ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ສານຍົກຟ້ອງບາງຂໍ້ຫາ ຕໍ່ນັກຄ້າອາວຸດຣັດເຊຍ


ນາຍ Viktor Bout ຜູ້ຕ້ອງສົງໄສ ນັກຄ້າອາວຸດຊາວຣັດເຊຍ
ນາຍ Viktor Bout ຜູ້ຕ້ອງສົງໄສ ນັກຄ້າອາວຸດຊາວຣັດເຊຍ

ສານແຫ່ງນຶ່ງຂອງໄທໄດ້ຍົກຟ້ອງ ຂໍ້ຫາຟອກເງິນແລະ ສໍ້ໂກງຫຼອກລວງ ທາງອີເລັກໂທຣນິກ ຕໍ່ຜູ້ຕ້ອງຫາວ່າ ເປັນນັກຄ້າອາວຸດຊາວຣັດເຊຍ ນາຍ Viktor Bout ນັ້ນ ໂດຍອ້າງວ່າ ບໍ່ມີຫຼັກຖານພຽງພໍ ຊຶ່ງເຮັດໃຫ້ຜູ້ກ່ຽວໃກ້ຈະ ຖືກສົ່ງໂຕ ມາໃຫ້ສະຫະລັດແລ້ວ.

ສານສູງສຸດຂອງໄທ ໄດ້ຕັດສິນໃນເດືອນສິງຫາຜ່ານມານີ້ ວ່າ ນາຍ Bout ຄວນຈະຖືກສົ່ງໂຕໃຫ້ທາງການສະຫະ ລັດ ໃນຂໍ້ຫາຊຸດ​ນຶ່ງ ທີ່ໄດ້ມີການຟ້ອງຮ້ອງກ່ອນນັ້ນ ແຕ່ ສະຫະລັດໄດ້ຍື່ນຂໍ້ຫາໃໝ່ເພີ້ມຕື່ມ ບໍ່ດົນກ່ອນການຕັດ ສິນຂອງສານສູງສຸດ ຍ້ອນຢ້ານວ່າສານ​ຈະຕັດສິນໄປໃນ ທາງທີ່​ບໍ່​ເປັນ​ຜົນ​ດີ​ຕໍ່​ຕົນ.

ໃນວັນອັງຄານມື້ນີ້ ສານອາຍາຂອງໄທທີ່ບາງກອກ ໄດ້ຍົກ ເລີກການດຳເນີນການທາງກົດໝາຍທີ່ກ່ຽວຂ້ອງພົວພັນ ກັບຂໍ້ຫາໃໝ່.

ນາຍ Bout ອາຍຸ 43 ປີ ຊຶ່ງມີຊື່ເຫຼັ້ນວ່າ ພໍ່ຄ້າມໍລະນະນັ້ນ ໄດ້ຖືກຈັບຢູ່​ໄທ ໃນການ ປະຕິບັດງານ ພາຍໃຕ້ການນຳພາຂອງສະຫະລັດ ໃນເດືອນມີນາ ປີ 2008.

XS
SM
MD
LG