ນາຍຕຳຫຼວດໄທ ທີ່ປະເຊີນກັບການຖືກດຳເນີນຄະດີ ໃນຂໍ້ຫາຄາດຕະກຳ ນັກທຸລະກິດຊາອຸດີຄົນນຶ່ງນັ້ນ ໄດ້ ປະຕິເສດບໍ່ຂໍຮັບເອົາການຂຶ້ນຊັ້ນເປັນຮອງຜູ້ບັນຊາການ ຕຳຫຼວດແຫ່ງ ຊາດ.
ການເຄື່ອນໄຫວທີ່ວ່ານີ້ໄດ້ຫຼຸດຜ່ອນຄວາມເຄັ່ງຕຶງທາງດ້ານ ການທູດກັບຊາອຸດີອາເຣເບຍທີ່ໄດ້ມີຄວາມໂກດແຄ້ນເປັນ ທີ່ສຸດຕໍ່ການສະເໜີຂຶ້ນຊັ້ນ ໃຫ້ແກ່ນາຍຕຳຫຼວດໄທຄົນ ນີ້. ຄວາມສຳພັນລະຫວ່າງປະເທດທັງສອງ ໄດ້ຊຸດໂຊມລົງ ຍ້ອນຄະດີ ທີ່ແກ່ຍາວມາ ເປັນເວລາ 20 ປີ ທີ່ພົວພັນກັບ ການເສຍຊີວິດ ຂອງ 6 ຄົນ ແລະການລັກຂະໂມຍເພັດ ນິນຈິນດາໜັກ 90 ກິໂລ ຂອງຊາອຸດີອາເຣເບຍ.
ຄົນທຳຄວາມສະອາດຊາວໄທຄົນນຶ່ງ ຖືກກ່າວຫາວ່າ ໄດ້ນຳເອົາເພັດພອຍດັ່ງກ່າວກັບຄືນ ມາປະເທດໄທ ຊຶ່ງມີຮວມທັງເພັດສີຟ້າທີ່ຫາຍາກ ທີ່ໄດ້ຖືກລັກຂະໂມຍ ໄປຈາກພະລາດຊະວັງ ໃນນະຄອນຫຼວງຣິຢາດ ໃນປີ 1989. ເພັດພອຍສ່ວນໃຫຍ່ ຍັງຫາຍສາບສູນຢູ່.
ການລັກຂະໂມຍທີ່ວ່ານີ້ ແມ່ນພົວພັນກັບການສັງຫານ ນັກການທູດຊາອຸດີອາຣາເບຍ 3 ຄົນ ທີ່ບາງກອກ ການຄາດຕະກຳພັນລະຍາແລະລູກສາວ ຂອງພໍ່ຄ້າເພັດພອຍໄທຄົນນຶ່ງ ແລະການຫາຍສາບສູນ ຂອງນັກທຸລະກິດຊາອຸດີອາເຣເບຍ.
ພົນຕຳຫຼວດໂທສົມຄິດ ບຸນຖະໜອມແລະອີກ 4 ຄົນໄດ້ຖືກກ່າວຫາ ໃນເດືອນມັງກອນວ່າ ເປັນຜູ້ສັງຫານ ນັກທຸລະກິດຊາອຸດີອາເຣເບຍ ບໍ່ດົນກ່ອນທີ່ກຳນົດການຟ້ອງຮ້ອງຈະໝົດອາ ຍຸລົງ.
