ກຸ່ມເສື້ອແດງແລະເສື້ອເຫລືອງ ປະທ້ວງຕໍ່ຕ້ານລັດຖະບານອີກ

ພວກປະທ້ວງເສື້ອແດງແລະເສື້ອເຫລືອງໃນປະເທດໄທ ໄດ້
ພາກັນໂຮມຊຸມນຸມປະທ້ວງ ຢູ່ຄົນລະບ່ອນໃນບາງກອກໃນ
ວັນອາທິດມື້ນີ້ ຊຶ່ງເປັນການເນັ້ນໜັກໃຫ້ເຫັນເຖິງຄວາມ
ແຕກແຍກຢ່າງເລີກເຊິ່ງທາງດ້ານການເມືອງຢູ່ພາຍໃນປະ ເທດ.

ພວກເສື້ອແດງທີ່ສະໜັບສະໜຸນອະດີດນາຍົກລັດຖະມົນຕີ
ທັກສິນ ຊິນນະວັດ ທີ່ຖືກໂຄ່ນລົ້ມ ໄດ້ພາກັນໂຮມຊຸມນຸມ
ຢູ່ນອກສານອາຍາ ຮຽກຮ້ອງໃຫ້ປ່ອຍໂຕພວກຜູ້ນໍາຂອງ
ພວກເຂົາເຈົ້າ 18 ຄົນ ທີ່ໄດ້ຖືກກັກຂັງ ມາຕັ້ງແຕ່ການປະ
ທ້ວງທີ່ຮຸນ​ແຮງ​ເຖິງ​ຕາຍ ເປັນເວລາ 10 ອາທິດ ​ໄດ້​ຖືກ​ ທັບ​ມ້າງ ໃນປີແລ້ວນີ້.

ສ່ວນພວກເສື້ອເຫລືອງຫລາຍພັນຄົນ ກໍໄດ້ພາກັນໂຮມ
ຊຸມນຸມຢູ່ບ່ອນນຶ່ງອີກ ຮຽກຮ້ອງໃຫ້ນາຍົກລັດຖະມົນຕີ
ອະພິສິດ ເວດຊາຊິວະ ລາອອກ. ທ່ານອະພິສິດໄດ້ສູນ
ເສຍການສະໜັບສະໜຸນຂອງພວກເສື້ອເຫລືອງໃນທ່າມ
ກາງການຜິດຖຽງກັນເລື້ອງ ຊາຍແດນ ກັບກໍາປູເຈຍ.

ມີຕໍາຫລວດປາບ​ຈະລາຈົນຢືນຢາມຢູ່ຢ່າງຫລວງຫລາຍ ໃນທັງສອງບ່ອນ ແຕ່ບໍ່ໄດ້ພະຍາ
ຍາມທໍາການຂັດຂວາງການປະທ້ວງ ທີ່ໄດ້ດໍາເນີນໄປຢ່າງສັນຕິນັ້ນ ແຕ່ຢ່າງໃດ.