄົ້ນຄວ້າເວົ້າວ່າ ນັ້ນກໍຊີ້ໃຫ້ເຫັນວ່າ ການ ໃຫ້ຄໍາແນະນໍາ ແລະການໃຫ້ຄວາມຮູ້ ກ່ຽວກັບເຊື້ອເອັຈໄອວີ ກໍຍັງສືບຕໍ່ເປັນວິທີການ ປ້ອງກັນທີ່ມີປະສິດທິຜົນທີ່ສຸດ ວິທີນຶ່ງ.
ຄົນເຈັບ ເພື່ອປະເມີນເບິ່ງປະສິດທິພາບຂອງຢານັ້ນ ໄດ້ສະຫຼູບ
ຜົນວ່າ ຢາຊະນິດນຶ່ງ ທີ່ໃຊ້ປິ່ນປົວພວກຄົນເຈັບທີ່ຕິດເຊື້ອເອັຈ
ໄອວີນັ້ນ ຍັງສາມາດໃຊ້ເປັນຕົວຢາ ປ້ອງກັນຢ່າງໄດ້ຜົນ ສໍາລັບທຸກກຸ່ມຄົນທີ່ມີຄວາມສ່ຽງສູງ ຕໍ່ການທີ່ຈະຕິດແປດເຊື້ອໄວຣັສ ທີ່ພາໃຫ້ເປັນໂຣກເອດສ໌ນັ້ນ. ການສຶກສາຄົ້ນຄວ້າທີ່ສະໜັບ ສະໜຸນໂດຍສະຫະລັດພົບວ່າ ຢາ Tenofovir ຊຶ່ງເປັນຢາຕ້ານ
ການກັບຄືນມາຂອງເຊື້ອໄວຣັສນັ້ນ ສາມາດຫຼຸດຄວາມສ່ຽງຕໍ່
ການຕິດເຊື້ອເອັຈ ໄອວີ ລົງໄດ້ເຄິ່ງນຶ່ງ ໃນກຸ່ມຄົນທີ່ໃຊ້ຢາເສບ
ຕິດທີ່ໃຊ້ເຂັມສີດ ຊຶ່ງເປັນກຸ່ມ ສ່ຽງສູງກຸ່ມສຸດທ້າຍທີ່ໄດ້ຖືກທົດ
ລອງ. Daniel Schearf ຜູ້ສື່ຂ່າວວີໂອເອ ລາຍງານຈາກບາງ
ກອກ ຊຶ່ງທອງປານມີລາຍລະອຽດມາສະເໜີທ່ານ.
ບັນດານັກຄົ້ນຄວ້າຈາກສະຫະລັດແລະໄທ ເວົ້າວ່າ ການທົດລອງທາງຄລີນິກ ກໍຄືທົດ
ລອງກັບຄົນເຈັບ ເພື່ອປະເມີນເບິ່ງປະສິດທິພາບຂອງຢາຊະນິດນຶ່ງ ເພື່ອປ້ອງກັນການ
ແຜ່ລາມຂອງເຊື້ອເອັຈໄອວີນັ້ນ ພົບວ່າ ສາມາດລົດອັດຕາຄວາມສ່ຽງການຕິດເຊື້ອລົງ
ໄດ້ 49 ເປີເຊັນ ໃນກຸ່ມຄົນ ທີ່ໃຊ້ຢາເສບຕິດດ້ວຍເຂັມສີດນັ້ນ.
ການສຶກສາຄົ້ນຄວ້າຂອງຢາຕ້ານເຊື້ອໄວຣັສ Tenofovir ໄດ້ເລີ່ມຕົ້ນໃນ ປີ 2005 ແລະໄດ້ທົດລອງກັບຊາຍແລະຍິງ ຫຼາຍກວ່າ 2,400 ຄົນ ທີ່ ໃຊ້ເຂັມສີດຢາເສບຕິດ ແຕ່ບໍ່ໄດ້ຕິດເຊື້ອເອັຈໄອວີ.
ເຄິ່ງນຶ່ງໃນຈໍານວນຍິງຊາຍດັ່ງກ່າວໃຫ້ໃຊ້ຢາ Tenofovir ແລະອີກເຄິ່ງນຶ່ງໃຫ້ໃຊ້ຢາ
ປອມ ແລະທັງສອງກຸ່ມໄດ້ຮັບຄໍາປຶກສາແນະນໍາ ກ່ຽວກັບຜົນຮ້າຍຂອງການໃຊ້ຢາເສບ ຕິດ ແລະການປ້ອງກັນເຊື້ອເອັຈໄອວີ. ຕໍ່ຈາກນັ້ນ ພວກເຂົາເຈົ້າກໍຖືກຕິດຕາມເບິ່ງເພື່ອ ໃຫ້ຮູ້ວ່າມີຈັກຄົນ ທີ່ຕິດເຊື້ອໄວຣັສດັ່ງກ່າວ.
ຜົນປະກົດວ່າ ພວກທີ່ກິນຢາປອມ ຕິດເຊື້ອເອັຈໄອວີ 33 ຄົນ ແລະພວກທີ່ກິນຢາຕ້ານ ເຊື້ອໄວຣັສ Tenofovir ຕິດເຊື້ອໂຣກນີ້ 17 ຄົນ ຊຶ່ງເປັນການຫຼຸດຄວາມສ່ຽງລົງໄດ້ 49 ເປີເຊັນ.
ພວກຄົນເຈັບທີ່ກິນຢາເປັນປະຈໍາບໍ່ຂາດນັ້ນ ແມ່ນມີລະດັບການປ້ອງກັນສູງທີ່ສຸດ ຊຶ່ງຫຼຸດຄວາມສ່ຽງໃນການຕິດເຊື້ອເອັຈໄອວີຂອງເຂົາເຈົ້າ ລົງໄດ້ເຖິງ 74 ເປີເຊັນ.
Dr. Michael Martin ຫົວໜ້າຝ່າຍຄົ້ນຄວ້າເຊື້ອເອັຈໄອວີ ຂອງສູນກາງຄວບຄຸມແລະ
ປ້ອງກັນພະຍາດຂອງສະຫະລັດ ປະຈໍາຫ້ອງການຂົງເຂດເອເຊຍຕາເວັນອອກສຽງໃຕ້
ເວົ້າວ່າ ຂະນະທີ່ພວກນັກຄົ້ນຄວ້າສືບຕໍ່ ພະຍາຍາມຄົ້ນຄ້ວາຫາຢາວັກຊີນທີ່ປ້ອງກັນ
ການຕິດເຊື້ອໄດ້ໂດຍທັງໝົດຢູ່ນັ້ນ ຢາຕ້ານເຊື້ອໂຣກ Tenofovir ກໍແມ່ນເປັນຕົວຢາ
ທີ່ໃຫ້ການປ້ອງກັນໄດ້ດີທີ່ສຸດ ເທົ່າເຖິງປັດຈຸບັນນີ້.
ທ່ານ ມາຕິນ ເວົ້າວ່າ: “ພວກເຮົາຮູ້ວ່າຢານີ້ສາມາດປ້ອງກັນການຕິດເຊື້ອໃນກຸ່ມ
ຄົນທີ່ໃຊ້ເຂັມສີດຢາເສບຕິດ ໃນກຸ່ມຜູ້ຊາຍທີ່ມີເພດສໍາພັນກັບຄົນເພດດຽວກັນ ແລະໃນກຸ່ມທີ່ມີເພດສໍາພັນກັບເພດກົງກັນຂ້າມ. ສະນັ້ນ ຈຶ່ງນັບວ່າເປັນຂ່າວ
ທີ່ດີຫຼາຍ ສໍາລັບການສາທາລະນະສຸກໃນທົ່ວໂລກ.”
ການສຶກສາຄົ້ນຄວ້າດັ່ງກ່າວແມ່ນໄດ້ດໍາເນີນການ ໂດຍສູນກາງຄວບຄຸມແລະປ້ອງກັນ
ພະຍາດຂອງສະຫະລັດ ໃນການຮ່ວມມືກັບຫ້ອງການປົກຄອງເຂດປະລິມົນທົນບາງ
ກອກ ແລະກະຊວງສາທາລະນະສຸກຂອງໄທ.
Kristie Kenney ເອກອັກຄະລັດຖະທູດສະຫະລັດປະຈໍາປະເທດໄທ ໄດ້ຊົມເຊີຍຜົນ ການຄົ້ນຄວ້າດັ່ງກ່າວ ວ່າເປັນອີກບາດກ້າວນຶ່ງໄປຂ້າງໜ້າ ໃນການຮ່ວມມືລະຫວ່າງ ສະຫະລັດແລະໄທ ເພື່ອກໍາຈັດຖອນຮາກເຊື້ອເອັຈໄອວີນັ້ນ.
ທ່ານນາງເອກອັກຄະລັດຖະທູດ Kenny ເວົ້າວ່າ: “ເປັນເວລາ 20 ປີມາແລ້ວ ທີ່ໄທ
ແລະສະຫະລັດໄດ້ຮ່ວມມືກັນກ່ຽວກັບເຊື້ອ ເອັຈໄອວີ-ເອດສ໌ ກ່ຽວກັບການຄົ້ນ
ຄວ້າ ການປ້ອງກັນ ໂດຍມີເປົ້າໝາຍຮ່ວມກັນວ່າ ຈະເຮັດໃຫ້ຄົນລຸ້ນຕໍ່ໄປ ປອດ
ເຊື້ອເອັຈໄອວີ-ເອດສ໌ 100 ເປີເຊັນ. ແລະຂ້າພະເຈົ້າຄິດວ່າ ມື້ນີ້ ພວກເຮົາກໍາ
ລັງເອົາບາດກ້າວທີ່ສໍາຄັນອີກບັ້ນນຶ່ງ ໄປໃນທິດທາງນັ້ນແລ້ວ.”
ຢາຕ້ານເຊື້ອໂຣກ Tenofovir ໄດ້ຮັບການອະນຸມັດໃຫ້ໃຊ້ໄດ້ຢູ່ໃນສະຫະລັດ ເພື່ອປິ່ນ ປົວເຊື້ອເອັຈໄອວີ ໃນປີ 2001 ແຕ່ກໍໄດ້ພິສູດໃຫ້ເຫັນພຽງເມື່ອບໍ່ດົນມານີ້ເອງວ່າສາມາດ ໃຊ້ເປັນຢາປ້ອງກັນໄດ້ ຢ່າງມີປະສິດທິຜົນ.
ການສຶກສາຄົ້ນຄວ້າບັ້ນນຶ່ງໃນປີ 2010 ຢູ່ໃນສະຫະລັດ ພົບວ່າ ໃນການໃຊ້ຢານີ້ຜະສົມ ກັບຢາອີກຊະນິດນຶ່ງນັ້ນ Tenofovir ສາມາດຫຼຸດຄວາມສ່ຽງຕໍ່ການຕິດເຊື້ອເອັຈໄອວີ
ໃນກຸ່ມຜູ້ຊາຍທີ່ມີເພດສໍາພັນກັບຊາຍດ້ວຍກັນນັ້ນ ລົງໄດ້ 44 ເປີເຊັນ. ການທົດລອງຢູ່
ໃນ ປະເທດ Botswana, Kenya ແລະ Uganda ສະແດງໃຫ້ເຫັນປະສິດທິພາບຂອງ
ຢານີ້ ໃນກຸ່ມຄົນມີເພດສໍາພັນກັບເພດກົງກັນຂ້າມ ແລະໃນກໍລະນີທີ່ຄູ່ຮ່ວມເພດຄົນນຶ່ງ ຕິດເຊື້ອເອັຈໄອວີ.
ພວກໃຊ້ຢາເສບຕິດດ້ວຍການສັກໃສ່ນັ້ນ ເປັນກຸ່ມທີ່ມີຄວາມສ່ຽງສູງກຸ່ມສຸດທ້າຍ ທີ່ໄດ້ ທົດລອງຢາ Tenofovir ໃນການທົດລອງຢູ່ບາງກອກ ປະເທດໄທ.
ການໃຊ້ຢາເສບຕິດດ້ວຍການສັກໃສ່ນັ້ນ ແມ່ນເປັນສາເຫດຂອງ 80 ເປີເຊັນຂອງພວກ ຕິດເຊື້ອເອັຈໄອວີລາຍໃໝ່ໃນຢູໂຣບຕາເວັນອອກແລະເອເຊຍກາງ, 8 ເປີເຊັນໃນ ສະຫະລັດ ແລະປະມານ 10 ເປີເຊັນ ໃນທົ່ວໂລກ.
ດຣ. ຂະຈິດ ຊູປັນຢາ ຜູ້ສໍາຫຼວດຫຼັກໃນການສຶກສາຄົ້ນຄວ້າດັ່ງກ່າວ ເວົ້າໃນກອງປະຊຸມ
ຖະແຫລງຂ່າວວ່າ ຜົນການຄົ້ນຄ້ວາສະແດງໃຫ້ເຫັນຢ່າງແຈ້ງຂາວວ່າ ການໃຊ້ຢານີ້ ເພື່ອປ້ອງກັນການຕິດເຊື້ອເອັຈໄປວີນັ້ນ ແມ່ນປອດໄພແລະໄດ້ຜົນດີ ໃນການຫຼຸດຜ່ອນການຕິດເຊື້ອໂຣກເອດສ໌ ໃນບັນດາພວກເສບຢາເສບຕິດທີ່ສັກໃສ່ເອົາ ແລະໃນພວກ
ກຸ່ມທີ່ມີຄວາມສ່ຽງສູງທັງໝົດ.
ທ່ານຂະຈິດກ່າວຕໍ່ໄປວ່າ ສະນັ້ນ ບັດນີ້ມັນກໍຂຶ້ນຢູ່ກັບລັດຖະບານຕ່າງໆ ທີ່ຈະນໍາໃຊ້ຢານີ້
ເຂົ້າໃນລະບົບການຮັກສາສຸຂະພາບຂອງພວກເຂົາເຈົ້າ.
Dr. Kachit ເວົ້າວ່າ: “ແລະພວກເຮົາສາມາດຊ່ວຍຊີວິດຂອງພວກເຂົາເຈົ້າ
ໄວ້ໄດ້. ຂ້າພະເຈົ້າຄິດວ່າ ທຸກໆຄົນ ບໍ່ແມ່ນແຕ່ໄທ ແຕ່ທຸກໆປະເທດ ກໍຄວນ
ຈະເຮັດສິ່ງນີ້ນໍາກັນ.”
ປະເມີນກັນວ່າ ມີ 30 ຫາ 50 ເປີເຊັນ ຂອງພວກທີ່ໃຊ້ຢາເສບຕິດດ້ວຍການສັກໃສ່ ທີ່ຕິດ
ເຊື້ອເອັຈໄອວີ ຢູ່ໃນໄທ.
ພວກທີ່ປະກອບສ່ວນໃນການທົດລອງດັ່ງກ່າວນີ້ ລາຍງານວ່າ ການສັກຢາເສບຕິດ ແລະການໃຊ້ເຂັມສັກຮ່ວມກັນ ແລະການມີເພດສໍາພັນໂດຍບໍ່ມີການປ້ອງກັນ ຫຼືບໍ່ໃສ່ ຖົງຢາງອະນາໄມນັ້ນ ໄດ້ຫຼຸດຕໍ່າລົງ. ພວກນັກຄົ້ນຄວ້າເວົ້າວ່າ ນັ້ນກໍຊີ້ໃຫ້ເຫັນວ່າ ການ ໃຫ້ຄໍາແນະນໍາ ແລະການໃຫ້ຄວາມຮູ້ ກ່ຽວກັບເຊື້ອເອັຈໄອວີ ກໍຍັງສືບຕໍ່ເປັນວິທີການ ປ້ອງກັນທີ່ມີປະສິດທິຜົນທີ່ສຸດ ວິທີນຶ່ງ.
