ບັນດາກຸ່ມປົກປ້ອງສິດທິມະນຸດ ແລະອົງການຈັດຕັ້ງສັງຄົມພົນ
ລະເຮືອນອົບພະຍົບກ່າວວ່າ ນະໂຍບາຍຂອງປະເທດໄທ ທີ່ມີ
ຕໍ່ພວກຊອກຫາບ່ອນລີ້ໄພ ແລະອົບພະຍົບ ໄດ້ເຄັ່ງຄັດຂຶ້ນໃນ
ບໍ່ເທົ່າໃດປີທີ່ຜ່ານມາ ທ່າມກາງທີ່ມີການຈັບກຸມ ແລະເນລະ
ເທດເພີ້ມຂຶ້ນ ແມ່ນແຕ່ກ່ອນທີ່ພວກທະຫານໄດ້ເຂົ້າກຳອຳນາດ
ໃນປີ 2014 ເສຍອີກ.
ແຕ່ການເອົາທ່າທີທີ່ເຄັ່ງຄັດ ໃນການຮັບມືກັບການຊອກຫາ
ບ່ອນລີ້ໄພຂອງຊາວຈີນ ແລະພວກທີ່ຄັດຄ້ານລັດຖະບານອຶ່ນໆ
ໄດ້ສ້າງຄວາມຕົກໃຈໃຫ້ບັນດາກຸ່ມປົກປ້ອງສິດທິມະນຸດ ທ່າມ
ກາງໃນອັນທີ່ເຂົາເຈົ້າກ່າວວ່າ ປັກກິ່ງເພີ້ມການໃຊ້ອິດທິພົນໃນ
ການແຊກແຊງກ່ຽວກັບນະໂຍບາຍຂອງໄທທີ່ມີຕໍ່ບັນດາຜູ້ຊອກສະແຫວງຫາບ່ອນລີ້ໄພ ແລະອົບພະຍົບ.
ພວກອົບພະຍົບ ຊຶ່ງມັກຈະເດີນທາງດ້ວຍວີຊາທ່ອງທ່ຽວ ແລະຫວັງຈະໄດ້ຮັບ ຖານະການ
ຂໍລີ້ໄພທີ່ເປັນທາງການ ຊຶ່ງຕາມປົກກະຕິແລ້ວແມ່ນຫລົບໜີການປະ ຫັດປະຫານ ແລະມີ
ຄວາມຢ້ານກົວໃນຖານະທີ່ເປັນຊົນກຸ່ມນ້ອຍ ໂດຍສະເພາະຢູ່ໃນເຂດເອເຊຍໃຕ້.
ທ່ານນາງ Julia Mayerhofer ຜູ້ອຳນວຍການອົງການຕາໜ່າງສິດທິອົບພະຍົບ ໃນເຂດ
ເອເຊຍປາຊິຟິກ ກ່າວວ່າ ບັນຍາກາດຄວາມປອດໄພຢູ່ໃນປະເທດໄທ ສຳລັບອົບພະຍົບ
ໄດ້ເຊຶ່ອມໂຊມລົງ ມາເປັນເວລາຫລາຍປີແລ້ວ.
ທ່ານນາງ Mayerhofer ໄດ້ກ່າວເຖິງຮ່ອງຮອຍກ່ອນໜ້ານີ້ ເຖິງແຮງພັກດັນໄປສູ່່ນະໂຍ
ບາຍທາງເລືອກຂອງການເປັນປາກກະບອກສຽງ ໃນການກັກຂັງພວກອົບພະຍົບ ໂດຍ
ສະເພາະບັນດາເດັກນ້ອຍທີ່ໄດ້ຕົກຫລົ່ນໄປຢູ່ທາງຂ້າງ.
ພວກອົົບພະຍົບ ແລະບັນດາຜູ້ຊອກຫາບ່ອນລີ້ໄພຢູ່ໃນປະເທດໄທ ຍັງສືບຕໍ່ຕົກຢູ່ອັນ
ຕະລາຍ ຕາບໃດທີ່ຍັງບໍ່ມີກົດໝາຍແຫ່ງຊາດ ແລະຂອບທາງດ້ານກົດໝາຍຊຶ່ງປະເທດດັ່ງກ່າວ ບໍ່ໄດ້ຮ່ວມລົງນາມໃນສົນທິສັນຍາອົບພະຍົບ ສະບັບປີປີ 1951 ຂອງອົງການ
ສະຫະປະຊາຊາດ.
