BANGKOK —
ຫົວໜ້າອົງການແຮງງານສາກົນ
International Labor Organization ຫຼື ILO ຂໍຮ້ອງໃຫ້
ໄທຕໍ່ກໍານົດວັນເສັ້ນຕາຍໃນວັນສຸກແລ້ວນີ້ ສໍາລັບໃຫ້ພວກ
ຄົນງານຕ່າງດ້າວໄປປະກອບເອກະສານຢູ່ໃນໄທຢ່າງຖືກຕ້ອງ
ຫລືປະເຊີນກັບການຖືກເນລະເທດ. ໄທໄດ້ຂູ່ທີ່ຈະເນລະເທດ
ຄົນງານຊາວຕ່າງດ້າວ ຫຼາຍກວ່ານຶ່ງລ້ານຄົນ ຊຶ່ງສ່ວນໃຫຍ່ແມ່ນຈາກມຽນມາ ພວກທີ່ຍັງ
ບໍ່ທັນໄດ້ທໍາການພິສູດສັນຊາດ ທີ່ບັນດານັກເຄື່ອນໄຫວເວົ້າວ່າ ເປັນຂັ້ນຕອນທີ່ມີຄວາມຂາດຕົກບົກຜ່ອງນັ້ນ. ອົງການສະຫະປະຊາຊາດຄັດຄ້ານແຜນການເນລະເທດໝູ່ດັ່ງກ່າວ ແລະຈະຮຽກຮ້ອງໃຫ້ມີການທົບທວນນະໂຍບາຍວ່າດ້ວຍຄົນງານຊາວຕ່າງດ້າວຂອງໄທ
ນັ້ນຄືນໃໝ່.
ທ່ານ Guy Rider ຜູ້ອໍານວຍການໃຫຍ່ ILO ໄດ້ຜັກດັນໃຫ້ໄທ ຕໍ່ກໍານົດວັນເສັ້ນຕາຍ
ອອກໄປອີກ ສໍາລັບການຈົດທະບຽນຄົນງານຊາວຕ່າງດ້າວ ເວລາທ່ານພົບປະກັບລັດ
ຖະມົນຕີກະຊວງແຮງງານໄທ ເປັນເທື່ອທີ່ສອງ ໃນວັນເສົາແລ້ວນີ້.
ການຢ້ຽມຢາມໄທຂອງທ່ານ Ryder ມີຂຶ້ນ ພໍດີກັບວັນກໍານົດເສັ້ນຕາຍ ຄື ວັນທີ 14 ທັນວາ ສໍາລັບໃຫ້ພວກຄົນງານຊາວຕ່າງດ້າວທັງໝົດມີເອກະສານຢ່າງຖືກຕ້ອງ ບໍ່ດັ່ງນັ້ນກໍຈະຖືກ ເນລະເທດ.
ປັດຈຸບັນນີ້ ໄທມີຄົນງານຊາວຕ່າງດ້າວຢູ່ ປະມານສອງລ້ານຫ້າແສນຄົນ ສ່ວນໃຫຍ່ແມ່ນ ຈາກມຽນມາ ແຕ່ໃນຈໍານວນດັ່ງກ່າວນີ້ປາກົດວ່າ ມີພຽງເຄິ່ງນຶ່ງເທົ່ານັ້ນ ທີ່ໄດ້ຍື່ນປະກອບ ເອກະສານພິສູດສັນຊາດ ສໍາເລັດໄປແລ້ວ.
ບັນດາເຈົ້າໜ້າທີ່ກະຊວງແຮງງານໄທ ໄດ້ຕໍ່ອາຍຸວັນເສັ້ນຕາຍມາຫຼາຍຄັ້ງແລ້ວ ແຕ່ເທື່ອ ລ້າສຸດນີ້ ເບິ່ງຊົງວ່າໄທຈະເອົາຈິງ.
ສະຫະພັນການຄ້າໄທ ທີ່ເພິ່ງພາແຮງງານທີ່ຖືກກວ່າຈາກຕ່າງປະເທດ ວິຕົກວ່າ ຖ້າຫາກມີການເນລະເທດແທ້ ມັນກໍຈະສົ່ງຜົນກະທົບຕໍ່ທຸລະກິດຂອງພວກເຂົາເຈົ້າຢ່າງໃຫຍ່.
ມີຄົນງານຊາວຕ່າງດ້າວປະມານ 350,000 ຄົນທີ່ໄດ້ຈົດທະບຽນການພິສູດສັນຊາດສໍາ ເລັດແລ້ວ ແຕ່ພວກເຂົາເຈົ້າຍັງບໍ່ທັນໄດ້ຮັບເອກກະສານຈາກທາງການໄທເທື່ອ. ແຕ່ບັນ ດາເຈົ້າໜ້າທີ່ໄທ ກໍຍັງຂູ່ທີ່ຈະເນລະເທດພວກຄົນເຫລົ່ານີ້ນໍາ.
ທ່ານ Nilim Baruah ຊ່ຽວຊານອາວຸໂສດ້ານຄົນງານຕ່າງດ້າວຂອງອົງການ ILO ປະຈໍາ ພາກພື້ນເອເຊຍປາຊິຟິກ ກ່າວວ່າ ເຖິງແມ່ນປະເທດ ຕ່າງໆມີສິດເນລະເທດພວກຄົນຕ່າງ ດ້າວຜິດກົດໝາຍກໍຈິງຢູ່ ແຕ່ພວກເຂົາເຈົ້າກໍຄວນເຮັດໃຫ້ຖືກຕ້ອງຕາມມາດຕະຖານສິດທິ ມະນຸດສາກົນ ຄືຮັບປະກັນວ່າພວກຄົນງານໄດ້ຮັບຄ່າແຮງທັງໝົດທີ່ຍັງຕິດຄ້າງເຂົາເຈົ້າຢູ່ ແລະດໍາເນີນການເນລະເທດ ໂດຍບໍ່ຄິດຄ່າໃດໆຈາກພວກຄົນງານ. ທ່ານ ບາຣົວ ເວົ້າວ່າ:
“ເວົ້າເລຶ່ອງການເນລະເທດນັ້ນ ບໍ່ໜ້າຈະເປັນຈໍານວນຫຼວງຫຼາຍບາດດຽວ ຫຼືແບບ ເປັນກຸ່ມ ແລະກໍຄວນຈະມີຂັ້ນຕອນການ ຂໍອຸທອນໄດ້ ໃນກໍລະນີທີ່ມີການເນລະ ເທດເກີດຂຶ້ນ.”
ພວກຄົນງານຊາວຕ່າງດ້າວ ຖືວ່າເປັນກະດູກສັນຫຼັງຂອງໄທ ສໍາລັບທຸລະກິດການກໍ່ສ້າງ ໂຮງຈັກໂຮງງານ ການປະມົງ ແລະການເກັບໝາກໄມ້ ເປັນຕົ້ນ ແຕ່ພວກຄົນງານເຫຼົ່ານີ້ ສ່ວນຫຼາຍບໍ່ມີເອກະສານຢ່າງຖືກຕ້ອງຕາມກົດໝາຍ ແລະການທີ່ມີສະຖານະພາບບໍ່ຖືກ ຕ້ອງຕາມກົດໝາຍຂອງພວກເຂົາເຈົ້ານັ້ນ ກໍເຮັດໃຫ້ພວກເຂົາເຈົ້າຕົກຢູ່ໃນສະພາບທີ່ຖືກລະເມີດສິດທິ ຫຼືຖືກຂູດຮີດແຮງງານໄດ້ງ່າຍ.
ໂຄງການພິສູດສັນຊາດຂອງໄທ ໄດ້ພະຍາຍາມຫາວິທີພິທັກປົກປ້ອງພວກຊາວຕ່າງດ້າວ ໂດຍການປະຕິບັດງານຮ່ວມກັນກັບບັນດາປະເທດເພື່ອນບ້ານ ເພື່ອອອກໜັງສືຜ່ານແດນ ຊົ່ວຄາວໃຫ້ພວກເຂົາເຈົ້າ ເພື່ອໃຫ້ພວກເຂົາເຈົ້າສາມາດຍື່ນຂໍ ໃບອະນຸຍາດເຮັດວຽກໄດ້.
ແຕ່ໂຄງການດັ່ງກ່າວນີ້ ດໍາເນີນໄປຢ່າງຊັກຊ້າ ສິ້ນເປືອງຄ່າໃຊ້ຈ່າຍຫຼາຍ ແລະກໍຍັງຕ້ອງ ການການສະໜັບສະໜຸນຈາກພວກນາຍຈ້າງນໍາອີກ. ບັນດານັກເຄື່ອນໄຫວເວົ້າວ່າ ເຖິງແມ່ນຈະມີເຈດຕະນາດີສໍາລັບພວກຄົນງານຕ່າງດ້າວກໍຕາມ ແຕ່ໂຄງການນີ້ກໍເຮັດໃຫ້ ພວກນາຍຈ້າງມີທ່າອ່ຽງທີ່ບໍ່ຢາກໃຫ້ຄົນງານຂອງຕົນໄປເຮັດເອກະສານ ແລະເຮັດໃຫ້ ພວກນາຍໜ້າ ຄິດໄລ່ເອົາເງິນຈາກພວກຄົນງານ ໃນຈໍານວນເທົ່າກັບຄ່າຈ້າງຂອງພວກເຂົາເຈົ້າຫຼາຍໆເດືອນ ສໍາລັບຊ່ວຍເຫຼືອພວກເຂົາເຈົ້າໃຫ້ໄດ້ຮັບເອກະສານ ຖືກຕ້ອງຕາມ ກົດໝາຍນັ້ນ.
ທ່ານ ບາຣົວ ກ່າວຕໍ່ໄປວ່າ ILO ຢາກຈະເຫັນກົດໝາຍໄທປ່ຽນແປງ ເພື່ອພິທັກປົກປ້ອງ ພວກຄົນງານຊາວຕ່າງດ້າວ ໃຫ້ດີຂຶ້ນກວ່າເກົ່າ. ທ່ານບາຣົວ ກ່າວມ້ວນທ້າຍວ່າ
“ກົດໝາຍວ່າດ້ວຍຜູ້ຊອກຫາວຽກການເຮັດ ແລະການເກນຄົນງານ ຄວນຈະຖືກ ດັດແກ້ໃໝ່ ເພື່ອຮວມເອົາກົດລະບຽບ ກ່ຽວກັບການເກນເອົາພວກຄົນງານທີ່ຈະ
ເຂົ້າມາໃນປະເທດ. ປະການທີ່ສອງ ຂ້າພະເຈົ້າຄິດວ່າຄວນຈະມີກົນໄກການຮ້ອງ
ທຸກ ທີ່ມີປະສິດທິຜົນ.”
ເບິ່ງວີດິໂອກ່ຽວກັບຄົນງານຕ່າງດ້າວຊາວມຽນມາໃນໄທ:
International Labor Organization ຫຼື ILO ຂໍຮ້ອງໃຫ້
ໄທຕໍ່ກໍານົດວັນເສັ້ນຕາຍໃນວັນສຸກແລ້ວນີ້ ສໍາລັບໃຫ້ພວກ
ຄົນງານຕ່າງດ້າວໄປປະກອບເອກະສານຢູ່ໃນໄທຢ່າງຖືກຕ້ອງ
ຫລືປະເຊີນກັບການຖືກເນລະເທດ. ໄທໄດ້ຂູ່ທີ່ຈະເນລະເທດ
ຄົນງານຊາວຕ່າງດ້າວ ຫຼາຍກວ່ານຶ່ງລ້ານຄົນ ຊຶ່ງສ່ວນໃຫຍ່ແມ່ນຈາກມຽນມາ ພວກທີ່ຍັງ
ບໍ່ທັນໄດ້ທໍາການພິສູດສັນຊາດ ທີ່ບັນດານັກເຄື່ອນໄຫວເວົ້າວ່າ ເປັນຂັ້ນຕອນທີ່ມີຄວາມຂາດຕົກບົກຜ່ອງນັ້ນ. ອົງການສະຫະປະຊາຊາດຄັດຄ້ານແຜນການເນລະເທດໝູ່ດັ່ງກ່າວ ແລະຈະຮຽກຮ້ອງໃຫ້ມີການທົບທວນນະໂຍບາຍວ່າດ້ວຍຄົນງານຊາວຕ່າງດ້າວຂອງໄທ
ນັ້ນຄືນໃໝ່.
ທ່ານ Guy Rider ຜູ້ອໍານວຍການໃຫຍ່ ILO ໄດ້ຜັກດັນໃຫ້ໄທ ຕໍ່ກໍານົດວັນເສັ້ນຕາຍ
ອອກໄປອີກ ສໍາລັບການຈົດທະບຽນຄົນງານຊາວຕ່າງດ້າວ ເວລາທ່ານພົບປະກັບລັດ
ຖະມົນຕີກະຊວງແຮງງານໄທ ເປັນເທື່ອທີ່ສອງ ໃນວັນເສົາແລ້ວນີ້.
ການຢ້ຽມຢາມໄທຂອງທ່ານ Ryder ມີຂຶ້ນ ພໍດີກັບວັນກໍານົດເສັ້ນຕາຍ ຄື ວັນທີ 14 ທັນວາ ສໍາລັບໃຫ້ພວກຄົນງານຊາວຕ່າງດ້າວທັງໝົດມີເອກະສານຢ່າງຖືກຕ້ອງ ບໍ່ດັ່ງນັ້ນກໍຈະຖືກ ເນລະເທດ.
ປັດຈຸບັນນີ້ ໄທມີຄົນງານຊາວຕ່າງດ້າວຢູ່ ປະມານສອງລ້ານຫ້າແສນຄົນ ສ່ວນໃຫຍ່ແມ່ນ ຈາກມຽນມາ ແຕ່ໃນຈໍານວນດັ່ງກ່າວນີ້ປາກົດວ່າ ມີພຽງເຄິ່ງນຶ່ງເທົ່ານັ້ນ ທີ່ໄດ້ຍື່ນປະກອບ ເອກະສານພິສູດສັນຊາດ ສໍາເລັດໄປແລ້ວ.
ບັນດາເຈົ້າໜ້າທີ່ກະຊວງແຮງງານໄທ ໄດ້ຕໍ່ອາຍຸວັນເສັ້ນຕາຍມາຫຼາຍຄັ້ງແລ້ວ ແຕ່ເທື່ອ ລ້າສຸດນີ້ ເບິ່ງຊົງວ່າໄທຈະເອົາຈິງ.
ສະຫະພັນການຄ້າໄທ ທີ່ເພິ່ງພາແຮງງານທີ່ຖືກກວ່າຈາກຕ່າງປະເທດ ວິຕົກວ່າ ຖ້າຫາກມີການເນລະເທດແທ້ ມັນກໍຈະສົ່ງຜົນກະທົບຕໍ່ທຸລະກິດຂອງພວກເຂົາເຈົ້າຢ່າງໃຫຍ່.
ມີຄົນງານຊາວຕ່າງດ້າວປະມານ 350,000 ຄົນທີ່ໄດ້ຈົດທະບຽນການພິສູດສັນຊາດສໍາ ເລັດແລ້ວ ແຕ່ພວກເຂົາເຈົ້າຍັງບໍ່ທັນໄດ້ຮັບເອກກະສານຈາກທາງການໄທເທື່ອ. ແຕ່ບັນ ດາເຈົ້າໜ້າທີ່ໄທ ກໍຍັງຂູ່ທີ່ຈະເນລະເທດພວກຄົນເຫລົ່ານີ້ນໍາ.
ທ່ານ Nilim Baruah ຊ່ຽວຊານອາວຸໂສດ້ານຄົນງານຕ່າງດ້າວຂອງອົງການ ILO ປະຈໍາ ພາກພື້ນເອເຊຍປາຊິຟິກ ກ່າວວ່າ ເຖິງແມ່ນປະເທດ ຕ່າງໆມີສິດເນລະເທດພວກຄົນຕ່າງ ດ້າວຜິດກົດໝາຍກໍຈິງຢູ່ ແຕ່ພວກເຂົາເຈົ້າກໍຄວນເຮັດໃຫ້ຖືກຕ້ອງຕາມມາດຕະຖານສິດທິ ມະນຸດສາກົນ ຄືຮັບປະກັນວ່າພວກຄົນງານໄດ້ຮັບຄ່າແຮງທັງໝົດທີ່ຍັງຕິດຄ້າງເຂົາເຈົ້າຢູ່ ແລະດໍາເນີນການເນລະເທດ ໂດຍບໍ່ຄິດຄ່າໃດໆຈາກພວກຄົນງານ. ທ່ານ ບາຣົວ ເວົ້າວ່າ:
“ເວົ້າເລຶ່ອງການເນລະເທດນັ້ນ ບໍ່ໜ້າຈະເປັນຈໍານວນຫຼວງຫຼາຍບາດດຽວ ຫຼືແບບ ເປັນກຸ່ມ ແລະກໍຄວນຈະມີຂັ້ນຕອນການ ຂໍອຸທອນໄດ້ ໃນກໍລະນີທີ່ມີການເນລະ ເທດເກີດຂຶ້ນ.”
ພວກຄົນງານຊາວຕ່າງດ້າວ ຖືວ່າເປັນກະດູກສັນຫຼັງຂອງໄທ ສໍາລັບທຸລະກິດການກໍ່ສ້າງ ໂຮງຈັກໂຮງງານ ການປະມົງ ແລະການເກັບໝາກໄມ້ ເປັນຕົ້ນ ແຕ່ພວກຄົນງານເຫຼົ່ານີ້ ສ່ວນຫຼາຍບໍ່ມີເອກະສານຢ່າງຖືກຕ້ອງຕາມກົດໝາຍ ແລະການທີ່ມີສະຖານະພາບບໍ່ຖືກ ຕ້ອງຕາມກົດໝາຍຂອງພວກເຂົາເຈົ້ານັ້ນ ກໍເຮັດໃຫ້ພວກເຂົາເຈົ້າຕົກຢູ່ໃນສະພາບທີ່ຖືກລະເມີດສິດທິ ຫຼືຖືກຂູດຮີດແຮງງານໄດ້ງ່າຍ.
ໂຄງການພິສູດສັນຊາດຂອງໄທ ໄດ້ພະຍາຍາມຫາວິທີພິທັກປົກປ້ອງພວກຊາວຕ່າງດ້າວ ໂດຍການປະຕິບັດງານຮ່ວມກັນກັບບັນດາປະເທດເພື່ອນບ້ານ ເພື່ອອອກໜັງສືຜ່ານແດນ ຊົ່ວຄາວໃຫ້ພວກເຂົາເຈົ້າ ເພື່ອໃຫ້ພວກເຂົາເຈົ້າສາມາດຍື່ນຂໍ ໃບອະນຸຍາດເຮັດວຽກໄດ້.
ແຕ່ໂຄງການດັ່ງກ່າວນີ້ ດໍາເນີນໄປຢ່າງຊັກຊ້າ ສິ້ນເປືອງຄ່າໃຊ້ຈ່າຍຫຼາຍ ແລະກໍຍັງຕ້ອງ ການການສະໜັບສະໜຸນຈາກພວກນາຍຈ້າງນໍາອີກ. ບັນດານັກເຄື່ອນໄຫວເວົ້າວ່າ ເຖິງແມ່ນຈະມີເຈດຕະນາດີສໍາລັບພວກຄົນງານຕ່າງດ້າວກໍຕາມ ແຕ່ໂຄງການນີ້ກໍເຮັດໃຫ້ ພວກນາຍຈ້າງມີທ່າອ່ຽງທີ່ບໍ່ຢາກໃຫ້ຄົນງານຂອງຕົນໄປເຮັດເອກະສານ ແລະເຮັດໃຫ້ ພວກນາຍໜ້າ ຄິດໄລ່ເອົາເງິນຈາກພວກຄົນງານ ໃນຈໍານວນເທົ່າກັບຄ່າຈ້າງຂອງພວກເຂົາເຈົ້າຫຼາຍໆເດືອນ ສໍາລັບຊ່ວຍເຫຼືອພວກເຂົາເຈົ້າໃຫ້ໄດ້ຮັບເອກະສານ ຖືກຕ້ອງຕາມ ກົດໝາຍນັ້ນ.
ທ່ານ ບາຣົວ ກ່າວຕໍ່ໄປວ່າ ILO ຢາກຈະເຫັນກົດໝາຍໄທປ່ຽນແປງ ເພື່ອພິທັກປົກປ້ອງ ພວກຄົນງານຊາວຕ່າງດ້າວ ໃຫ້ດີຂຶ້ນກວ່າເກົ່າ. ທ່ານບາຣົວ ກ່າວມ້ວນທ້າຍວ່າ
“ກົດໝາຍວ່າດ້ວຍຜູ້ຊອກຫາວຽກການເຮັດ ແລະການເກນຄົນງານ ຄວນຈະຖືກ ດັດແກ້ໃໝ່ ເພື່ອຮວມເອົາກົດລະບຽບ ກ່ຽວກັບການເກນເອົາພວກຄົນງານທີ່ຈະ
ເຂົ້າມາໃນປະເທດ. ປະການທີ່ສອງ ຂ້າພະເຈົ້າຄິດວ່າຄວນຈະມີກົນໄກການຮ້ອງ
ທຸກ ທີ່ມີປະສິດທິຜົນ.”
ເບິ່ງວີດິໂອກ່ຽວກັບຄົນງານຕ່າງດ້າວຊາວມຽນມາໃນໄທ:
