ລິ້ງ ສຳຫລັບເຂົ້າຫາ

logo-print

ປະຕິກິລິຍາ ຕຳຫຼວດໄທ ຕໍ່ການວາງແຜນ ຄາດຕະກຳ ນັກທ່ອງທ່ຽວ ອິສຣາແອລ


ພະລາຊະວັງຫລວງ ທີ່ບາງກອກ
ບັນ​ດາ​ເຈົ້າ​ໜ້າ​ທີ່​ໄທ ກ່າ​ວ​ວ່າ ເຂົາ​ເຈົ້າ​ຫວັງ​ວ່າ ເຂົາ​ເຈົ້າ​ໄດ້ພົບ
​ເຫັນ​ແຜນຫລ້າ​ສຸດຢູ່​ໃນ​ປະ​ເທດ​ເອ​ເຊຍ​ອາ​ຄະ​ເນທີ່​ຈະ​ທຳ​ການ
​ໂຈມ​ຕີນັກ​ທ່ອ​ງ​ທ່ຽວ​ ຊາວ​ໜຸ່ມ​ອິ​ສ​ຣາ​ແອ​ລ. ​ນັກ​ຂ່າວ ວີ​ໂອ​ເອ
Steve Herman ລາຍ​ງານ​ຈາກບາງກອກ.

​ກົມ​ຕຳ​ຫລວດ​ໄທ ກ່າວ​ວ່າ​ ການ​ຮັກ​ສາຄວາມ​ປອດ​ໄພ​ໄດ້​ເພີ້​ມ​
ຂື້ນ ​ຢູ່​ອ້ອມ​ແອ້ມ ບ່ອນ​ນັກ​ທ່ອງ​ທ່ຽວ​ອິ​ສ​ຣາ​ແອ​ລ ມັກ​ມາ​ຢ້ຽມ​
ຢາມ​ນັ້ນ ເຖິງ​ແມ່ນ​ວ່າ ບັນ​ດາ​ເຈົ້າ​ໜ້າ​ທີ່ລັດ​ຖະ​ບານ​ໄທ ​ປະ​ຕິ
​ເສດການ​ເຜີຍ​ແຜ່​ລາຍ​ງານ​ວ່າມີ​ເຖິງ​ເກົ້າ​ຄົນ ​ທີ່ພົວ​ພັນ​ກັບກຸ່ມ​
ຫົວ​ຮຸ​ນ​ແຮງ ເລ​ບາ​ນອນ Hezbollah ທີ່​ອາດ​ຈະຊອກຫາ​ໂຕ​ຢູ່
​ໃນ​ປ​ະ​ເທດ.

ໂຄ​ສົກ​ກົມຕຳ​ຫລວດລາຊະ​ອາ​ນາ​ຈັກ​ໄທ ກ່າວ​ວ່າ ພົນຕຳຫຼວດ​ຕີ ພິ​ຍາ ອຸ​ຕາ​ໂຍ ກ່າວ​ວ່າ ​ໄດ້​ມີການເພີ້​ມການຮັກ​ສາ​ຄວາມ​ປອດ​ໄພ ບໍ່ພຽງ​ແຕ່ໃນນະ​ຄອນ​ຫລວງບ​າງກອກເທົ່າ​ນັ້ນ ແຕ່​ຢູ່​ທົ່ວ​ປະ​ເທດນຳ.

ເຈົ້າ​ໜ້າ​ທີ່​ກ່າວ​ວ່າ​ ເຂົາ​ເຈົ້າ​ຫວັງ​ວ່າ ​ໂດຍ​ການຈັບ​ກຸມ​ແລະ​ຄວບ​ຄຸມ​ໂຕ​ຜູ້​ຕ້ອງ​ສົງໄສ​ ສອງ​ຄົນໄວ້ນັ້ນ ພວກ​ຕົນ​ໄດ້ທັບມ້າງ ແຜນ​ການ​ໂຈມ​ຕີ​ບັ້ນນຶ່ງ ຫລືອາດ​ຫລາຍ​ໆ​
ບັ້ນ ທີ່​ແນ່​ໃສ່ຄົນອິ​ສ​ຣາ​ແອ​ລ. ທັ​ງ​ສອງ ຊຶ່ງເກີດ​ຢູ່ເລ​ບາ​ນອນຖືກ​ກ່າວ​ຫາ​ວ່າ ມີ​ສ່ວນພົວພັນ​ກັບກຸ່ມ​ Hezbollah ທີ່ສະ​ຫະ​ລັດ ແລະ ​ອິ​ສ​ຣາ​ແອ​ລ ຖືວ່າເປັນ​ອົງ​ການ​ກໍ່​ການ​ຮ້າຍ.

ທາງ​ການ​ໄທ​ບົ່ງ​ຊື່ຜູ້​ຊາຍເລ​ບາ​ນອນ​ທີ່​ຖືກ​ຈັບວ່າ ​ເປັນ ທ້າວ Daoud Farhat ​ທີ່​ຖື​ສັນ​ຊາດ​ຝ​ຣັ່ງ ນຳ ແລະ ທ້າວ Youssef Ayad ​ທີ່ມີ​ໜັງ​ສື​ເດີນ​ທາງ ຟິ​ລິບ​ປີນ.

​ເອກ​ອະທິບໍດີກົມຖະ​ແຫລ​ງຂ່າວ​ ຂອງກະຊວງ​ການ​ຕ່າງປະ​ເທດ​ໄທ ທ່ານ ເສ​ກ ວັນນະ​
ເມ​ທີ ກ່າວ​ຕໍ່ ວີ​ໂອ​ເອ ວ່າ ທັງ​ສອງ​ຄົນ​ໄດ້​ຖືກ​ກັກໂຕ​ໄວ້ໃນ​ຖານ​ຝ່າ​ຝືນເງື່ອນ​ໄຂຂອງ ວິຊ່າທ່ອງ​ທ່ຽວ​ຂອງ​ເຂົາ​ເຈົ້າ ແຕ່​ວ່າ​ເຂົາ​ເຈົ້າ ບໍ່​ໄດ້​ຖືກ​ກ່າວ​ຫາ ວ່າ ​ໄດ້​ກະທຳ​ຄວາມ​ຜິດ
​ທີ່​ຮ້າຍ​ແຮງໃດໆເທື່ອ.

ທ່ານ ເສ​ກ ​ເວົ້າ​ວ່າ: ມີການພົບ​ເຫັນເອ​ກະ​ສານ​ຕ່າງໆ ທີ່ອາດ​ສາມາດ​ພົວ​ພັນ​
ກັບ
ວິທີ​ການ​ກໍ່​ຄວາມຮຸ​ນແຮງ​ໄດ້. ແຕ່​ວ່າ ​ໃນທາ​ງຝ່າຍ​ໄທ ເຮົາ​ບໍ່​ສາ​ມາດ​ລົ​ງ​
ຄວາມ​ເຫັນ​ໄດ້ວ່າ ເຂົາ​ເຈົ້າມາ​ທີ່​ນີ້
​ເພື່ອປະ​ຕິ​ບັດ​ກິດ​ຈະ​ການ​ກໍ່​ການ​ຮ້າຍ​ໃດໆ.
​ແຕ່​ວ່າ ບັນ​ດາ​ເຈົ້າ​ໜ້າ​ທີ່​ໄທ
ກໍ​ຄືຫ້ອງ​ການ​ຕຳ​ຫລວດກວດ​ຄົນ​ເຂົ້າ​ເມືອງ ໄດ້​
ຕັດ​ສິນ​ໃຈ​
ລົບ​ລ້າງວິ​ຊ່າຂອງ​ເຂົາ​ເຈົ້າ. ​ເພາະສະ​ນັ້ນ ​ເຮົາ​ກໍຈະ​ຕ້ອງ​ໄດ້​​ເຮັດ​
ຕາມ​ລະບຽບ​ການ
​ໂດຍໃຊ້​ກົດ​ໝາຍກວດ​ຄົນ​ເຂົ້າ​ເມືອງ.

​ຜູ້​ຕ້ອງ​ສົງ​ໄສ​ຄົນ​ທີ​ສາມ ທີ່ທາງເຈົ້າ​ໜ້າ​ທີອິ​ສ​ຣາ​ແອ​ລໄດ້​ແຈ້ງ ເຕືອນ​ໃຫ້ບັນດາ​ເຈົ້າ​ໜ້າ​
ທີ່​ໄທຮູ້ນັ້ນ ​ບໍ່​ໄດ້​ເຂົ້າ​ມາ​ປະ​ເທດ ອີງ​ຈາກເຈົ້າ​ໜ້າ​ທີ່​ຢູ່​ນີ້.

​ລາຍ​ງານ​ຂ່າວ​ໜັງສືພິມ​ເວົ້າ​ວ່າ ຂໍ້​ມູນ​ທີ່​ທາງອິ​ສ​ຣາ​ແອ​ລສະໜອງ​ໃຫ້​ນັ້ນ ​ບອກໃຫ້​ຮູ້
ໂດຍ​ສັງ​ເຂ​ບ ເຖິງ​ແຜນການ​ໂຈມ​ຕີຢູ່​ຫົກ​ແຫ່ງ ໃນ​ເມືອງ​ຫລວງ​ຂອງ​ໄທ.

ກະ​ຊວງ​ກິດຈະການ​ຕ່າງ​ປະ​ເທດອິ​ສ​ຣາ​ແອ​ລ ໄດ້​ປະ​ຕິ​ເສດ​ທີ່ຈະ​ເປີດ​ເຜີຍ​ລາຍ​ລະ​ອຽດ
​ໃດໆ. ​ໂຄ​ສົກ​ກ່າວ​ວ່າ ລັດ​ຖະ​ບານອິ​ສ​ຣາ​ແອ​ລ​ ມີ​ຄວາມ “ໝັ້ນ​ໃຈ​ວ່າ ທາງ​ການ​ໄທ ກຳ
ລັງ​ເອົາ​ບາດ​ກ້າວໃດໆ​ກໍ​ຕາມ ທີ່ເຫັນ​ວ່າຈຳ​ເປັນ.”

​ອິງ​ຕາມເຈົ້າ​ໜ້າ​ທີ່​ໄທນັ້ນ ພວກ​ຕ້ອງ​ສົງ​ໄສ​ມີ​ແຜນ​ຈະ​ທຳການ​ໂຈ​ມ​ຕີ ໃນ​ອາ​ທິດ​ກ່ອນ
ຕອນ​ທີ່​ມີ​ການ​ສະ​ຫລອງ​ບຸນ​ປີ​ໃໝ່​ສົງ​ການ ຊຶ່ງ​ກົງ​ກັນ​ກັບ ກາ​ນສະຫລອງ ບຸນ​
Passover ຂອງ​ຊາວ​ຍິວ.

​ລາຍ​ງານ​ສື່​ມ​ວນ​ຊົນເວົ້າ​ວ່າ ການ​ໂຈ​ມ​ຕີ​ຈຳ​ນວນ​ນຶ່ງໄດ້​ແນ່​ໃສ່ ຖະ​ໜົນ​ເຂົ້າສານ ໃນ​
ບາງກອກ ບ່ອນ​ທີ່​ພວກ​ຊາວ​ໜຸ່​ມ​ເປ້​ຖົງ ​ໂດຍ​ສະ​ເພາະ​ຊາວອິ​ສ​ຣາ​ແອ​ລ ມັກ​ພາ​ກັນ
​ໄປເຕົ້າ​ໂຮມ​ ຢູ່ທີ່​ນັ້ນ.

ທ່ານ Yoram Schweitzer ນັກ​ຄົ້ນ​ຄວ້າ​ອາ​ວຸ​ໂສ​ ທີ່ສະ​ຖາ​ບັນ​ການສຶກ​ສາ​ດ້ານຄວາມ
​ໝັ້ນ​ຄົງ​ແຫ່ງ​ຊາດອິ​ສ​ຣາ​ແອ​ລ ກ່າວ​ວ່າ ກຸ່ມ Hezbollah ມີ​ໜ່ວຍ ປະ​ຕິ​ບັດ​ງານ​ທີ່​ສະ​ລັບ​
ຊັບ​ຊ້ອນທັນ​ສະ​ໄໝ ​ຢູ່ນອກ​ຄ້າຍຂອງ​ເຂົາ ໃນເລ​ບາ​ນອ​ນ ແລະ​ໄດ້​ພະ​ຍາ​ຍາມຊຳ້​
ແລ້ວ​ຊ້ຳ​ເຫລົ່າທີ່​ຈະ​ທຳ​ການ​ໂຈມ​ຕີ​ຢູ່​ໃນປ​ະ​ເທດ​ໄທ ​ແລະ​ປ​ະ​ເທດ​ອຶ່ນໆ.

ທ່ານ Schweitzer ກ່າວ​ວ່າ : “ໃນ​ສອງ​ປີ​ທີ່​ຜ່ານ​ມາ ພວກເຂົາໄດ້​ພະ​ຍາ​ຍາມ​ຢ່າງ​
ຫລວງ
ຫລາຍ​ ທີ່​ຈະທຳການ​ໂຈມ​ຕີ​ຢູ່ນອກ​ປະ​ເທດ ບໍ່​ພຽງແຕ່​ໃນບາງກອກ ​ເທົ່າ​
ນັ້ນ ​ແຕ່
ໃນ​ເທິ​ກີ ​ໃນອິນ​ເດຍ ​ໃນ​ອາ​ເຊີ​​ໄບຈານ ແລະ​ໃນ​ບາງກອກ​ເອງ ພວກ
ເຂົາ​ກໍໄດ້​ພະ​ຍາ​ຍາມຈະ​ເຮັດ​ ໃນ​ປີ 2012. ແລະ​ກໍໄດ້​ມີ​ແຜນປະ​ຕິ​ບັດ​ານໃນ​
ປີ
1996 ເຊັ່ນ​ກັນ ​ແຕ່ໄດ້ຖືກ​ຂັດຂວາງ​ເສຍ​ກ່ອນ ຍ້ອນ​ເກີດອຸ​ປະ​ຕິ​ເຫດ. ສະ
ຫລູ​ບ​ແລ້ວ ກໍ​ແມ່ນ​ວ່າ
ພວກເຂົາ​ມີ​ຄວາມ​ສາ​ມາດ​ເຫລົ່າ​ນີ້ ​ແລະກໍມີ​ຄວາມ​ຕັ້ງ​
ໃຈ​
ສະ​ນັ້ນ ​ແນ່ນອນ​ວ່າ ​ມັນບໍ່​ແມ່ນ​ເລື້ອງແປ​ກ​ປະ​ຫລາດ.”

​ໂຄ​ສົກກະ​ຊວງ​ການ​ຕ່າງ​ປະ​ເທດ​ໄທ ທ່ານ ເສ​ກ ວັນນະ​ເມ​ທີ ກ່າວ​ວ່າ ບັນ​ດາ​ເຈົ້າ​ໜ້າ​
ທີ່ໃນບາງກອກ ຮູ້​ເລື່ອງ​ນີ້ດີ ແລະກໍ​ມີ​ຄວາມ​ຕັ້ງ​ໃຈ ​ທີ່​ຈະ​ຂັດຂວາງທຸກ ​ຄວາມພະ​ຍາ​
ຍາມ​ໃດໆ ​ໃນ​ອະ​ນາ​ຄົດ.

​ທ່ານ ເສ​ກ ​ເວົ້າ​ວ່າ: ບັນດາອົງ​ກນ​ຄວາມ​ໝັ້ນຄົງ​ຂອງໄທ ຍັງ​ຄົງ​ເຝົ້າສິ້ງ​ຊອມ​
ລະວັງ​ໄພ​ຢູ່
. ​ເຂົ​າ​ເຈົ້າ​ພາ​ກັນ​ເຮັດ​ວຽກ​ຢ່າງ​ໃກ້​ຊິດ​ກັບ ໜ່ວຍ​ຮັກ​ສາ​ຄວາມ​ປອດ​
ໄພ​ທັງ​ໝົດ ໂດຍ​ສະ​ເພາະ​ຢ່າງ​ຍິ່ງກັບອິ​ສ​ຣາ​ແອ​ລ ແລະກັບ​ປະ​ເທດ
ອື່ນໆ ອີກ​
ຫລາຍໆ​ປະ​ເທດ
ຍ້ອນຄວາມ​ຈິງ​ທີ່​ວ່າ ໄທເປັນ​ຈຸດ​ໝາຍປາຍທາງ​ຂອງພວກ​
ນັກ​ທ່ອງ​ທ່ຽວ ແລະ
​ເປັນຈຸດສູນ​ກາງຂອງສາຍ​ການ​ບິນ ໃນເອ​ເຊຍ​ອາ​ຄະ​ເນ.
ມັນ​ແມ່ນ​ຄວາມ​ເສຍປຽບ​ຢ່າງ​ນຶ່ງ ຂອງ​ການ​ເປັນ​ສູນ​ກາງຂອງສາຍ​ການ​ບິນ.”

​ປະ​ເທດ​ໄທ ເປັນຈຸດ​ໝາຍ​ປາຍທາງ ທີ່ພວກ​ນັກ​ທ່ອງ​ທ່ຽວເງິນໜ້ອຍ ນິຍົມ​ກັນ​ໄປ
ແລະ​ເປັນ​ຈຸດເລີ້ມ​ຕົ້ນ ​ສຳ​ຫລັບ​ການ​ເດີນທາງ​ໄປ​ທ່ຽວຕໍ່ ທີ່ປະ​ເທດ​ໃກ້​ຄຽງ ສຳ​ຫລັບ
​ພວກນັກ​ທ່ອງ​ທ່ຽວ​ຊາວໜຸ່ມອິ​ສ​ຣາ​ແອ​ລ ທີ່​ຫາ​ກໍ​ສຳ​ເລັດ​ການ​ຮັບ​ໃຊ້ ​ເປັນ​ທະ​ຫານ​
ຕາມ​ຂໍ້​ບັງຄັບ​ຂອງ​ກົດໝາຍ. ​ຄາດກັນ​ວ່າ ມີ​ຊາວອິ​ສ​ຣາ​ແອ​ລ ປະ​ມານ 120,000
ພັນຄົນ ພາ​ກັນ​ໄປ​ທ່ຽວ ປະ​ເທດ​ໄທ ​ໃນແຕ່​ລະ​ປີ.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG